DANIEL 4:30 - Bukuit Ne Tilil

³⁰ kong'alaal laitoryat kole, “Tos ma Babilon ne oo ni, ne ki ateech koek ole menyei laitoryat, eng' kamugetap kimnateennyu ak agobo toroornatetap eutunatennyu?”

BUKUIT NE TILIL

³⁰ Kong’alal laitoriat kole, Tos ma Babulon ne o ni, ne kiateech koek ole menyei laitoriat, eng’ kamugetab kimnatennyu ak agobo torornatetab eutunatennyu?

DANIEL 4:30 Iomraidhean Croise

TAUNET 10:10

Taunetap laitornatennyi ko ki Babel, Erek, Akat, ak Kalne eng' emetap Shinar.

ESTA 1:4

Ki ibarta anyun laitoryat mogornatosyegap laitornatennyi ne toroor ak teegistap etunatennyi ne siirtoot eng' peetuusyek pogol ak tamanwogik sisiit.

TIENWOGIKAL 104:1

Ilasu Kamuktaindet ne Toroor, ee saboondanyu. Ee Kamuktaindet ne Toroor, Kamuktaindennyu, ii oo miising'. Ilaachi teegisto ak etunateet.

TIENWOGIKAL 49:20

Chiito ne tinyei teegisto, ama tinyei ng'omnateet ko kergei ak tyong'ik che pegu.

TIENWOGIKAL 73:8

Chotisyei, ak mwaei sastaet eng' tengekto: ng'alaaldos eng' katorooretapkei.

KALEWANAIK 11:2

Ye nyo menoteet, konyo agine kalilanet, ago mi utaatyet ak che iming'inegei.

KALEWANAIK 16:18

Indoe `menoteet ng'emisyet, ak indoe `kachaunetapkei kabutet.

KALEWANAIK 29:23

Iming'ini chii `menatennyi, ago nyooru teegisto ineendet ne iming'inegei.

ISAIAH 13:19

Ak Babilon, ne ineendet ko toroornatetap laitornatosyek, ne karaaranindap menoteetap Kaldeik, koigeitu Sodom ak Gomorah ye ki igabui Kamuktaindet.

EZEKIEL 29:3

ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

DANIEL 4:31

Kingo ta kong'alaali laitoryat, kotwek kutit ne punu kipsengwet, kole: “Ee Laitoryat Nebukadnezar, kagimwaun ng'olyoondoni: Keele, kaistoenengei pounateet!

HABAKUK 1:11

Iwiktogei ko uu usoonet, ak kosiirto, ak konam ng'oogisto: ineendet ne kamuktaindennyi kimnateennyi.

LUKA 14:11

Amu age tugul ne itoroorigei kiming'ini; ak ineendet ne iming'inegei kitoroori.

LUKA 14:9

si ye nyo ineendet ne kaguurok okweek tuwai, komwaun kole, istochigei chiichi; itau anyun iwe ole po let eng' kalilanet.

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.

NG'ANG'UTYET 14:8

Ak koosup malaikaiyat ne po aeng', ne leen, “Kagoluul, kagoluul Babilon ne oo, ne ki igoochi pororyosyek tugul koe divaik che po koroomnatetap soksennyi.”

NG'ANG'UTYET 16:19

Ak kipcheak nganaseet ne oo koek kebeberwek somok, ak kilulyo nganasoogap pororyosyek: ak ki kibwaat Babilon ne oo eng' taitap Kamuktaindet, si kobiit kigoochi ineendet kigombet ne po divaigap koroomnatetap nereegekyik.

NG'ANG'UTYET 17:5

ak ki kisirchi togeennyi kainet keele, “Ung'ootyet, Babilon ne oo, kametap chepkugonik ak ne po tuguuk che kiwechei che po ng'wony.”

NG'ANG'UTYET 18:10

kotonondos eng' ole loo amu kayweetap ng'wanindanyi, koleen, “Pwo! Pwo! Wee nganaseet ne oo, Babilon, nganaseet ne kiim! Amu kait kirwoogeng'ung' eng' sait agenge.”

NG'ANG'UTYET 18:21

Ak kisut malaikaiyat ne kiim koita ne uu koitap pai ne oo, ak kowiirchi nyanjet, kole, “Ki wiirtoi Babilon nganaseet ne oo, kobut ko uu nooto eng' kabutet ne oo, ama kenyooru kogeny agoi.