1 PETERO 1:21 - Bukuit Ne Tilil

²¹ che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

BUKUIT NE TILIIL Sireet ne Dutero Kanon

²¹ che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

BUKUIT NE TILIL

²¹ che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.

1 PETERO 1:21 Iomraidhean Croise

TIENWOGIKAL 42:5

Amu nee si ing'uruuge, ee saboondanyu? Amu nee si iimge eng' anee? Imang'u Kamuktaindet; amu ta alasu ineendet amu yetunet ye mi ineendet kobooto.

JEREMIA 17:7

Iberuurot chiito ne imang'u Kamuktaindet ne Toroor, ak ko ne kamang'unennyi Kamuktaindet ne Toroor.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

JOHANA 12:44

Ak ki mwa Jeso eng' kutit ne oo, kole, “Ineendet ne iyana, koma iyana anee, ago iyani ineendet ne ki iyookwo.

JOHANA 14:1

Amogoochi mugulelwekwok koiimgei: oyani Kamuktaindet, oyana agane.

JOHANA 14:6

Koleenji Jeso, Aa ooreet, ak iman, ak saboondo: ma nyoonjin chii Kwanda, ama eng' anee.

JOHANA 17:1

Ki mwa Jeso ng'aleechu; ak konyal kipsengwet, ak kole, “Abba, kagonyo sait; itoroor Weeriing'ung', si kotoroorin Weeriit;

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 17:5

Ak nguno, ee Abba, itoroora eng' inyeendet inyegei eng' toroornatet ne ki atinye kemi tuwai kotom kobiit ng'wony.

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 2:24

Ago ki ing'eet `Kamuktaindet ineendet, ko kagotyach eng' ng'wanindo ne po meet, amu ki ma komuuchi meet konam ineendet.

POISYONIGAP CHE KIYOKTOI 3:13

Kamuktaindet ne po Abraham, ak ne po Isak, ak ne po Jakobo, Kamuktaindet ne po kwanisyekyok, ko kagotoroor kiboitiondennyi Jeso, ne ki ogoite ak ki otiiye ineendet eng' taitap Pilato, ye kiga kobegechi kotyach ineendet.

POISYONIGAP CHE KIYOKTOI 3:15

ak ki obar Ne Oo ne po saboondo; ne ki ing'eet Kamuktaindet eng' che ki pek; kibaorinigap nooto acheek.

POISYONIGAP CHE KIYOKTOI 4:10

ingonaak anyun eng' okweek tugul, ak eng' piik tugul che po Israel ole chiichi tononi eng' taing'wong', ko kagosap eng' kainetap Jeso Kristo ne po Nazareth, ne ki ogartaat okweek, ne ki ing'eet Kamuktaindet eng' che ki pek.

ROMANIK 10:9

amu nging'aany eng' kuting'ung' ile Jeso ko Kiptaiyat, ak iyani eng' muguleldang'ung' ile ki ing'eet `Kamuktaindet ineendet komang'une che ki pek, kesaruun.

ROMANIK 4:24

ago amu acheek agacheek, che tuun kiityin, che iyani ineendet ne ki ing'eet Jeso Kiptaiyandennyo komong' eng' che ki pek,

2 KORINTOEK 6:15

Anan kasyindos eng' nee Kristo ak Belial? Anan ting'egei nee ne iyanaat ak ne ma iyanaat?

EPESOEK 1:15

Amu niito anyun, kingo kaagas agobo kayaneet ne mi kwenung'wong', eng' Kiptaiyat Jeso, ak chamyet eng' tugul che tiliileen,

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

HEBRANIK 2:9

Ago kigeere ineendet ne ki kiyai koming'init kitigin eng' malaikaisyek, ineendet Jeso, ne ki kilaakyi kuutweet ne po toroornatet ak teegisto amu nyalilda ne po meet, si kobiit kochamcham meet eng' myeeindap Kamuktaindet agobo chii age tugul.

HEBRANIK 6:1

Nooto anyun ongebagaakte mata ongeng'alaale ng'aleek che po tai che po Kristo, ak ongigiilgei agoi keit ne ititaat; amata onginde lumeiywot ne po siguunet ne punu poisyonik che meiyotiin, ak ne po kayaneet eng' Kamuktaindet,

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

1 PETERO 1:11

ye ki cheeng'ei peetuut ne ineet anan ole uu peetuut ne ki iboorchin Kabuusetap Kristo ne ki miitei eng' icheek, ye kisip kobaoryan agobo nyalilwogigap Kristo, ak toroornatosyek che isubi chooto.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.