Efesiobo 5:19 - Capanahua

¹⁹ Hinamehti behuanahue, Papan join behuahi, noquen Hihbo qui behuahi, matonbi shinanax joni huetsa yohiquin sirijahi behuahi. Maton jointinin noquen Hihbo qui jenimaribihax behuarihbinahue.

Efesiobo 5:19 Iomraidhean Croise

Mateo 15:8

Jaton janan nea jonibo hehqui siripi yohuanih bi ta jaton jointinin jahuabi nincayamahiqui.

Mateo 26:30

Pihax, behuahax, olivo janeya manan qui sca bocani.

Hahnibo 16:25

Yame pochinicon sca Pablo betan Silasen noquen Papa yocaquin. Papa qui siripi behuahi. Hahbe sipojahipibaan cahen jato nincaquin.

1 Corinto 14:15

Jascahiya, ¿hen jahuejatihin? Heen yoshiman Papa yohixon tah hen heen shinaman rihbi Papa yohitihi. Heen yoshiman behuahax tah heen shinaman rihbi behuatihi.

1 Corinto 14:26

Jaa copi hen mato yohinon nincanahue, heen huetsabaan. Tsinquitax cah man huetsa jahuen behua jai. Huetsa joni rihbi cahen jahuen honanmati joi jai. Huetsa joni rihbi cahen Papan joi yohiti jai. Huetsa joni rihbi cahen huetsapa yohuan jai. Huetsa rihbi cahen jahuen mahnexon yohiti joi jai. Jaa copi tah hen mato yohihi: Joni huetsa coshi hinannoxon res janahue.

Colosas 3:16

Criston joi rihbi maton jointi janin bexojanahue hicha. Shinanquin sirijahax honanmahanannahue pontejaquin yohinani. Behuarihbinahue. Papan huishani behuahi. Matonbi shinanax behuarihbinahue noquen Hihbo qui behuahi. Maton jointinin shinanax Hahxon tah min noque jai Papan hihqui behuahi.

Santiago 5:13

¿Min hohmis hohmisain? Papa yocahue. ¿Min jenimahin? Noquen Hihbo qui behuahue.

Jayaxihquibo 5:9

Behua behna sca behuacani. Mian tah min jaa quirica bihti hahtipahi. Bihxon tah min quehpentihi. Papa Dios bihxonquin tah min miin jimin jatihibi janinhahbo jonibo bihniqui. Jatihibi joiyahpabo, jatihibi huaca quiha, jatihibi mai quiha tah min jonibo bihniqui, miin jimin copijaquin.