DANIEL 4:27 - Bukuit Ne Tilil

²⁷ Nooto anyun, ee laitoryat, ingochamak kirwoogennyu eng' inyee, ak itabaanegei tengekwogiguk ye iyae imanda, ak itabaanegei yaitwogiguk ye iriiree kibananook; si kotesak kalyeng'ung'.

BUKUIT NE TILIL

²⁷ Noto anyun, ee laitoriandani, ingochamak kiruogennyu eng’ inye, ak itabanege tengekwogiguk, ye iyae imanda, ak itabanege yaitwogiguk ye irire kibananok; si kotesak kalyeng’ung’.

DANIEL 4:27 Iomraidhean Croise

TAUNET 11:4

Yeityo komwachigei kole, “Obwa keteekyigei nganaseet ak keteech koot ne kooi ne togostoi parak, ne itei kimonjogunnyi parak kipsengwet, si keyaigei keegu che taagunotiin, si mata keyeste eng' ng'wony komugul.”

1 LAITORINIK 21:29

“Igeere ole iming'indogei Ahab eng' tainnyu? Amu iming'inegei eng' tainnyu, koma ibu yaityet eng' peetuusyekyik; ago aipchini yaityet koonnyi eng' peetuusyegap weeriinnyi.”

TIENWOGIKAL 119:46

Amwaitoi agine paornatosyeguk eng' taitap laitorinik, amalilani.

KALEWANAIK 11:2

Ye nyo menoteet, konyo agine kalilanet, ago mi utaatyet ak che iming'inegei.

KALEWANAIK 16:6

Ki undoi yaityet eng' rireenet ak iman, ak istoegei piik yaityet ye iywei Kamuktaindet ne Toroor.

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

ISAIAH 10:13

Amu ki komwa kole, “Ki ayai niito eng' kimnateetap eunnyu, ak eng' utaatyennyu, amu aguitosi; ki aiste kiwotosyegap pororyosyek, ak ki arebee konoraikwak, ak ki aming'in icheek che tebee ng'echerogap laitornatet, ko uu chiito ne nyigan.

ISAIAH 47:10

Amu ki imang'u sogornateng'ung'; ki ile, Ma mi chii ne keera; ki komaasin utaatyeng'ung' ak naeng'ung': ak ki imwa eng' muguleldang'ung' ile, Aneendet, ma mi age kobatena.

ISAIAH 47:8

Kas niito anyun, inyee ne ichame ureryosyek, ne imeng'iisyei, ameiiti kiy, ne imwae eng' muguleldang'ung' ile, Aneendet, ama mi age kobatena; matebye ko uu kwony ne ki kosiirtoe manong'otyot, ama pegunena lagok:

JEREMIA 29:7

Ak ocheeng'ji kaalyeet nganaseet ne ki achamde keluuljok, ak osaa Kamuktaindet ne Toroor agobo nganasanooto: amu onyooru kaalyeet eng' kaalyeetap nganasanooto.

JEREMIA 38:20

Ago ki le Jeremiah, Ma igoitoin. Kasain ale, kas kutitap Kamuktaindet ne Toroor eng' chuuto amwaun: si kobiit komyeeit eng' inyee, ak kosap saboondang'ung'.

EZEKIEL 18:7

ak tomo koyachi chii kiy ne ya, ago kogoweekta kiit ne ki kiname pesendo, koweekyi chiito ne ki kiname pesendo, koweekyi chiito ne kiyaachei, ama rebe chii kiy eng' koroomnateet, ak Ki kogoochi amitwogik chiito ne amei rubeet, ak kolaaksechi ne mi aach ngor;

EZEKIEL 29:3

ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

EZEKIEL 29:9

Ak koguber emetap Misiri ak koek karaita, si konai kole aa Kamuktaindet ne Toroor; amu ki komwa kole, nenyu aineet, anee ne ki ayae.

JOEL 2:14

Ng'oo ne ingen ngo tos ma week ak kowal kabwaatutikyik, ak kobagaakta kaberuret eng' ole kabunei, amu kagoochinetap peek che ng'ootiin ak kagoochinet ne kieei ne kigoochin Kamuktaindet ne Toroor Kamuktaindeng'wong'?

AMOS 6:13

Okweek che oboiboitune kiit ne po puch, che omwae ole, “Tos ma ki ip eng' kimnateennyo kuinoik kobunjech?”

JONAH 3:9

Ng'oo ne ingen? Imuuch koweek Kamuktaindet ak kowal kabwaatutikyik, ak kometo nereegekyik che koroomen, si koma kibegu.”

HABAKUK 1:11

Iwiktogei ko uu usoonet, ak kosiirto, ak konam ng'oogisto: ineendet ne kamuktaindennyi kimnateennyi.

SEPANIA 2:15

Ni nganaseet ne paibai ne ma iiti kiy, ne ki mwa eng' muguleldanyi kole anee kityo, ma mi age kobatena: kagoek karaatya ne tya, ole ruitos tyong'igap timiin! Reenyei ineendet age tugul ne siirtoi, ak kong'wereri.

MATAYO 3:8

Oii logoek che nyoljin siguunet.

LUKA 11:41

Ogoite kagoochinoik che po tuguuk che mi oriit; ak ogeero, tiliiliitu tuguuk tugul eng' okweek.

POISYONIGAP CHE KIYOKTOI 24:25

Ak ye kita kong'alaali agobo imanda, ak riibetapkei, ak kirwooget ne nyoonei, koiyweis Felix, ak kowol kole, “Ui korook; ak ye tuun anyooru poroindo ne myee, aguurin.”

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

POISYONIGAP CHE KIYOKTOI 8:22

Sigu anyun eng' tengeging'ung'et ak isaa Kiptaiyat, tamangap kenyoun kaat amu kabwaatetap muguleldang'ung'.

2 KORINTOEK 5:11

Amu kingen anyun kayweetap Kiptaiyat, kichuutu piik, ago kibortaech eng' taitap Kamuktaindet; ak amang'u ale kibortoech eng' taitap kabwaateng'wong'.

GALATYEK 5:13

Amu okweek che kitupche, ko ki kiguurchok katyaget; ago moboisyee katyageng'wong' koek poroindo ne po poorto, ago oboisyechigei okweegei eng' okweegei eng' chamyet.

GALATYEK 5:22

Ago logoiyatap Kabuuset ne Tiliil ko chamyet, poiboiyet, kaalyeet, muitaet, talasyet, myeeindo, atepto ne kiyani,

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

NG'ATUTIK 24:13

Iweekyi kinnyi ko karorokto asiista si kobiit kotugegei ye ruei ak koberuurin ak koek nooto imanda eng' inyee eng' taitap Kamuktaindet ne Toroor Kamuktaindeng'ung'.”

NG'ATUTIK 32:27

Nda ki ma aiywei tagisyetap puunyoot, Si ma ibwaat puunikwak perberyo, ak komwa kole, ‘Kagotororit eunnyo, ak ma yai Kamuktaindet ne Toroor chooto tugul.’ ”

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

1 PETERO 4:8

ne siirei tuguuk tugul ko ochamyee miising' okweegei; amu tuchei chamyet chaang'indap tengekwogik: