DANIEL 11:2 - Bukuit Ne Tilil

² Aboorun anyun ne po iman. Keero, ta kobiitu laitorinik somogu eng' Persia; ak egu mogoryot miising' ne po ang'wan kosiir chuun tugul. Ak ye kagogimiit amu mogornatosyekyik, kong'eet piik tugul kobargei ak pounatetap Greece.

BUKUIT NE TILIL

² Aborun anyun ne bo iman. Keero, ta kobiitu laitorinik somogu eng’ Persia; ak egu magoriot mising’ ne bo ang’wan kosiir chun tugul: ak ye kagogimit amu magornatosiekyik, kong’eet bik tugul kobargei ak bounatetab emetab Yunanik.

DANIEL 11:2 Iomraidhean Croise

EZRAH 4:24

Ki tonon anyun poisyetap kootap Kamuktaindet ne mi Jerusalem agoi kenyiit ne po aeng' ne po laitornatetap Darius laitoryatap Persia.

EZRAH 4:7

Ak eng' peetuusyegap Artaserses kosirchi parweet Bislam, Mitredat Tabeel, kobooto choronokwak tugul, kosirchi Artaserses laitoryandanooto po Persia. Ki kisire parwaanooto siruutigap Syria ak kemwae kutitap Syria.

ESTA 1:1

Ki yaak ko uu ni eng' peetuusyegap Aasuerus, nooto ne ki laitorani kobooch India agoi Kush nooto Ethiopia, kobou emotinwek pogol ak tiptem ak tisap

KALEWANAIK 22:21

Kogoonin inai imanitap ng'aleegap iman, si kobiit imuuch iwolji ng'aleegap iman icheek che koiyoogun?

DANIEL 10:1

Ki king'aang'ji Daniel ne ki kiguure Belteshazzar kiy eng' kenyiit ne po somok ko laitorani Cyrus laitoryatap Persia. Ki po iman kioto, ak ki uui miising' kot kesich kaguiyet. Ki iguiyo ng'olyoondonooto, ak konyoor kaguiyetap ng'ang'utyet.

DANIEL 11:25

Ak kong'eet kimnateennyi ak nyiganatennyi kobargei ak laitoryatap murot tai kobooto lugeet ne oo; ak koyai lugeet laitoryatap murot tai kobooto lugeet ne oo miising' ak ko kiim. Ago ma tononi, amu chobei icheek chobutik agobo ineendet.

DANIEL 7:5

Ak tyondo age ne po aeng' ne uu keeri. Ki kiganap kotonone komosak, ak ki tinyei karaaswek somok eng' kutinnyi, ak ki kimwachi ko uu ni keleenji, “Ng'eet, am panyeek che chaang'!”

DANIEL 8:21

Ak kwesta ko laitoryatap Greece, ak kuinet ne oo ne mi kwenutap togeennyi ko laitoryat ne po tai.

DANIEL 8:26

Po iman ng'ang'utyetap koskoleng'usyek ak karonusyek ne kagemwa. Ago tuch inyee ng'ang'utyonooto, amu po peetuusyek che chaang' che pwoonei.

DANIEL 8:4

Ki ageer mengoto kotoortaisyei kotokyigei cherongo ak murot kaataam ak murot tai. Ama imuuch tyong'ik kotononso eng' tainnyi, ama piit ne ki imuuch kosar eng' eunnyi; ki yai ko uu ye machei ak koeetkei.

AMOS 3:7

Iman ma yaei kiy Kiptaiyat Kamuktaindet ne Toroor kotom kong'aang'ji ung'ootyennyi otwogikyik maotik.

JOHANA 10:35

Ngo kigoguure ineendet icheek ‘kamuktaik’, icheeget che ki nyoonji ng'olyootap Kamuktaindet (ama imugaksei kebut siruutyet),

NG'ANG'UTYET 21:5

Ak ki mwa ineendet ne tebee ng'echereetap laitornatet kole, “Ogeero, ayae tuguuk tugul koleelagitu.” Ak ki le, “Sir, amu ng'aleechu ko che kiyani ak ko po iman.”