DANIEL 5:17 - Bukuit Ne Tilil

¹⁷ Kowolji anyun `Daniel laitoryat koleenji, ingobunjin kagoochinoiguk, anan igoochi melekweguk chiito age! Ago asoomanjini laitoryat siruutichooto ak aboorchini ineendet kaaroret.

BUKUIT NE TILIL

¹⁷ Kowolji anyun Daniel laitoriat kolenji, Ingobunjin kagochinoiguk, ak igochi melekweguk chito age; ago asomanjini laitoriat sirutichoto, ak aborjini inendet kaweekset.

DANIEL 5:17 Iomraidhean Croise

TAUNET 14:23

ale ma name kiy age tugul ne neng'ung', ngo porowet anan ko ineet, si ma tuun imwa ile, ‘Ki ayai Abram koek mogoryo.’

2 LAITORINIK 3:13

Ki leenji `Elisha laitoryatap Israel, “Kiting'egei nee ak inyee? Ui ole mi maotigap kwandang'ung' ak maotigap kamenng'ung'.” Ak ki leenji laitoryatap Israel ineendet, “Achicha! Amu kogoguur Kamuktaindet ne Toroor laitorinichu somok kibagenge, konde eunegap Moab.”

2 LAITORINIK 5:16

Ago ki mwa kole, “Ko uu ye sabei Kamuktaindet ne Toroor, ne atonone tainnyi, ko mataache kiy.” Ak nganda kibirchi ineendet koip, ko ki eesyo.

2 LAITORINIK 5:26

Ago ki leenji `Elisha ineendet, “Kama obe ak muguleldanyu ye kaweeksei chiichigai eng' chepkichutinnyi kotorogun? Tos peetuusyechu ko che kitaage fedha, anan ketaage ngoroik, mbareenigap mseituni, mbareenigap sabibuk, keechiirek ak tuuga, anan otwogik che murenik ak che tiibiik?

TIENWOGIKAL 119:46

Amwaitoi agine paornatosyeguk eng' taitap laitorinik, amalilani.

DANIEL 2:6

Ago ngot oboorwo karwotitoet ak kaarorennyi, onyooru eng' anee konunoik ak melekwek ak teegisto ne oo. Oboorwo anyun karwotitoet ak kaarorennyi.”

DANIEL 5:29

Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

POISYONIGAP CHE KIYOKTOI 8:20

Ago ki leenji Petero ineendet, “Ingobetyo siling'isyeguk kobooten, amu keleen inyooru konunetap Kamuktaindet eng' silingisyek.