JEREMIA 38:6 - Bukuit Ne Tilil

⁶ Konam anyun icheek Jeremiah, ak kotoorchi ineendet keriingetap Malkija weeriitap laitoryat, ne ki mi seremutap riibiik: ak kichoortae Jeremiah rogoonik. Ki ma komi peek keriingonooto, ago kimi ng'atateek: ak kirorokyi Jeremiah ng'atateek oriit.

BUKUIT NE TILIIL Sireet ne Dutero Kanon

⁶ Konam anyun icheek Jeremiah, ak kotoorchi ineendet keriingetap Malkija weeriitap laitoryat, ne ki mi seremutap riibiik: ak kichoortae Jeremiah rogoonik. Ki ma komi peek keriingonooto, ago kimi ng'atateek: ak kirorokyi Jeremiah ng'atateek oriit.

BUKUIT NE TILIL

⁶ Konam anyun ichek Jeremia, ak kotoorji inendet keringetab Malkija weritab laitoriat, ne kimi seremutab ribik: ak kichoortae Jeremia rogoonik. Kima komi beek keringonoto, ago kimi ng’atatek: ak kirorokyi Jeremia ng’atatek orit.

JEREMIA 38:6 Iomraidhean Croise

JEREMIA 37:21

Ki ng'at anyun Zedekiah laitoryat, ak ki kimut Jeremiah kwo seremutap riibiik, ak ki kigoochin magatyat eng' peetuut age tugul kobunu ooreetap piik che peelei magatiinik, agoi kogeskei magatiinik tugul eng' nganaseet. Ki tebi anyun Jeremiah ko uu nooto eng' seremutap riibiik.

JEREMIA 38:22

Keero, kimuti kwonyiik tugul che ng'etu eng' kootap laitoryatap Judah koba konyoor pounigap laitoryatap Babilon, ak mwaei kwonyichooto kole, kagoberberin choronoguk che ingen, ak kagoterterin: kagorat anyun ng'atateek keelyeguk, kagoweigei let icheek.

JEREMIA 37:16

Kingo kagoit Jeremiah kootap keriinget, agoi kooriik che kigerchin piik, ak kingo kagotebee Jeremiah olooto peetuusyek che chaang';

TIENWOGIKAL 69:2

Karorokyi ng'atatyat ne oo, ama mi ole ketonone; kaitu ye mi rireetap peek, ole katucha maranosyek.

POISYONIGAP CHE KIYOKTOI 16:24

Kingo kagonyoor ng'atuutyet ne uu nooto, kotoorchi icheek koot ne po oriit ak koratyi keelyekwak temeleiywek.

SEKARIA 9:11

Ago eng' inyee, ko ki ayookte kimonjororiniguk eng' keriinget ne ma mi peek, amu korotiigap kayomiseng'ung'.

TIENWOGIKAL 109:5

Ak ki igeerwo ne ya eng' ne myee, ak ki igeerwo wegeet eng' chamyennyu.

TIENWOGIKAL 40:2

Ki kanabwa kora amang'une keriinget ne kiywei, eng' ng'atatyat ne meneet. Ki nama atonon eng' rwandet, ak ki igimit ole abunoti.

TAUNET 37:24

Ki imut anyun ineendet ak kowiirchi keriinget. Ki ma komi peek keriingonooto.

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

JEREMIA 36:26

Ak ki ng'at laitoryat Jerameel weeriitap laitoryat, kobooto Seraiah weeriitap Asriel, ak Selemya weeriitap Abdeel, konam Baruk siriindet ak maotyot Jeremiah: ago kiuny `Kamuktaindet ne Toroor icheek.

JEREMIA 32:2

Kiyiem anyun lugeetap laitoryatap Babilon Jerusalem eng' peetuusyechooto: ak kiga kigerchi maotyot Jeremiah seremutap riibiik, ne ki mi kootap laitoryatap Judah.

JEREMIA 38:13

Ki ichuut anyun Jeremiah eng' rogoonik, ak komut komong' eng' keriinget: ak ki tebee Jeremiah seremutap riibiik.

DANIEL 6:16

Ki ng'atiis anyun laitoryat, ak ki kimut Daniel ak kewiirchi keriingetap ng'etuunyik. Ki ng'alaalji `laitoryat Daniel koleenji, “Saruun Kamuktaindeng'ung' ne iote kotugul.”