DANIEL 9:4 - Bukuit Ne Tilil

⁴ Ki asaa Kamuktaindet ne Toroor Kamuktaindennyu, ak ang'aang'ji ineendet ale, ee Kiptaiyat, Kamuktaindet ne oo ne kiywei, ne riibei kayomiset ak rireenet eng' icheek che chamei ineendet ak koriibei ng'atuutikyik,

BUKUIT NE TILIL

⁴ Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

DANIEL 9:4 Iomraidhean Croise

1 LAITORINIK 8:23

ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

2 ATEPTAP PEETUUSYEK 7:14

ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

NEEMIA 1:5

Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

KOMONG'U 20:6

Ago ariiree eliphuusyek eng' icheek che chama ak kosubi ng'atuutikyuk.

JEREMIA 3:13

Ng'aany tengektong'ung' kityo; ile ki ingelelji Kamuktaindet ne Toroor Kamuktaindeng'ung' ak ki iseerchi toek ortinweguk eng' kelutap keetit age tugul ne tuon ak ma ogasa iit kutinnyu, mwaei Kamuktaindet ne Toroor.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

DANIEL 6:10

Nganda ki nai Daniel kole kagosir laitoryat kainet ko uu nooto eng' siruutichooto, ko ki testai kwo koonnyi ne po parak, ne ki tinye tirisyok che ki yaatatin kotokyingei Jerusalem, ak kogutuny konyil somok eng' peetuut, ak kosa, komwachi kongoi Kamuktaindennyi, ko uu ye kocham koyaei.

DANIEL 9:3

Ki atokyigei Kiptaiyat Kamuktaindet, ale acheeng' ineendet eng' saaet ak soomutik kobooto karugutetapkei ak kalaagetap kuiniok ak eng' oreek.

LUKA 1:72

Si koriiree kwanisyekyok, ak kobwaat kayomisennyi ne tiliil;

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

NG'ATUTIK 5:10

Ago ariiree eliphuusyek eng' icheek che chama che isubi ng'atuutikyuk.

NG'ATUTIK 7:12

Ye ogas kirwoogutichu, oriip ak oyai, si koriip anyun Kamuktaindet ne Toroor Kamuktaindeng'ung' kayomiset ak rireenet eng' inyee ne ki iyasyechi kwanisyeguk.

NG'ATUTIK 7:21

Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.

NG'ATUTIK 7:9

Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?