JOSHUA 7:24 - Bukuit Ne Tilil

²⁴ Yeityo konam `Joshua ak Israel tugul Akan weeriitap Zerah kobooto fedha, ngoryeet ak thahabu, weeriikyik, tiibiikyik, tuukyik, sigirokyik, keechiirekyik, emainnyi ak tugul che ki tinyei ak komut koba atebweetap Akor.

BUKUIT NE TILIIL Sireet ne Dutero Kanon

²⁴ Yeityo konam `Joshua ak Israel tugul Akan weeriitap Zerah kobooto fedha, ngoryeet ak thahabu, weeriikyik, tiibiikyik, tuukyik, sigirokyik, keechiirekyik, emainnyi ak tugul che ki tinyei ak komut koba atebweetap Akor.

BUKUIT NE TILIL

²⁴ Ak kinam Josua ak Israel tugul, Akan weritab Sera, ak feda, ak ngoriet, ak tahabu ne u chamaniet, ak werikyik, ak tibikyik, ak tukyik, ak sigirokyik, ak kechirekyik, ak emainnyi, ak tugul che kitinyei: ak kiimut koba atebwetab Akor.

JOSHUA 7:24 Iomraidhean Croise

TAUNET 18:25

Ingolooit eng' inyee, yaeet ne uu ni, ne kebarei che po iman kobooto che yaacheen; si kogergeit che po iman ak che yaacheen. Ingolooit eng' inyee nooto. Tos ma yaei iman Kirwoogindet ne po ng'wonyuni komugul.”

Kitabuutap JOB 20:15

Ki kolugui mogornatosyek ak kong'ung'u kogeny; tumdoi Kamuktaindet chooto eng' moennyi.

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

KALEWANAIK 15:27

Inyalili koonnyi `ineendet ne kipkeiyat agobo kelunaik, ago sabei ineendet ne wechei asoya.

AMDOINDET 5:13

Mi yaityet ne ng'waan ne ki ageer eng' kurereetap asiista, nooto ko mogornatosyek che riibei chiitap ko po yeityo kong'em ineendet.

ISAIAH 65:10

Ak koek Saron piutap akwotisyegap keechiirek, ak koek atebweetap Akor ole ruiye akwotisyek, amu piikyuk che ki kocheeng'a.

HOSEA 2:15

Ak agoochi ineendet mbareenikyik che po sabibuk eng' olooto, ak ayai atebweetap Akor koek kurgeetap kamang'unet. Iyanwa eng' olooto ko uu eng' peetuusyegap ming'inatennyi, ak ko uu eng' peetuut ne ki mong'u kotogosu eng' emetap Misiri.

JOSHUA 15:7

Kong'eetee yooto, kwo kiwoteet kot koit Debir kobunu atebweetap Akor ak kotokyigei murot kaataam kwo Gilgal, kotoorchigei ole kitogostoe kebendi Adumim, ne mi murot tai ne po aineet. Kong'eetee yooto, kosiirto kiwoteet kot koit peegap En-semes, ak kwo agoi En-rogelo.

JOSHUA 22:20

Tos ki ma ibutyi nereegek tuiyet komugul ne po Israel amu ki yai Akan weeriitap Zerah chalwokto eng' kiit ne ki itabaanat ak tos kimalus chiichooto ineegei eng' tengektanyi?”

JOSHUA 6:18

Oriipkei okweeget eng' kiy ne itabaanat si ma ye kaotabaan, kota onam kogeny si oyai nganaseetap Israel koek ne chuboot ak koityi nyalil.

JOSHUA 6:21

Kibaree rotwetap chok tugul che ki mi nganaseet kogees: murenik ak kwonyiik, ne ming'in ak ne oos, tany, keechiir ak sigiryo.

JOSHUA 7:1

Ago ki yai chalwok piigap Israel agobo tuguuk che itabaanatiin. Ki ip Akan weeriitap Karmi, weeriitap Sabdi, weeriitap Zerah ne po pororyetap Judah tuguuk alak eng' che itabaanatiin. Ki nereech kot Kamuktaindet ne Toroor agobo piigap Israel.

JOSHUA 7:23

Ki inem eng' kwenutap emait ak koipchi Joshua, ak piigap Israel tugul. Ki inde ng'wony eng' taitap Kamuktaindet ne Toroor.

JOSHUA 7:26

Ki iruruuch koik eng' paragunnyi ak mi koichooto agoi ra. Ki istogei anyun nereegek eng' Kamuktaindet ne Toroor. Ki kiguure anyun yooto atebweetap Akor agoi ra.