MIKAH 5:3 - Bukuit Ne Tilil

³ Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

BUKUIT NE TILIIL Sireet ne Dutero Kanon

³ Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

BUKUIT NE TILIL

³ Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

MIKAH 5:3 Iomraidhean Croise

1 LAITORINIK 14:16

Metoi ineendet Israel amu tengekwogigap Jeroboam, che ki yai ineendet, che ki ibeete Israel si koyai tengekto.”

2 ATEPTAP PEETUUSYEK 30:7

Amoigei kwanisyekwok ak tupchosyekwok, che ki ingelelji Kamuktaindet ne Toroor, Kamuktaindetap kwanisyekwak, kot kobagaakta icheek koek che kikwong'ee, ko uu ye ogeere.

TIENWOGIKAL 67:3

Ingolasun piik, ee Kamuktaindet; Ingolasun piik tugul.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 49:6

ee, mwaei kole, kiy ne ming'in iegu otwogindennyu, si kobiit ing'eet pororyosyek che po Jakobo, ak iweech che ki kiriip che po Israel: agoonin kogeny iegu lapkeiyetap Pororyosyek, si kobiit iegu yetunennyu agoi ole poochin ng'wony.

JEREMIA 23:5

Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

JEREMIA 31:1

Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

EZEKIEL 34:16

Acheeng'e ne ki pet, ak amutu kogeny ne ki kioon, ak arop ne ki il, ak agimiit ne kimyani: ak abar ne neraat kobooto ne kiim: abae icheek kirwooget.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

HOSEA 2:14

Nooto anyun, ogeero, agaigai ineendet ak amut kwo surkwen, ak amwachi ng'aleek che agaigae.

HOSEA 2:9

Aweechi anyun peekyuk eng' peetuusyegap kesisyet, ak aweech divaikyuk eng' kasarta ne karuryo, ak arebee koroorikyuk che po keechiirek ak mabuteekyuk, che kota tugegei.

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.

MIKAH 4:4

Ago tebee chii tugul kelutap keetinnyi ne po sabibuk ak mogoywennyi, ama mi chii ne imui icheek, amu kagomwa Kamuktaindet ne Toroor ne po lugoosyek ng'olyoondoniito.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

MIKAH 5:7

Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 6:14

Iamisyei, amebiyonyi; ak kotebenen kalilaneng'ung': ak iuu, ago mesaru ne imuti; ak abare rotwetap chok ineendet ne imuti.

MIKAH 7:13

Nganda uu nooto koegu emet karaatya amu icheek che menyei olooto, amu logoegap poisyonikwak.

SEKARIA 10:6

Ak agimiit kootap Judah, ak asaru kootap Joseph, ak amutu icheek kogeny, amu ariiree icheek; ak koigei ye ki ma amete icheek: amu aa Kamuktaindet ne Toroor kamuktaindennywa, ak agas icheek.

MATAYO 1:21

Tuun sichei ineendet weeriit ak iguure kainennyi Jeso, amu ineendet ne tuun saru piikyik eng' tengekwogikwak.”

MATAYO 12:50

Amu age tugul ne yaei mageetap Abba ne mi kipsengwet, ko nooto weeriit ne kitupche ak chepto ne kitupche, ak kamennyu.”

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

ROMANIK 8:29

Amu Kamuktaindet ne kisip konai icheek, ko ineendet ne kisip kolewen icheek si kogergeit ak itoondap Weeriinnyi, si koek ne po tai eng' che tupcho che chaang':