Efesiobo 3:20 - Capanahua

²⁰ Jahuen coshiyaxon ta jaan noque shinan hinanihqui, heen huetsabaan. Yocacatsihquin non shinanai quesca res ma bi ta tsoan shinannihma hashoan hihtijaquin jaan noque hahxonti hahtipahiqui.

Efesiobo 3:20 Iomraidhean Croise

Mateo 3:9

Noque caya tah non Abrahanen baquebo qui hihyamaribinahue. ¡Man yohinani jascamis! Abraham baquebo jacatsihquin ta nea man jisi macanbo Papan jonijati hahtipahiqui, Abraham baquebo sca janon.

Juan 10:10

Yometsohti res ta yometso jahuiqui. Rehtehi rihbi jahui. Masajahi rihbi jahui. Jihuetahbo tah hen hea jahui, siripi jihuetahbo.

Romanobo 16:25

Noquen Papa ta Quiquin Hihbo qui, heen huetsabaan. Jesucristo ta jihuemanicah qui hihbonahi non canon ta Papan jahuen joi siri noque hinannishqui. Neateman ta jaa joi siri Papan tsoabi honanmayamapahonishqui. Nea rahma tahni ta noque honanmanishqui, non honannon hihxon. Jahuenbihax piconihma bi jascabihi janíxon ta Papan rahma tahni jahuen joi huishanicabo yohinishqui, huishahabo. Jaa huishanihbo jisxon, Papan rihbi noque honanmaha honanxon tah non honanquin sirijascai. Jatihibi jonibaan nincacoinax hinamehtax queyoyamanox sca jihuenon hihxon ta noque honanmahiqui, noquen Papan. Jaa joi siri tah hen jaayohihi. Jaa joi siri nincacoinxon man jahuentianbi potayamanon ta Papan mato coshijati hahtipahiqui, heen huetsabaan.

Romanobo 4:21

Hen tah hen honanai. Min yohini quescabijati tah min hahtipahi. Min hea baque hinantihi tah hen honanai, hahquin.

1 Corinto 2:9

Huishani joi jai quesca tah qui. Beron tsoanbi jisyamanibo, pabinquinin nincayamanihbo, jointinin shinanyamanihbo, jascapahbo ta Papan noque hahxonnishqui. Noquen Papahon non queenaibo ta noque jascapahbo hinanyaxihquiqui hih ta jahuen huishani joi jaiqui.

2 Corinto 9:8

Man pishinaibo jatihibi ta Papan mato hicha hinanti hahtipahiqui. Jaan hinanah tah man jahuabi pishinyamascaxon jatihibi siribojaxonquin hahtipahscatihi.

Efesiobo 1:19

¿Noquen Papa jahuentiho coshi quin? Jahuen shinan jahan jan rahma mato hahxonai ¿jahuentiho coshi quin? Man honannon hihxon tah hen yocaxonai.

Efesiobo 3:7

Jahuen joi nincamanica hen janon hihxon ta noquen Hihbaan hea yohinishqui. Jatohon shinanxon Papan jato hihti hahxonai yohinica mia jahue hahquin ta hea tee hinannishqui. Heanbi shinanxon hen jahuejati hahtipahyamahi bi ta jahuen coshi shinanyaxon jaan hea teemahiqui.

Colosas 1:29

Jascapahbo janon hihquish tah hen shinan caman hahtanax tee teetai. Jan hea hinanai coshin tah hen coshin bi res tee teetai jato yocaxoni.

1 Timoteo 1:14

Jahuen shinan yohuashihxonma ta hea hinanresnishqui, jahan hen shinannon hihxon, jahuen joi hen shinancoinnon hihxon rihbi.

Hebreobo 11:19

Isaaque mahuascai bi ta Papan hahquirihbi teehihmati hahtipahiqui hihxon ta Abrahanen hinannishqui. Jaa copi ta rehteyamahue Papan hahca rehtexonma bihribixon sca hahquirihbi teehihqui quesca jahuen baque jisnishqui.

Hebreobo 7:25

Queyóyosmaxon ta jahuen joi nincacoinax Papa qui jahuibo jaan jascabijaquin yohuanxonti hahtipahiqui. Jaa copi ta jascabijaquin jato jihuemati hahtipahiqui.

Santiago 4:12

Noquen nincati joi hinannica ta huesti res qui. Noque jisxon Tiromayamahax siri quin hahxon jisnicah ta jaa huesti rihbi qui. Jaan ta noque teehihmati hahtipahiqui. Noque queyoti rihbi ta hahtipahiqui. ¿Jahuaxon sca min miin huetsa jisxon tiromayamahax siri quin hah min jatihin?

2 Pedro 1:11

Jaatian sca tah man siri bi res noquen Hihbo Jesucristo qui catihi. Noque jihuemanicahton mato jano jascabi sca jihuemayaxihqui janin tah man siri bi res hahqui nocotihi.

Judas 1:24

Papan ta mato tenemati hahtipahiqui, man paqueyamanon. Rishtajoma jaa bebonbi man jahuen xabapan jenimahanan nihnon ta mato bexojati hahtipahiqui.