NG'ATUTIK 32:43 - Bukuit Ne Tilil

⁴³ “Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”

BUKUIT NE TILIIL Sireet ne Dutero Kanon

⁴³ “Oboiboitu okweek pororyosyek, kobooto piikyik: amu yaaktoi mugetuut che po korotiigap otwogikyik, yaakyin mugetuut puunikyik, Ak koyai kagaigaet agobo emennyi ak piikyik.”

BUKUIT NE TILIL

⁴³ Oboiboitu, okwek bororiosiek, koboto bikyik: Amu yaaktoi mugetut che bo korotikab otwogikyik, Yaakyin mugetut bunikyik, Ak koyai kagaigaet agobo emennyi, ak bikyik.

NG'ATUTIK 32:43 Iomraidhean Croise

TAUNET 12:3

Aberuuri icheek che iberuurin, ak achube ineendet ne sasin; kiberuuri pororyosyek tugul che po ng'wony eng' inyee.”

1 LAITORINIK 8:43

igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.

2 LAITORINIK 9:7

Ibare kootap Ahab kiptaiyandeng'ung', si kobiit ayaakta mugetuut eng' korotiigap otwogikyuk maotik, ak eng' korotiigap otwogigap Kamuktaindet ne Toroor tugul, eng' eutap Jesebel.

Kitabuutap JOB 13:24

Amu nee anyun si iuny togeng'ung', ak iita ile aa punyondeng'ung'?

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 58:10

Paibai ne po imanda ye keerei yaaktaetap mugetuut; iune keelyekyik korotiigap kiptengeginik.

TIENWOGIKAL 65:3

Katemena tengekwogik, inyee ne iundoi pistaosyekyok.

TIENWOGIKAL 79:10

Amu nee si koleen pororyosyek, Mi ano Kamuktaindennywa? Ingonaak eng' pororyosyek eng' tainnyo Yaaktaetap korotiik che po kiboitiniguk che ki kitumda.

TIENWOGIKAL 79:9

Toretech, ee Kamuktaindetap yetunennyo, amu toroornatetap kaineng'ung'; Sarwech, ak iunde tengekwogikyok, amu kaineng'ung'.

TIENWOGIKAL 85:1

Ki iriree emeng'ung', inyee Kamuktaindet ne Toroor; ki iweegu Jakobo konyo eng' ole kiga luul ineendet.

TIENWOGIKAL 85:3

Ki iste nereegeguk tugul: Ki ituktoochi patai koroomnatetap nereegeguk.

ISAIAH 1:24

Mwaei anyun Kiptaiyat, Kamuktaindet ne Toroor ne po lugoosyek, Ineendet Ne po Kamuktaet ne po Israel, kole haa, aroong'jini nereegekyuk icheek che wecho, ak ayooktochigei mugetuut eng' puunikyuk.

ISAIAH 1:25

Atokyinin eunnyu, ak aunde simdang'ung', ak aiste murwoonindang'ung' tugul.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ISAIAH 19:23

Tuun piitu ooreet ne oo eng' peetuunooto ne ng'eetee Misiri agoi Assyria. Tuun pwoonei `piigap Assyria Misiri ak koba `Misiriik Assyria; ak kosa Misiriik kobooto piigap Assyria.

ISAIAH 19:25

Amu tuun iberuur Kamuktaindet ne Toroor ne po lugoosyek icheek, koleen, iberuurotin piikyuk Misiri ak Assyria poisyetap eunekyuk, ak Israel porotennyu.

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

ISAIAH 60:6

Tuchin chaang'indap tambeesik, kobooto moegap tambeesik che po Midian ak Ephah; punu tugul Sheba: ibu thahabu ak tuguuk che nyamdut, ak komwaita kalasunoigap Kamuktaindet ne Toroor.

ISAIAH 66:10

Oboiboitu okweek kobooto Jerusalem, ogaaskei kobooto ineendet, okweek tugul che ochame ineendet: oboiboitu eng' poiboiyet kobooto ineendet, okweek tugul che oriirchini:

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 51:36

Mwaei anyun Kamuktaindet ne Toroor kole, keero, ang'alaaldoun, ayaaktoun mugetuut; ak ayaam nyanjennyi, ak agoochi koteeny kondametunnyi ne po peek.

RIREKAB JEREMIA 2:5

Ki igei Kiptaiyat puunyoot, Ki kong'em Israel; Ki kolugui kooriikyik tugul che po laitorinik, ki kobut irimoikyik. Ki kotesyi cheptap Judah riirek ak kateiyet.

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

EZEKIEL 25:14

Ak ayaakyi mugetuut Edom eng' eutap piik che miitei Israel, ak koyai eng' Edom ko uu nereegekyuk, ak eng' nereegekyuk che ng'woneen, si konai icheek yaaktaennyu ne po mugetuut, mwaei Kiptaiyat Kamuktaindet ne Toroor.

LUKA 19:27

Ago omutu anyun puunichuchuk kobwa yu, che ma chamei aboi, si obar eng' tainnyu.’ ”

LUKA 2:32

lapkeiyet ne po ng'ang'utyet ne king'aang'jin Pororyosyek, ak toroornatetap piiguk Israel.”

ROMANIK 12:19

Chamanichu, amoyaakte mugetuut, ago ogoochi poroindo nereegek: amu siraat kole, “Nenyu yaaktaetap mugetuut; ayaaktoi, mwaei Kiptaiyat.”

NG'ATUTIK 32:35

Nenyu mugetuut ak kageeret. Neegit peetuut ne kagochabaita keelyekwak: Karik peetuutap nyalildanywa, ak chogu tuguuk che pwaanjin icheek.

NG'ANG'UTYET 15:2

Ki aroo kiit ne uu nyanjetap klasit ne purugot ak maat; ak icheeget che ki koterter tyonyooto ak kanamwennyi, ak koitetap kainennyi, kotonondos eng' ye neegitee nyanjetap klasit, che tinyei ketubosyegap Kamuktaindet.

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”

NG'ANG'UTYET 18:2

Ak kiwaach eng' kutit ne kiim kole, “Kagoluul, kagoluul Babilon ne oo, ak kagoek ole menyei oik, ak irimeetap tamirmiryet age tugul ne murwoon, ak irimeetap toriit age tugul ne murwoon ak ne kiwechei.

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”

NG'ANG'UTYET 19:2

amu po iman ak ko po imanda kirwoogutikyik; amu kagorwookyi chepkugoniot ne oo, ne ki imurwon ng'wony eng' soksennyi, ak kagoyaakta mugetuut ne po korotiigap otwogikyik eng' eutap kwonyooto.”

NG'ANG'UTYET 6:10

Ki mwa eng' kutit ne oo kole, “Tyanitu, ee Kiptaiyat, ne tiliil ak ko po iman, si irwookyi ak iyaaktoiywech mugetuut agobo korotiikyok eng' icheek che menyei ng'wony?”