PILIPIK 2:1 - Bukuit Ne Tilil

¹ Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

BUKUIT NE TILIIL Sireet ne Dutero Kanon

¹ Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

BUKUIT NE TILIL

¹ Ngo mitei anyun kagaigaet age tugul eng’ Kristo, ngo mi saisaet age tugul ne bo chamnyet, ngo mi yamdaet age tugul ne bo Tamirmiriet, ngo mi rirenosiek ak rirge,

PILIPIK 2:1 Iomraidhean Croise

TIENWOGIKAL 133:1

Ogeero, myee ne tya ak karaaran ne tya ye meng'indos che tupcho eng' yamdaet agenge!

ISAIAH 16:11

Morori anyun moennyu ko uu ketubetap Moab, ak morortos agutanikyuk ak icheek amu Kir-heres.

LUKA 2:25

Ogeero, ki mi chiito age Jerusalem, ne ki kiguure Simion; ak ki chiito ne po iman ak kigonyiti Kamuktaindet, ne ki igeni kagaigaetap Israel: ak ki tebee `Kabuuset ne Tiliil ineendet.

JOHANA 14:18

Ma pagaaktook ko uu kibananook: anyonjinok.

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 17:13

Ak kanyonjin nguno; ak amwae tuguuchu eng' ng'wony, si kobiit kosulda poiboiyennyu eng' icheek.

POISYONIGAP CHE KIYOKTOI 2:46

Ki mi Hekaluut peetuut age tugul kotebyei eng' kabwaatet agenge, ak eng' putuletap magatyat eng' kaa ak ki amisyei eng' kaagaasetapkei, ak eng' muguleldo agenge,

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

ROMANIK 8:26

Ak toreti ko uu nooto agine Kabuuset ne Tiliil nyalulennyo: amu ma kingen kesaa ko ye nyolu; ago saiywech Kabuuset ne Tiliil ineendet eng' tigenoik che ma kimuuchi kemwa;

1 KORINTOEK 12:13

Amu eng' Kabuuset ne Tiliil agenge ko ki kibatisanech acheek tugul keegu poorto agenge, ngo Yahudik anan Yunanik, ngo ratotiin, anan kotyagotin, ak ki kigoonech acheek tugul kee eng' Kabuuset ne Tiliil agenge.

1 KORINTOEK 15:31

Abaoryani eng' kalasunonooto mi eng' okweek, che kitupche, ne atinye eng' Kristo Jeso Kiptaiyandennyo ale, amee peetuut age tugul.

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

GALATYEK 4:6

Ak amu oo weeriik, ko ki iyookyi Kamuktaindet Kabuusetap weeriinnyi mugulelwekyok, ne riirei, kole, “Abba, Kwanda!”

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

EPESOEK 4:4

Agenge poorto, ak agenge Kabuuset ne Tiliil, ko uu ye kigeguurok eng' kamang'unet agenge ne po kuurseng'wong';

PILIPIK 1:8

Amu Kamuktaindet paoryandennyu, ko uu ye ating'enok okweek tugul emosto eng' rireenosyegap Kristo Jeso.

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 JOHANA 3:24

Ak ineendet ne riibei ng'atuutikyik komenyei eng' ineendet ak ineendet eng' inee. Ak kingen eng' niito keele menyech ineendet, eng' Kabuuset ne Tiliil ne ki kogoonech.

1 JOHANA 4:12

Ma mi chii ne ki kogeer Kamuktaindet ole kigoi; ngot kechamdosi, komenyech Kamuktaindet, ak keyaei chamyennyi koek ne ititaat eng' acheek:

1 JOHANA 4:16

Ak kingen ak ki kiyan chamyet ne ting'enech Kamuktaindet; Kamuktaindet ko chamyet; ineendet ne menyei chamyet komenyei Kamuktaindet, ak komenyei `Kamuktaindet ineendet.