JEREMIA 20:8 - Bukuit Ne Tilil

⁸ Amu kotugul ye ang'alaali, awaache; awaache ale, Koroomnateet ak luuleet: amu kagiyai ng'olyootap Kamuktaindet ne Toroor koek chotisyet eng' anee, ak aegu ne kirorechin eng' peetuut komugul.

BUKUIT NE TILIIL Sireet ne Dutero Kanon

⁸ Amu kotugul ye ang'alaali, awaache; awaache ale, Koroomnateet ak luuleet: amu kagiyai ng'olyootap Kamuktaindet ne Toroor koek chotisyet eng' anee, ak aegu ne kirorechin eng' peetuut komugul.

BUKUIT NE TILIL

⁸ Amu kotugul ye ang’alali, awaache; awaache ale, Koromnatet ak luulet: amu kagiyai ng’olyotab Jehovah koek chotisiet eng’ ane, ak aegu ne kirorechin eng’ betut komugul.

JEREMIA 20:8 Iomraidhean Croise

2 LAITORINIK 2:23

Ki togosta eng' olooto kwo Bethel. Ye kita kotogostoi eng' ooreet, komong' weeriik che mengeechen eng' nganaseet ak kowit ineendet, koleenji, “Togoste inyee kipchurmet! Togoste, inyee kipchurmet!”

2 ATEPTAP PEETUUSYEK 36:16

Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

ISAIAH 57:4

Ourerenjini ng'oo? Oseng'eng'jini ng'oo, ak ochuutyini ng'elyepta? Tos ma oo lagogap pistoet, iyoteetap kaberberisyet,

JEREMIA 15:10

Pwo eng' anee, ee kamennyu, amu kisicha aek chii ne po pooryeet, ne ibeligei ak ng'wony komugul! Tom abesende si anyoor keljinet ne siirei, ak kotomo kobesendaiwo piik, si konyoor keljinet ne siirei; ago chubo age tugul eng' icheek.

JEREMIA 15:15

Ak ki amwa ale, Ee Kamuktaindet ne Toroor, ingen inyee: “Ibwaata, ak irutocha. Iyooktoiwo mugetuut eng' usiikyuk, ameistoena muitaeng'ung'. Nai ile ki anyooru chotisyet amu inyee.

JEREMIA 17:27

Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

JEREMIA 20:7

Ee Kamuktaindet ne Toroor, ki iberbera, ak ki aberberage: ii kiim isiira, ak ki iterteerisye: kaaegu ne kirorechin peetuut komugul, churochura age tugul.

JEREMIA 28:8

Ki maoten maotik che po keny che ki indounena ak che ki indounenen agobo emotinwek che chaang', ak pounatosyek, agobo lugeet ak yaityet, ak koroito.

JEREMIA 5:1

Orwaate ortinwegap Jerusalem si ogeer ak onai, ocheeng' eng' komoswekyik che paraen, ngot omuuchi onyooru chii agenge, ne yaei imanda ak ne cheeng'ei imanit, si ngot komi, anyochi kaat nganasanooto.

JEREMIA 5:6

Ara anyun parei icheek `ng'etundo ne mang'une timiin, parei icheek suiyot ne po surkwen. Sapchin `cheplanget nganasookwak, kitonatoni age tugul ne mong'u eng' olooto, amu chaang' pistaosyekwak, ak ki kotesak kachuchugennywa pogei.

JEREMIA 6:10

Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

JEREMIA 7:9

Tos nyolu ochoorsei, orumisyei, oyaei ibeetapkei, oyosye eng' lembech, obeelji nyamdutik Baal ak osubote kamuktaik che teer che mongen,

HABAKUK 1:3

Amu nee si iboorwo tengekto, ak igoono ageer kamaaset? Mi tainnyu ng'emisyet ak poryeet; ak komi polateet ak kong'eetei suryeet.

LUKA 11:45

Ak ki wolji ng'amotyot age ne po ng'atuutik, koleenji, “Kaneetindoni, ngot imwa ko uu nooto ko keteweerech agacheek.”

HEBRANIK 11:26

koiit teweernateet ne kiteweeri Kristo kole mogornatosyek che eecheen kosiir konoraik che po Misiri: amu ki igeni melekto.

HEBRANIK 13:13

Ongebe anyun ole mi ineendet eng' saang'utap ormariich, keibe teweernateet ne kiteweeri ineendet.

1 PETERO 4:14

Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.