GALATYEK 2:9 - Bukuit Ne Tilil

⁹ ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

BUKUIT NE TILIIL Sireet ne Dutero Kanon

⁹ ak ye kingo nai Jakobo ak Kepa ak Johana, icheeget che ki kiit keele tolochik, myeeindo ne ki kigoono, kogoono ak Barnaba eutap tai ne po yamdaet, si kobiit keebe ye mi Pororyosyek, koba icheek ye mi che kimuratani;

BUKUIT NE TILIL

⁹ ak ye kingonai Jakobo ak Kepa ak Johana, icheget che kigiit kele tolochik, mieindo ne kigigona, kogona ak Barnaba eutab tai en bo yamdaet, si kobiit kebe oldab Bororiosiek, koba ichek oldab che kimuratani;

GALATYEK 2:9 Iomraidhean Croise

2 LAITORINIK 10:15

Ye kingo kakwo eng' yooto, kotuiyo ak Jehonadap weeriitap Regap kotorogu ineendet. Ki igat ineendet ak koleenji, “Myee muguleldang'ung', ko uu ye myee muguleldanyu eng' neng'ung'?” Ak ki wol Jehonadap kole, “Ee myee.” Kole Jehu “Ngot ko uu nooto, igoono euut.” Ak ki igoochi ineendet euut; ak ki nam Jehu kwo chepkichutit oriit.

MATAYO 16:18

Amwaun anee ale ii Petero, ak eng' rwandani ateeche kanisennyu, ak ma neneti kimnatosyegap ye mi che ki kobek.

LUKA 22:8

Ak ki iyookto Petero ak Johana, kole, “Oba ochobwech paska, si kobiit keam.”

JOHANA 1:42

Ki imutyi `ineendet Jeso. Ki keer `Jeso ineendet ak kole, “Ii Simion weeriitap Johana. Ta keguurenen Kepa” (ye kiweech, ko Petero).

POISYONIGAP CHE KIYOKTOI 12:17

Ago ki iboorchine `ineendet icheek euut kosiisyo, ak kotetyi ole kagomutunda `Kiptaiyat ineendet komong' eng' korgoreet. Ak ki mwa kole, “Omwachi ng'aleechu Jakobo ak tupchosyek.” Ak ki wo agoi komosta age.

POISYONIGAP CHE KIYOKTOI 15:13

Ak kingo kagosiisyo, kowol Jakobo kole, “Che kitupche, ogaso.

POISYONIGAP CHE KIYOKTOI 15:7

Ak kingo kagoteebegei miising', kotonon Petero ak komwachi icheek kole, “Che kitupche, ongen okweek ole ki kolewen Kamuktaindet eng' kwenung'wong' kobooch ye po ui kole kogas Pororyosyek ng'olyoot ne po logoiywek che myach eng' kutinnyu ak koyan.

POISYONIGAP CHE KIYOKTOI 4:36

Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei,

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 12:3

Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

ROMANIK 15:15

Ago, asirwok agobo ng'aleek alak eng' nyiganateet ne siirei, ko uu ye abwaatwok kogeny, amu myeeindo ne ki koono Kamuktaindet,

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

2 KORINTOEK 11:5

Amu aiitige ale ma mi let eng' kiy age tugul eng' che eecheen miising' eng' che kiyooktoi.

2 KORINTOEK 12:11

Kaaberberitu: ki obircha; amu kota nyolu oloswa okweek: amu ki ma aa po let eng' kiy age tugul eng' che koiyooktoi che eecheen kosiir, agot ngo ma aa kiy.

2 KORINTOEK 8:4

kosoomech eng' kagaigaet ne oo agobo myeini ak yamdaet eng' poisyet ne kiboisyechin che tiliileen:

GALATYEK 1:16

si kong'aany Weeriinnyi eng' anee, si kobiit aamda ineendet eng' Pororyosyek; ki ma king'alaal anyun ak chii eng' sainooto:

GALATYEK 1:18

Kingo keskei anyun kenyiisyek somogu atogoste awe Jerusalem si aboorchigei Kepas, ak abeni oldanyi peetuusyek taman ak muut.

GALATYEK 2:1

Kingo pata anyun kenyiisyek tamanu ak ang'wan atogoste kogeny awe Jerusalem kobooto Barnaba, amuti Tito agine.

GALATYEK 2:2

Ak ki atogoste eng' ng'ang'utyet; ak ki atetyi icheek logoiywek che myach che aamdooti eng' kwenutap Pororyosyek, ago eng' ung'oot eng' icheeget che taagunotiin, si ma egu, eng' oor age tugul, ne alabati puch, anan ne kialabat puch.

GALATYEK 6:3

Amu ngot kobwaategei chii kole aa kiy, ago kaagaa ma kiy, koberberegei ineegei.

EPESOEK 2:20

Kigeteechak eng' lumdaetap che kiyooktoi ak maotik, Kristo Jeso ineendet ko koita ne oo ne po luuita;

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

KOLOSAIK 1:29

abirtochinigei agine nooto, agiiligei ko uu poisyennyi, ne poisyei eng' anee eng' kamuktaet.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

NG'ANG'UTYET 3:12

“Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.