DANIEL 9:13 - Bukuit Ne Tilil

¹³ Kanyonjech yaityoni tugul ko uu ye siraat eng' ng'atuutigap Musa. Tom kesoom chametap Kamuktaindet ne Toroor, Kamuktaindennyo, si kobiit kemete tengekwogikyok ak kenai ole teptoi imandang'ung'.

BUKUIT NE TILIL

¹³ Kanyonjech yaitioni tugul ko u ye sirat eng’ Ng’atutikab Musa, ago tom kesom chametab Jehovah Kamuktaindennyo, si kobiit kemete tengekwogikyok, ak kenai ole teptoi imandang’ung’.

DANIEL 9:13 Iomraidhean Croise

2 LAITORINIK 22:16

Kamwa Kamuktaindet ne Toroor kole: Aibu yaityet konyonji koroni kobooto piikyik, ko uu ng'aleek tugul che po bukuinooto kasomani laitoryatap Judah.

Kitabuutap JOB 36:13

Ago icheek che ma iywei Kamuktaindet eng' muguleldo, kogonorchingei nereegek. Ma riirtos kosoomei toreteet ye kabir `ineendet icheek.

TIENWOGIKAL 119:18

Yaat konyekyuk, si kobiit ageer tuguuk che kikwong'ee eng' ng'atuutyeng'ung'.

TIENWOGIKAL 119:27

Koono aguiyo ooreetap kaneetisyosyeguk, si abwaatat poisyoniguk che kikwong'ee.

TIENWOGIKAL 119:73

Ki yaa euneguk ak kogimita; koono kaguiyet, si kobiit aneetkei ng'atuutiguk.

TIENWOGIKAL 85:4

Weekyeige, Kamuktaindetap yetunennyo. Ak ingosiisyo nereegeguk che tokyineigei.

ISAIAH 31:1

Pwo eng' icheek che choorchingei Misiri kocheeng'ei toreteet, ak kotiegei paraisisyek; ak komang'u kariisyek, amu chaang', ak komang'u piik che ketei paraisisyek amu kiimeen kot; ago ma inyali Ineendet ne Tiliil ne po Israel, ama cheeng'ei Kamuktaindet ne Toroor!

ISAIAH 42:9

Ogeero, kagosulda tuguuk che po tai, ak amwaitoi tuguuk che leelach, amwaiwok kotomo kobiit.

ISAIAH 43:22

Ago ma iguura, ee Jakobo; ago ki ing'eet agobo anee, ee Israel.

ISAIAH 64:6

Amu ki kiige tugul chii ne po simdo, ak uu imandanyo tugul ngoryeet ne murwoon: ak kirestosi acheek tugul ko uu sogoot; ak onech yaitwogikyok ko uu ye onsei usoonet.

ISAIAH 64:7

Ama mi ne kuurei kaineng'ung', ne igiilegei si kobiit konamin: amu ki iung'enech togeng'ung', ak ki igeswech amu tengekwogikyok.

ISAIAH 9:13

Nganda uu nooto koma weekyigei `piik ineendet ne kibir icheek, ama cheeng' Kamuktaindet ne Toroor ne po lugoosyek.

JEREMIA 2:30

Ki abir lagokwok puch, ma cham icheeget katigonet. Kigobar rotweng'ung' po chok maotikwok, ko uu ng'etundo ne ng'emisyei.

JEREMIA 30:14

Kigoutyenen chamaniguk tugul: ma cheeng'in: amu kaaguotenin eng' kaguotenetap puunyoot eng' katigonetap ineendet ne koroom; amu ooindap yaityeng'ung', amu kitesagis tengekwogiguk.

JEREMIA 31:18

Koagas iman koteechingei Ephraim, koleen, Ki itigoono, ak ki atigoonage: ko uu moita ne tomo konai chogit: welela, si awelelok; amu ii Kamuktaindet ne Toroor Kamuktaindennyu.

JEREMIA 44:23

Amu ki obeel nyamdutik, ak amu ki oyachi Kamuktaindet ne Toroor tengekto, ama ogas iit kutitap Kamuktaindet ne Toroor, anan obendate ng'atuutikyik, anan kayomisutikyik, anan paornatosyekyik; konyonjok anyun yaityoni ko uu ye uu rani.

JEREMIA 44:27

Ogeero, ariibe icheek agobo yaityet, ma agobo ne myee: ak kigeesu murenik tugul che po Judah che mi emetap Misiri, eng' rotwetap chok ak eng' rubeet, agoi kogeskei.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

RIREKAB JEREMIA 5:21

Waleech kewekyiingei, ee Kamuktaindet ne Toroor, si keeweege; ileliit peetuusyekyok ko uu keny,

EZEKIEL 16:43

Amu ma ibwaat peetuusyegap ming'inateng'ung', ago ki itacha eng' tuguuchuuto tugul; ko uu nooto, kaaweegu poisyoniguk kotebee paragung'ung', mwaei Kiptaiyat Kamuktaindet ne Toroor. Tos ma iyai yaityoni itesyi tuguuguk tugul che kiwechei?

DANIEL 9:11

Ee, ki kobistoe Israel tugul ng'atuutyeng'ung', komasta ak ma kas iit kuting'ung'. Kigerong'jech anyun chubeet amu nooto, kobooto kayasyoet ne ki kisirchi ng'atuutigap Musa otwogindetap Kamuktaindet, amu kigeyachi ineendet tengekto.

HOSEA 7:10

Ak paoryani menoteetap Israel eng' tainnyi: agot ngo uu nooto koma weekyigei Kamuktaindet ne Toroor Kamuktaindennywa, anan kocheeng' ineendet eng' chuuto tugul.

HOSEA 7:14

Ama riircho eng' mugulelwekwak, ago iteitos eng' itogusyekwak: iyumigei agobo peek ak divaik; ingeleljino.

HOSEA 7:7

Peelei piich icheek tugul ko uu kapkoima ak koamei kirwoogikwak; ki kobutyo laitorinikwak tugul: ma mi eng' icheek ne kuura.

LUKA 24:45

Koyaat anyun ng'omnootosyekwak, si kobiit konai siruutik;

JOHANA 10:35

Ngo kigoguure ineendet icheek ‘kamuktaik’, icheeget che ki nyoonji ng'olyootap Kamuktaindet (ama imugaksei kebut siruutyet),

JOHANA 6:45

Ki kisir eng' maotik, ak kineeti tugul eng' Kamuktaindet. Age tugul ne kagogas eng' Kwanda, ak kagonetkei, konyonjino.

JOHANA 8:32

ak onai imanda, ak kotyachak imanda.

EPESOEK 4:21

ngo ki ogas ineendet, ak ki kinetak eng' ineendet, ko uu ye mi imanit eng' Jeso:

NG'ATUTIK 29:4

Ago kitom kogoonok `Kamuktaindet ne Toroor muguleldo ne oguiye anan koonyek che ogeere anan itiik che ogase, agoi rani.

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.