DANIEL 8:21 - Bukuit Ne Tilil

²¹ Ak kwesta ko laitoryatap Greece, ak kuinet ne oo ne mi kwenutap togeennyi ko laitoryat ne po tai.

BUKUIT NE TILIL

²¹ Ak kwesta ko laitoriatab emetab Yunanik, ak kuinet ne o ne mi kwenutab togennyi ko laitoriat ne bo tai.

DANIEL 8:21 Iomraidhean Croise

DANIEL 10:20

Yeityo kole, tos ingen ile amu nee si anyonjin? Kaweege anyun si kebarge ak pounindetap Persia, ak ye awe, keero, konyo pounindetap Greece.

DANIEL 11:2

Aboorun anyun ne po iman. Keero, ta kobiitu laitorinik somogu eng' Persia; ak egu mogoryot miising' ne po ang'wan kosiir chuun tugul. Ak ye kagogimiit amu mogornatosyekyik, kong'eet piik tugul kobargei ak pounatetap Greece.

DANIEL 11:3

Ak kobiit laitoryat ne kiim miising', ne tuun pounisyei eng' pounateet ne oo ak koyai ko uu ye machei.

DANIEL 2:39

Ak ye tuun ma imi, kobiit pounateet age ne matenitu neng'ung'; yeityo kobiit pounateet age ne po somok, ne po sugunwet, ne tuun pou ng'wony komugul.

DANIEL 7:6

Kingo pata niito, ageer, ak ogeero, tyondo age ne uu cheplanget. Ki tinyei eng' patai kebebaik ang'wan che uu che po toriityon ak ki tinyei kogeny tyonyooto metowek ang'wan; ak ki kigoochi pounateet.

DANIEL 8:20

Mengit ne kaigeer ne tinyei kuinoik aeng' ko laitorinigap Media ak Persia.

DANIEL 8:22

Ak kuinonooto ki il, eng' ole ki tononie chooto ang'wanu, ko tuun pitunee yooto pounatosyek ang'wanu che mang'une pororyet, ago ma eng' kimnateennyi.

SEKARIA 9:13

Amu ki ariikyigei Judah ko uu kwanget, ak ayai Ephraim koek kipchabonikyik. Ang'eeti weeriiguk, ee Zion, kobargei ak weeriiguk, ee Greece, ak ayain iige rotwetap chok ne po chiito ne nyigan.