DANIEL 7:18 - Bukuit Ne Tilil

¹⁸ Ago tuun taachei pounateet piik che tiliileen che po Ineendet Ne Toroor Miising', ak konam pounateet kobunji icheek koigeny ak koigeny.

BUKUIT NE TILIL

¹⁸ Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:18 Iomraidhean Croise

TIENWOGIKAL 45:16

Ee laitoryat, isiche lagok che chaang' pounisyei icheek ne kata kwanisyeguk, iyae weeriiguk koek pounik eng' ng'wony komugul.

TIENWOGIKAL 49:14

Ki kichopchi icheek ye mi meet ko uu keechiirek; egu `meet mestowonnywa. Tetoi icheek kochute kererit; nunei itoondanywa eng' olooto, ak punjin icheeget ye mi meet.

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

DANIEL 7:14

Ki kigoochi ineendet pounateet, toroornatet ak laitornatet, si koot ineendet piik tugul, pororyosyek tugul, ak che po kutusweek tugul. Pounatennyi ko pounatetap koigeny, ne ma igeesugei, ak laitornatennyi ko mang'emaksei agoi.

DANIEL 7:17

Tyong'ichuuto ang'wan eecheen, ko laitorinik ang'wan che tuun mang'une ng'wony.

DANIEL 7:22

agoi konyo Ineendet ne po Keny, ak korwooch agobo piik che tiliileen che po Ineendet Ne Toroor Miising', ak koit peetuut ne punjin pounateet piik che tiliileen.

DANIEL 7:25

Mwaei ng'aleek che kirindoi Ineendet Ne Toroor Miising', ak koim miising' piik che tiliileen che po Ineendet Ne Toroor Miising', ak ki leen ineendet kowal peetuusyek ak ng'atuutik; ak kigoochi ineendet koboi icheek agoi kobek kenyiit, ak kenyiisyek, ak kebebertap kenyiit.

DANIEL 7:27

Laitornatet ak pounateet, ak ooindap laitornatosyek che mi kurereetap kipsengwet komugul ko tuun kigoochin piigap piik che tiliileen che po Ineendet Ne Toroor Miising'. Laitornatennyi ko laitornatet ne po koigeny, ak tuun otei ineendet pounatosyek tugul ak kogase iit.”

OBADIA 1:17

Ago piitu che chilildos eng' tulweetap Zion, ak kotiliilit; ak konam kootap Jakobo tuguugap pichooto, kobunji.

LUKA 1:33

ak tuun laitorane kootap Jakobo koigeny; punjin laitornatennyi koigeny.”

1 KORINTOEK 6:2

Anan mongen ole tuun irwookyin piik che tiliileen ng'wony? Ak ngot kotun orwookyini ng'wony, ko tos ma nyoljinok orwooch agobo tuguuk che mengeechen?

EPESOEK 1:3

Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

EPESOEK 6:12

Amu ma po kabelennyo pogei poorto ak korotiik, ago po laitornatosyek, ak kimnatosyek, eng' pounigap ng'wonyuni che po mesundeito, eng' lugosyegap tamirmirik che po yaityet eng' komoswegap kipsengwet.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”