JOSHUA 10:11 - Bukuit Ne Tilil

¹¹ Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

BUKUIT NE TILIIL Sireet ne Dutero Kanon

¹¹ Ye ki mwee eng' taitap Israel, ye kichoortaegei Beth-horon, kowiir `Kamuktaindet ne Toroor icheek eng' koik che eecheen che punu kipsengwet kot koit Aseka, ak ki pek icheek; ki chaang' che ki pek eng' koigap ropta kosiir che ki par piigap Israel eng' rotwetap chok.

BUKUIT NE TILIL

¹¹ Ak ye kingomwei eng’ taitab Israel, ye kichortaegei Bet-horon, kowir Jehovah ichek eng’ koik che eechen che bunu kipsengwet kot koit Aseka, ak kibek; ki chang’ che kibek eng’ koikab ropta kosiir che kibar lagokab Israel eng’ rotwetab chok.

JOSHUA 10:11 Iomraidhean Croise

TAUNET 19:24

Kiroong'ji anyun Kamuktaindet ne Toroor Sodom ak Gomorah roptap koik che laldos ak maat ne punu kipsengwet.

2 SAMUEL 18:8

Kiyom emet tugul lugonooto, ak kibar timiin piik eng' peetuunooto che siirei che ki kibare rotwetap chok.

Kitabuutap JOB 38:22

Tos ki ichut ole kigonoree teluji, anan ki igeer ole kigonoree koigap ropta,

Kitabuutap JOB 38:23

che ki agonorchi peetuutap nyalilda, ak agonorchi peetuutap pooryeet ak lugeet?

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

TIENWOGIKAL 147:17

Iyooktoi peekyik ko uu koik ng'oo ne imuuchi kotonon eng' taitap kaitityennyi?

ISAIAH 28:2

Ogeero, tinyei `Kiptaiyat chiito age ne nyigan ak ko kiim; ko uu usoonetap roptap koik, usoonet ne ng'emisyei, ko uu usoonetap peek che kiimeen, che ing'irtogei, wiirchin ng'wony ko uu nooto eng' eunnyi.

ISAIAH 28:21

Amu ng'eetei Kamuktaindet ne Toroor ko uu eng' tulweetap Perasim, nereechi ko uu eng' atebweetap Gibeon; si kobiit koyai poisyennyi, poisyennyi ne teer, ak kogees poisyennyi, poisyennyi ne teer.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

EZEKIEL 13:11

mwachi icheek che malse taartaarichuuto ileenji, luulei: piitu ropta ne oo; ak koroobon koik che eecheen che po ropta; ak kobet usoonet ne oo inatunooto.

NG'ATUTIK 20:4

Amu wendi kobootok Kamuktaindet ne Toroor Kamuktaindeng'wong' koyae pooryeet agobo okweek eng' puunikwok ak kosarwok.’

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 16:21

Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

KIRUOGIK 5:20

Ki yai kecheik lugeet kong'etee kipsengwet, eng' ortinwekwak che torooreen ko ki pargei ak Sisera.