1 Corinto 15:34 - Capanahua

³⁴ Maton shinan pontehax hohchayamascanahue. Caibaan tah man noquen Papa honanyamabiresai. Hen mato yohihah rabinnahue.

1 Corinto 15:34 Iomraidhean Croise

Mateo 22:29

Jasca jaiboya, jato yohiquin: —Papan huishamani joi honanyamaxon tah man honanai shinanxon bi honancoinyamahi. Papan coshi rihbi honanyamaxon tah man shinancoinyamahi.

Juan 5:14

Jaa pecaho Papan xobohoxon jaa merarihbixon: —Jise. Mia tah min siriscai. Hohchayamascahue hashoan tiromamis —Jesusen jaquin.

Juan 8:11

—Tsoanbi hihbon —hihqui haibo. —Hean rihbi ta hen mia casticanyamahi. Caresscatanhue. Jahuentianbi hohchayamascahue —hah qui jaquin Jesusen.

Hahnibo 26:8

¿Mahuanihbo Papa Diosen huenicointima shinan man jain?

Romanobo 1:28

Noquen Papa shinancatsihyamahibo quen ta Papan jato jenebahinnishqui, jaton shinan masascanon. Jaa copi ta jascacannishqui.

Romanobo 13:11

Noquen Hihbo tah man hahxonti jai, hea huetsabaan, coshin hahxonquin. Min hihti hoxahax mohixon jisi bi bari queyasca jaiya tah min coshin sca tee teetai, tee hichahi copi. Jascajaquin rihbi noquen Hihbo coshin teexonnahue. Noque bichi jaa joribiti hochoma tahniscai honanxon coshin sca teexonquin. Non nincamenoni tian jaa joribiti hochoma tahni hihnish bi ta rahma nea pishcasca jaiqui.

1 Corinto 4:14

Mato rabinmanoxonma bi tah hen matohon shinanxon mato pontenoxon mato jascajaquin yohihi, heen baquebaan.

1 Corinto 6:5

Hen mato yohihah rabinnahue. ¿Noquen huetsabo maanhihquinannanaiya, jato yohiti shinanya joni mato tocan yamahihquin?

1 Corinto 8:7

Jaa hen mato yohihi ta caibaan honanyamahihqui. Jano santo jaiton haninihxon ta Santo rehtexonaibo nami tah qui, hihxon bi caibaan pihiqui. Pitimahi shinanax, Hohcha ta hen jai, hihresscai, pihax sca.

Efesiobo 5:14

Jaa copi ta behua jaiqui. Mohihue hoxahhuan, Criston mia xabajanon jirijomabo janinhax huenihue hihqui jaa behua.

1 Tesalonicabo 4:5

Papa Dios honanyamahibaan haiboyati res shinanai quescajayamaquin.