AMOS 5:8 - Bukuit Ne Tilil

⁸ Ineendet ne yaei Koremerik ak Kapsomoguk, ak kowalei mesundeito ne nyigiis koek karonet, ak koyaei peetuut koek kemoi; ineendet ne kuurei peegap nyanjet, ak koroong'ji ng'wony; Kamuktaindet ne Toroor kainennyi;

BUKUIT NE TILIIL Sireet ne Dutero Kanon

⁸ Ineendet ne yaei Koremerik ak Kapsomoguk, ak kowalei mesundeito ne nyigiis koek karonet, ak koyaei peetuut koek kemoi; ineendet ne kuurei peegap nyanjet, ak koroong'ji ng'wony; Kamuktaindet ne Toroor kainennyi;

BUKUIT NE TILIL

⁸ ocheng’ inendet ne yaei Koremerik ak Kapsomoguk, ak kowalei uruetab meet koek karonet, ak koyaei betut koek kemoi; inendet ne kuurei nyanjet ak korong’ji ng’ony; Jehovah kainennyi;

AMOS 5:8 Iomraidhean Croise

AMOS 4:13

Amu, keero, ineendet ne yaei tuloonook, koyaei usoonet, ak komwachin chii kabwaatennyi, ineendet ne yaei karonet koimenit, ak kotyechei komoswek che torooreen che po ng'wony; kainennyi ko Kamuktaindet ne Toroor, Kamuktaindet ne po lugoosyek.

Kitabuutap JOB 9:9

Ineendet ne yaei kecheik che uu tyondo, kapsomoguk ak koremerik, ak kooriik che mi murot tai.

AMOS 9:6

Ineendet ne teechei kooriikyik eng' kipsengwet, ne teechei yiemutyennyi eng' paragutap ng'wony; ineendet ne kuurei nyanjet ak koroong'ji ng'wony; Kamuktaindet ne Toroor kainennyi.

AMOS 8:9

Mwaei Kiptaiyat Kamuktaindet ne Toroor kole, “Eng' peetuunooto, agoochini kororokto asiista peet kween, ak agoochini emet koimenit eng' peetuut ne churat.

TIENWOGIKAL 104:20

Iyae mesundeito, ak koek kemoi, eng' nooto anyun, koguiguiyon tyony age tugul ne po timiin komong'.

TIENWOGIKAL 105:28

Ki iyookto mesundeito, ak ki igoochi koimenit; ak ki ma ingelelji `icheek ng'aleekyik.

Kitabuutap JOB 12:22

Nyooru tuguuk che ung'ootiin eng' mesundeito, ak koibu urwetap meet konyo lapkeiyet.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

MATAYO 4:16

Piik che ki tebee mesundeito ko ki kogeer lapkeiyet ne oo, ak icheek che ki tebee koreet ne po urwetap meet, ko ki kochoorchigei lapkeiyet.”

ISAIAH 59:10

Kisapsabisyoti kecheeng'e inaatut ko uu kipkoratinik, ee, kisapsabisyoti ko uu che ma tinyei koonyek: kibutyoti peet kween ko uu ye karatarat; ki uu che ki kobek ye kimi kwenutap che neryootiin.

ISAIAH 42:16

Ak amutune kipkoratinik ooreet ne ma naei; andochini eng' ortinwek che ma naei: awale mesundeito koek lapkeiyet eng' tainnywa, ak alitit komoswek che kunuuren. Ayae tuguuchuuto, amabagaaktoi.

Kitabuutap JOB 38:34

Tos imuuchi koit kuting'ung' poolik, si kotuchin peek che chaang'?

Kitabuutap JOB 37:13

Ngo po katigonet, anan ngo po emennyi, anan ngo po rireenet, kogoonu ui tugul.

JEREMIA 16:21

Nooto anyun, ogeero, agoochini konai, agoochini konai eunnyu ak kamugennyu, konyil niito agenge; ak konai icheek kole kainennyu ko Kamuktaindet ne Toroor.

JEREMIA 33:2

mwaei Kamuktaindet ne Toroor ne yaei nooto, Kamuktaindet ne Toroor ne kimimii si kogimit; kainennyi ko Kamuktaindet ne Toroor, mwaei kole: