1 Pedro 2:6 - Capanahua

⁶ Papan huishamani joi janin ta nea jaiqui: Jise, heen jonibo tocan tah hen hean caisai jihui nichinhihni sca jai, siri bi res hahqui xobojati siri. Jaa nincacoinaibo ta tsoanbi hihtimahmatimahihqui hihqui jaa joi.

1 Pedro 2:6 Iomraidhean Croise

Mateo 12:18

Jisnahue. Jaa ta hen caisai heen joni qui. Hahan hen hihti queenai heen joni tah qui. Hahan hen jenimahi. Heen yoshin tah hen hinanai. Jayaxon ta jatihibi nahuabo yohiyaxihquiqui, jato hihboscanoxon.

Marcos 12:10

¿Nescajaquin huishani joi man jisyamaniquin? Tiroma ta jaiqui hihxon xobojahibaan potabohannihbo jihui ta hahqui xobojati jihui qui.

Lucas 20:17

Jato bejispaquequin sca: —¿Nea huishani jahua hihcatsihquiquin? Jaa nahuita jihui ta tiroma qui hihxon xobojahibaan potahibaan bi ta jaabaan potahi jihui qui hean xobojacoinai hih ta jaiqui huishani joi.

Lucas 23:35

Jano tsinquijaquecahuani nihxon, jonibaan jis jisquin. Hosan hosancanquin, jaton hapobaan. —Caibo ta rohajapahonishqui. Papan Cristohax hahrí sca rohajahanon, Papan caisah jonihax hahri rohajahanon —hihcani jaton hapobo.

Juan 7:38

Hea nincacoinai joni janinhax ta jene mohini huean bahihihcamaxihquiqui, jahuen jointi janinhaxbi, Papan huisha joi jai quescari —hahquin.

Hahnibo 1:16

—Papan huishamani joi jai quescari ta jahoxqui, noque huetsabaan. Judasen jascajayaxihqui ta Davidinin huishanishqui, Dios Yoshiman shinanmahah. Jesus bihmanoxon ta Judasen Jesus qui jonibo hihuehoxqui.

Romanobo 10:11

Papan huishamani jai quesca tah qui. Hihcoinai shinanax hehqui hinamehtaibo jatihibi tah hen hean yohihi quescabijaquin hahxoncointihi hihqui.

Efesiobo 1:4

Naiyahpa mai hahriyamaxon bi ta noque caisnishqui, non Cristo bihyaxihqui honanxon. Ponte siribo non janon hihxon ta noque caisnishqui, jaan jisi jahuabi tiroma non yamanon.

Efesiobo 2:20

Shinan hihboxon ta xobojaquin hahcajaquin Jesucristonen noque huesti yorajahiqui, hea huetsabaan. Noque ta bihresyamahihqui. Jahuen joi yohinicaboya jahuen raantibo raanxon ta joi nincamaxon noque tsinquihihqui. Hahqui xobojati hahcajaquin hahqui pehi pohentibo, hahan xehuatibo hahcajaquin noque tsinquiquin.

2 Timoteo 3:16

Papan huishamani joi jatihibi ta Papan shinanmaxon huishamanishqui. Jaa huisha jisxon ta honanmati siri qui. Hohchataibo yohiti siri. Hahan ponteti siri. Hahan jihuecointi.

1 Pedro 2:4

Hahqui xobojati jihuibo caisxon tiromabo potaquin hahcajaquin Cristo potanihbo que bi ta siri bi res Papan jaa caisihqui, mohitahpa jihui. Hahquibi sca nocóhihnanahue.

1 Pedro 2:8

Huetsa rihbi: Jonibo hahqui joxcorohti jihui tah qui, hahqui jonibo joxcorohti tobiti jihui hihqui. Papan joi nincacatsihyamahax joxcorohtax paquetihcamajaquin jaamajaquin. Jaabaan jascajayaxihqui ta Papan yohinishqui.

2 Pedro 1:20

Papan huishani joi jisquin bi nea pari honannahue: Papan huishani joi jisquin tah min mia huestichin shinanxon jan yohihi mian honanquin sirijatimahi. Papan yoshinyaxon pari.

2 Pedro 3:16

Raannoxon huishaxon tihibi ta jascajaquin jaan yohihiqui. Jan yohihi ta caibo joi histon honantima qui. Shinanjomabaan ta jaa huisha jisxon bi honanyamaxon jaamajaquin yohihiqui. Texe Papan huishamani joibo jascajaribiquin. Jaa copi ta Papan jato queyoyaxihquiqui.