Hahnibo 17:32 - Capanahua

³² Hihquipi bi hahquirihbi teehihmahi yohihi nincacax bitsa bitsacani. —Huetsa tian min noque yohirihbinon tah non nincayaxihqui —hihqui caibo rihbi.

Hahnibo 17:32 Iomraidhean Croise

Lucas 14:18

Yohihah bi huesti cacatsihyamahi. Jaa cacatsihyamahiya jatihibi sca cacatsihyamascacani. Jan yohimenohah cacatsihyamaxon joi bichinscaquin: Huai tah hen marohipiqui. Pihi catahin tah hen heen huai jisi cahi. Pihi cati tah hen hahtipahyamascai hahquin hea yohixontanhue hahquin.

Lucas 22:63

Xobohoxon sca Jesus xecoxon hosanhahnan rishquicanquin.

Lucas 23:11

Jahuen sontarobo betan Herodesnin Jesus tiromajaquin yohixon hosan hosanscaquin. Quiquin hapon tari sahuemaxon sca Pilato janin raanrihbiquin.

Lucas 23:36

Sontarobaan rihbi sca jano nihxon hosan hosanquin. Mae cachani bexon, hinanquin.

Hahnibo 13:41

Jisnahue, hea hosanaibaan. Rahtenahue queyoscanoxon. Man jihuetai netenbi hen hahan rahteti hahcaiya bi tah man hihcoinai shinantimabiresai. Papan ta jascajaaxqui hih huetsa jai bi hih ta jahuen huisha jaiqui. Jistahi man. Jan yohihi quescabija jan mato jamis —jato jaquin.

Hahnibo 17:18

Jaton honan joi honanaibo rihbi ta jano nihnínishqui, caibo epicúreobo, caibo estoicobo. Jaabaan ta Pablo yohuanquihnnishqui. Yohuanquihnax: —¿Jahua yohuan nea paranmis jaiquin? —hihqui caibo. —Nahuan dios joi yohinica ra tah qui —hihqui caibo rihbi. Jesus hihquipish bi hahquirihbi teehihqui joi jan yohihiya jascacani.

Hahnibo 17:31

Jahuen hahan casticanti nete janoxahnon ta yohiscanishqui. Jahuen hahan casticannicah ta jaribiscaiqui, Mia tah min jonibo pontejaquin casticannicah qui hah cahen jaa janish. Jahuen casticannicah tsoa quin non honannon ta hihquipi que bi jaa hahquirihbi teehihmanishqui —jato jaquin Pablonen.

Hahnibo 17:33

Jascahiya jato janinhax Pablo picoscai.

Hahnibo 2:13

Jascahibo bi yohuanxon sca caibaan hosanquin: —Pahenax ta jascari yohuancaniqui —hahcanquin.

Hahnibo 24:25

Non ponte jihueti jai, non coirameti jai, Papan casticanyaxihqui joibo rihbi Pablonen yohihiya Félix rahte rahteti. Nincaxon: —Caresscahue. Hen tee hichayamahiya tah hen mia hahquirihbi quenamatihi —hahquin.

Hahnibo 25:19

Jaton dios hahxonti joibo copi res ta yohinanipicanaxqui. Huesti Jesus yamanicaton joi copi rihbi. Jihue ta jaiqui, hih ta Pablo jaiqui, jaa yohihi.

Hahnibo 26:8

¿Mahuanihbo Papa Diosen huenicointima shinan man jain?

1 Corinto 1:23

Jascahibaan bi tah non jihuin hueonahbo Cristo mahuani joi non yohihi. Judiobaan shinanah, rahninti joi. Jaton nahuabaan shinanah, nincatima joi.

1 Corinto 15:12

Cristo hihquipi bi ta Papan jaa huenirihbinishqui. Jasca tah non jai, joi siri yohiquin. ¿Jenquetsahax sca man Mahuanihbo ta tsoabi huenitimascaiqui hih man caibo jain?

1 Corinto 4:10

Noquen Cristo joi non yohihi copi tah non honanmabo qui, maton jisí. Mato cahen honanbo, Criston shinanyahpabo copi. Noque cahen yosmabo, mato cahen coshiyahpabo, maton jisi. Noque jahuamabo, maton shinanah. Mato siribo, maton shinanah.

2 Corinto 6:2

Nincati siripai tian bi tah hen mato nincascai. Mato teehihmati netenbi tah hen mato yanapanai hah cahen jaan janish. Rahma ta nincacah siri qui. Mato teehihmati nete ta nocoscaiqui.

Hebreobo 11:36

Caibaan rihbi ta hosan hosanah bi tenenishqui, jihuin rishqui rishquihah bi tenequin, cadenanen nexahahbo bi tenequin, sipo xoboho tsahonahbo bi tenequin.

Hebreobo 13:13

Jaa copi jano Jesus hihqui janin res canon benahue, judiobaan jemama qui. Noquen Jesusen teneni quescabijaquin jaa tenexonnahue, caibaan noque tiromajahah bi tenequin.