DANIEL 11:4 - Bukuit Ne Tilil

⁴ Ak ye kagobiit, keng'emei laitornatennyi, ak kopcheigei kotokyigei usoonaik ang'wan che po kipsengwet; ago ma tuun punjin iyotennyi, ama isubi ko uu pounatennyi ne ki pou; amu kitutu laitornatennyi kobunji alak che ma pooto chuuto.

BUKUIT NE TILIL

⁴ Ak ye kagobiit, keng’emei laitornatennyi, ak kopcheigei kotokyigei usonaik ang’wan che bo kipsengwet; ago ma tun bunjin iyotennyi, ama isubi ko u bounatennyi ne kibou; amu kitutu laitornatennyi kobunji alak koboto chuto.

DANIEL 11:4 Iomraidhean Croise

TIENWOGIKAL 39:6

Iman wendoti chii age tugul ko uu urwet ne siirtoi; iman iimegei pichooto puch; iyumi tuguuk, ama naei ne tuun punjin.

AMDOINDET 4:8

Mi age ne mi ineegei, ama tinyei ne rubei; ma tinyei weeriit anan ng'eetap kamet; nganda uu nooto, koma mi kagesunet ne po pirtoennyi pogei tugul, ama piyonyi konyekyik mogornatosyek. Leen, “Aboisyechini ng'oo ak arebee saboondanyu kiit ne myee?” Puch niito agine, poisyet ne po nyalilda.

JEREMIA 12:15

Ago ye kaatut icheek, aweechigei ak ariiree icheek. Ak amutu kogeny konyo age tugul porotennyi ak konyo age tugul emennyi.

JEREMIA 12:17

Ago ngot koma cham kogas, atutu pororyonooto. Atutu anyun ak ang'em,” mwaei Kamuktaindet ne Toroor.

JEREMIA 18:7

Eng' peetuut ne amwae agobo poror age tugul, ak agobo pounateet age tugul, ale atut, ak abut ak ang'em;

JEREMIA 31:40

Ak koek ne tiliil eng' Kamuktaindet ne Toroor atebweet komugul ne po muuswek, ak ne po oreek, ak mbareenik tugul che itei kererutap Kidron, agoi luuita ne po ormariichetap paraisiit ne tokyingei kong'asiis; ma kitutu, anan kebut kogeny agoi.

JEREMIA 45:4

Mwachi anyun ineendet ko uu ni, ileenji, mwaei Kamuktaindet ne Toroor ko uu ni kole: Keero, abute ne ki ateech, ak atutu ne ki amin; ak ayae niito eng' emet komugul.

JEREMIA 49:36

Ak aipchi Elam koriswek ang'wan che punu luukwek ang'wan che po kipsengwet, ak aiyeste icheek koba koriswechooto tugul; ama piitu pororyet ole ma itei che ki kioon che po Elam.

EZEKIEL 37:9

Koleenjo anyun, Maotenji usoonet, maoten, ee, weeriitap chii, ak ileenji usoonet, Mwaei Kiptaiyat Kamuktaindet ne Toroor kole: Nyoo eng' usoonaik ang'wan, ee kabuuset, ak ibuusyi chu kigebar, si kobiit kosapcho.

DANIEL 7:2

Ki mwa Daniel kole, ki ageer eng' ng'ang'utyennyu kemoi, ogeero, ki usyi nyanjet ne oo usoonaik ang'wanu che po kipsengwet.

DANIEL 7:6

Kingo pata niito, ageer, ak ogeero, tyondo age ne uu cheplanget. Ki tinyei eng' patai kebebaik ang'wan che uu che po toriityon ak ki tinyei kogeny tyonyooto metowek ang'wan; ak ki kigoochi pounateet.

DANIEL 7:8

Ki abwaat miising' agobo kuinoichooto, ye ki mang'une kuinet age ne ming'in, ne ki kitutune tainnyi kuinoichooto po tai somok. Ki mi kuinonooto koonyek che uu che po chii, ak kutit ne mwaei tuguuk che eecheen.

DANIEL 8:22

Ak kuinonooto ki il, eng' ole ki tononie chooto ang'wanu, ko tuun pitunee yooto pounatosyek ang'wanu che mang'une pororyet, ago ma eng' kimnateennyi.

DANIEL 8:8

Ak ki eetkei kwesta miising'; ak ye kingo kagogimiit, koil kuinet ne oo. Ki mong' kuinoik ang'wanu che taagunotiin kotokyigei usoonaik ang'wan che po kipsengwet, kogeer ni kabo tai.

SEKARIA 2:6

Mwaei Kamuktaindet ne Toroor kole “Eiye, eiye! Omwei eng' emetap murot kaataam, amu ki aseerak ko uu usoonaik ang'wan che po kipsengwet.

SEKARIA 6:5

Ak ki wol malaikaiyat koleenjo chuuto ko usoonaik ang'wan che po kipsengwet che pendi eng' ole katonone eng' taitap Kiptaiyat ne po ng'wony komugul.

MATAYO 12:25

Ki ingen ineendet kabwaatutikwak ak ki leenji, “Ng'emaksei laitornatet age tugul ne pcheat, ama tononi nganaseet anan koot age tugul ne pcheat.

LUKA 12:20

Ago ki leenji Kamuktaindet, ii perber inyee, kimachei saboondang'ung' kemouni po ra; ara, si kobunji ng'oo anyun, tuguuchooto koichop?”

NG'ANG'UTYET 7:1

Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.