LUKA 13:17 - Bukuit Ne Tilil

¹⁷ Ak ye kingo ta komwaei tuguuchu, kolilaanso puunikyik tugul: ago kiboiboitu tuiyet komugul agobo tuguuk che torooreen che ki yaei ineendet.

BUKUIT NE TILIIL Sireet ne Dutero Kanon

¹⁷ Ak ye kingo ta komwaei tuguuchu, kolilaanso puunikyik tugul: ago kiboiboitu tuiyet komugul agobo tuguuk che torooreen che ki yaei ineendet.

BUKUIT NE TILIL

¹⁷ Ak ye kingota komwaei tuguchu, kolilanso bunikyik tugul: ago kiboiboitu tuiyet komugul agobo tuguk che tororen che kiyaei inendet.

LUKA 13:17 Iomraidhean Croise

TIENWOGIKAL 109:29

Ingilaakyi teweernateet puunikyuk, ak ingotugegei icheegei teweernatennywa ko uu ngoryeet ne kiturturi.

TIENWOGIKAL 111:3

Poisyennyi ko teegisto ak etunateet; ak tebyei imandanyi koigeny.

TIENWOGIKAL 132:18

Alaakyini puunikyik kalilanet; ago tuneni eng' ineendet naaryeennyi ne po pounateet.

TIENWOGIKAL 40:14

Ingolilanso ak kotoptobenso icheek che cheeng'ei kong'em saboondanyu. Ingolit oliin ak kolilaanso che poiboi ye anyalili.

KOMONG'U 15:11

Ee Kamuktaindet ne Toroor, tos ngoro ne uu inyee eng' kamuktaik? Tos ng'oo ne uu inyee, ne konyitot eng' tiliilindo, ne kiywei eng' kalasunet, ne yaei kwang'utik?

ISAIAH 4:2

Korooronitu ak kotorooritu eng' peetuunooto temetap Kamuktaindet ne Toroor, ak ko telunotin ak ko korooron logoegap emet eng' icheek che kichililso eng' Israel.

ISAIAH 45:24

Leenjino age, Mi eng' Kamuktaindet ne Toroor ineegei imanda ak kimnateet: pwaanjin `piik ineendet ak kolilaandos icheek tugul che ki nereekyi ineendet.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

LUKA 14:6

Ak ki mata komuuch anyun kowolji ineendet kogeny agobo tuguuchuuto.

LUKA 18:43

Ki keerto anyun koma tyanit, ak koosup ineendet, kolasunoti Kamuktaindet: ak kingo keer tuiyet komugul, kogonyit Kamuktaindet.

LUKA 19:48

ak ma nyoor kiit ne ki imuuchi koyai; amu ki epchin iit piik tugul ineendet miising'.

LUKA 20:40

Amu ki mata kogany icheek koteebe ineendet teebut age tugul kogeny.

POISYONIGAP CHE KIYOKTOI 4:21

Kingo kagoger kong' icheek kogeny, kounda icheek koba, ko mata konyoor ng'olyoot ne irwookyine, amu piik; amu kiitoroor piik tugul Kamuktaindet agobo nooto koyaak.

2 TIMOTEO 3:9

Ago matesei tai: amu taagu perberindanywa eng' piik tugul, ko uu ne po chugai ak icheek.

TITO 2:8

ng'aleek che po iman, teegisto, che ma kimuuchi kirwookyi; si kobiit kolilaan ineendet ne kirindoech, koma tinyei kiy ne ya ne mwaitaenech.

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.