JOSHUA 21:45 - Bukuit Ne Tilil

⁴⁵ Ki isulda ng'aleek tugul che myach che kiga komwachi `Kamuktaindet ne Toroor kootap Israel, ma pet ng'olyoo agot agenge ne myee.

BUKUIT NE TILIIL Sireet ne Dutero Kanon

⁴⁵ Ki isulda ng'aleek tugul che myach che kiga komwachi `Kamuktaindet ne Toroor kootap Israel, ma pet ng'olyoo agot agenge ne myee.

BUKUIT NE TILIL

⁴⁵ Ma bet ng’olyo agot agenge ne mie ne kiga komwachi Jehovah gotab Israel; kiisulda tugul.

JOSHUA 21:45 Iomraidhean Croise

1 LAITORINIK 8:15

Ak ki le, “Iberuurot Kamuktaindet ne Toroor, Kamuktaindetap Israel, ne ki ng'alaalji eng' kutinnyi Daudi abba, ak kagosulda eng' eunekyik kole,

1 LAITORINIK 8:20

Ak kagogimiit Kamuktaindet ne Toroor ng'olyoondennyi ne ki mwa; amu ki abiitu ageer kwandanyu Daudi, ak atebee ng'echereetap laitornatet ne po Israel, ko uu ye ki iyomis Kamuktaindet ne Toroor, ak koateekyi koot kainetap Kamuktaindet ne Toroor, Kamuktaindetap Israel.

1 LAITORINIK 8:24

Ki isuldochi otwogindeng'ung' abba Daudi kiit ne kigeyomisyi ineendet; ee, ki imwa eng' kuting'ung', ak kaiyai eng' eung'ung' kosulda, ko uu kiit ne uu rani.

1 LAITORINIK 8:56

“Iberuurot Kamuktaindet ne Toroor, ne Ki kogoochi kamuung'et piikyik Israel, ko uu tuguuk tugul che kiga koaror. Ma pet ng'olyoot agot agenge eng' arorutyennyi tugul ne myee, ne ki iaror eng' otwogindennyi Musa.

NEEMIA 9:8

Ki igeer ile po iman muguleldanyi eng' taing'ung', ak oyomiskei ak ineendet igoochi ineendet emetap kanaanindet, Hitindet, Amorindet, Perisindet, Jebusindet ak Girgasindet, igoochi emonooto iyotennyi ak kaiyai ng'aleeguk kosulda, amu ii po iman.

ISAIAH 48:3

Ki amwaite tuguuk che po tai kobooch keny; ee, ki mang'une kutinnyu, ak ki abarte: ki ayai achokyi, ak ki isulda.

KAITOSYEK 23:19

Ma chiito Kamuktaindet, kot komwa lembech, anan weeriitap chii, kot kowal kabwaatutikyik. Tos kagomwa, ak ma yaei? Anan kagomwa, ama yaei kosulda?

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

1 THESSALONIKEK 5:24

Ineendet ne kuurok ko ineendet ne kiyani, ne yaei nooto agine kosulda.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

1 SAMUEL 3:19

Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.