SEKARIA 10:6 - Bukuit Ne Tilil

⁶ Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

BUKUIT NE TILIIL Sireet ne Dutero Kanon

⁶ Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

BUKUIT NE TILIL

⁶ Ak agimit gotab Juda, ak asoru gotab Josep, ak amutu ichek kogeny, amu arire ichek; ak koigei ye kima amete ichek: amu a Jehovah Kamuktaindenywa, ak agas ichek.

SEKARIA 10:6 Iomraidhean Croise

TIENWOGIKAL 89:21

Ne tuun kimitu eunnyu eng' ineendet; Igimiiti agine eunnyu ineendet.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

ISAIAH 54:8

Ki aung'enen togeennyu ne matya eng' nereegek che ing'irtogei; ago ariirenen eng' talasyet ne po koigeny, mwaei Kamuktaindet ne Toroor katyagindeng'ung'.

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

JEREMIA 3:18

Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

JEREMIA 30:18

Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:20

Ak koigei lagokwak atkinye tai, ak kogimit tuiyennywa eng' tainnyu, ak abir tugul che usei icheek.

JEREMIA 31:1

Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 31:31

Ogeero, pwoonei peetuusyek, mwaei Kamuktaindet ne Toroor, che kiyomisigei ak kootap Israel eng' kayomiset ne leel, ak kobooto kootap Judah;

EZEKIEL 36:11

ak ateswok piik ak tyong'ik; ak kotesak ak koiiyo: ak kemenyok ko uu peetuusyekwok che po tai, ak ayaiywok ne myee kosiir eng' tai: si onai ole aa Kamuktaindet ne Toroor.

EZEKIEL 36:37

Mwaei Kiptaiyat Kamuktaindet ne Toroor kole: Teepsena anyun kootap Israel agobo niito, si kobiit ayachi; atesyini icheek piik kochang'a ko uu akweetap keechiirek.

EZEKIEL 37:16

Ee, weeriitap chii, nam kirokto agenge, ak isir ile, Po Judah, ak ko po piigap Israel che mi tugul ak ineendet: yeityo inam kirokto age, ak isir ile, Po Joseph, kirokto ne po Ephraim, ak ne po koot komugul ne po Israel kobooto che mi tugul ak ineendet:

EZEKIEL 39:25

Mwaei anyun Kiptaiyat Kamuktaindet ne Toroor kole: Amutu kogeny che ki kiluul che po Jakobo, ak ariiree koot komugul ne po Israel; ak koama ng'etkong' agobo kainennyu ne tiliil.

HOSEA 1:11

Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

HOSEA 1:7

Ago ariiree kootap Judah ak agoochi katerteerisyet icheek kobun eutap Kamuktaindet ne Toroor Kamuktaindennywa. Ma saruunee kwanget, anan rotwetap chok, anan lugeet, anan paraisisyek, anan piik che ketei paraisisyek.”

HOSEA 14:9

Ng'oo ne ng'oom, si koguiyo tuguuchuuto? Ng'oo ne utaat, si konai tuguuchooto? Amu lititen ortinwegap Kamuktaindet ne Toroor, ak pendotee che po iman ortinwechooto; ago ibutyin olooto pistoik.

HOSEA 2:23

Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

OBADIA 1:18

Ak koek kootap Jakobo maat, ak koek kootap Joseph liplibenet, ak koek kootap Esau mobeek, ak kolalyo eng' kwenunnywa ak kobeel kogees, ama ng'etu chii eng' kootap Esau; amu kagomwa Kamuktaindet ne Toroor ng'olyoondoniito.

MIKAH 4:13

Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

MIKAH 4:6

Mwaei Kamuktaindet ne Toroor kole, ayumunoti eng' peetuunooto ineendet ne ing'wali kobooto ineendet ne kigeon, ak ineendet ne ki anyaliil;

MIKAH 5:3

Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 7:16

Keerei pororyosyek ak kolilaanso amu kimnateennywa tugul: kere eunekwak kutusweekwak, ak kotimogis itiikwak.

SEKARIA 1:16

Ko uu nooto mwaei Kamuktaindet ne Toroor ne po lugoosyek kole kaaweekyigei Jerusalem ariiree; ki teekyin koonnyu nganasanooto, ak kechuul porowet ne kikwaise eng' Jerusalem.’ ”

SEKARIA 10:12

Agimiiti icheek eng' Kamuktaindet ne Toroor; ak kobendatee kainennyi, mwaei Kamuktaindet ne Toroor.

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

SEKARIA 8:11

Ago nguno koma ayachini ichu ki ng'et ko uu eng' peetuusyek che po tai, mwaei Kamuktaindet ne Toroor ne po lugoosyek.

SEKARIA 9:16

Eng' peetuunooto, kosaru `Kamuktaindet ne Toroor Kamuktaindennywa icheek, ko uu akweetap keechiiregap piikyik; amu tuun kergeitu ak koik che po chepkulet, iluu icheek miising' eng' emennyi.