ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3 - ಕೊಡವ ಬೈಬಲ್

³ ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3 Iomraidhean Croise

ಆದ್ಯತ್‌ರ ಪುಸ್ತಕ 38:9

ಆಚೇಂಗಿ ಓನಾನ್‌ ಈ ರೀತಿಲ್‌ ಆಪ ಸಂತಾನ ತಾಂಡದ್‌ ಆಪ್‌ಲೇಂದ್‌ ಅರಿಂಜಿತ್, ತಾಂಡ ಅಣ್ಣಂಡ ಪೊಣ್ಣ್‌ರ ಕೂಡೆ ಕೂಡ್‌ವಕ ತಾಂಡ ಅಣ್ಣಂಗ್‌ ಸಂತಾನ ಆಕತನೆಕೆ ಇಪ್ಪಕ್‌ ಅಂವೊ ಎಚ್ಚರತ್‌ಲ್‌ ಇಂಜತ್.

ಆದ್ಯತ್‌ರ ಪುಸ್ತಕ 39:16

ಅವ ಅವಡ ವಡಿಯ ಮನೆಕ್‌ ಬಕ್ಕಣೆಕೆ ಯೋಸೇಫಂಡ ಬಟ್ಟೆನ ತಾಂಡ ಪಕ್ಕ ಬೆಚ್ಚಂಡತ್.

ಜ್ಞಾನತ್‌ರ ಪಡಿಮ 8:5

ಸಾದು ಜನಳೇ, ವಿವೇಕತ್‌ನ ಪಡ್‌ಚೊಳಿ. ಮೂಡಂಗಳೇ, ಅರ್ಥಮಾಡುವಕ್‌ ಪ್ಯತ್ತಮಾಡಿ.

ಜ್ಞಾನತ್‌ರ ಪಡಿಮ 9:6

ಮೂಡಂಗಡ ಬಟ್ಟೆನ ಬುಡಿ, ಅಕ್ಕ ನಿಂಗ ಬದುಕುವಿರ. ಬುದ್ದಿರ ಬಟ್ಟೆಲ್‌ ನಡರಿ.

ಮತ್ತಾಯ 21:29

ಅಕ್ಕ ಪೆರಿಯ ಮೋಂವೊ: ನಾನ್ ಪೋಪ್‌ಲೇಂದ್ ಎಣ್ಣ್‌ಚಿ. ಬಯ್ಯಂಜಿ ಅಂವೊಂಗ್ ಬೇಜಾರ್ ಆಯಿತ್, ಅಂವೊ ಪಣಿಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:8

ಯೇಸು ಅಯಿಂಗಕ್: ನಿಂಗಳ ದಾರೂ ವಂಚನೆ ಮಾಡತನೆಕೆ ಕಾಪಾಡಿಯೊಳಿ, ಎನ್ನಂಗೆಣ್ಣ್‌ಚೇಂಗಿ ದುಂಬ ಜನ ನಾಡ ಪೆದತ್‍ಲ್ ಬಂದಿತ್, ನಾನೇ ಕ್ರಿಸ್ತ, ಕಡೆ ಕಾಲ ಬಾತ್‍ೕಂದ್ ಎಣ್ಣುವ, ಅಯಿಂಗಡ ಬಯ್ಯ ಪೋಕತಿ.

ಯೋಹಾನ 8:34

ಅಯಿಂಗಕ್ ಯೇಸು: ಪಾಪ ಮಾಡ್‌ವಯಿಂಗ ಎಲ್ಲಾರು ಪಾಪಕ್ ಅಡಿಯಾಳಾಯಿತಿಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ರೋಮ್ 11:30

ನಿಂಗ ಪಂಡತ ಕಾಲತ್‍ಲ್ ದೇವಕ್ ಬಗ್ಗ್‌ಚಿಡತಯಿಂಗಳಾಯಿತ್ ಇಂಜಿರ, ಆಚೇಂಗಿ ಅಯಿಂಗ ಇಕ್ಕ ದೇವಕ್ ಬಗ್ಗ್‌ಚಿಡತಗುಂಡ್ ನಿಂಗಕ್ ಕನಿಕರ ಕ್‍ಟ್ಟ್‌ಚಿ.

ರೋಮ್ 6:12

ಆನಗುಂಡ್, ನಿಂಗಡ ತಡೀರ ಇಚ್ಛೆರನೆಕೆ, ಪಾಪಕ್ ಬಗ್ಗಿತ್ ನಡ್‍ಕತೆ, ಪಿಂಞ ನಾಶ ಆಯಿಪೋಪ ನಿಂಗಡ ತಡೀಲ್ ಪಾಪ ಆಳುವಕ್ ಬುಡತಿ.

ರೋಮ್ 6:17

ಮಿಂಞ ನಿಂಗ ಪಾಪತ್‍ರ ಅಡಿಯಾಳಾಯಿತ್ಂಜಿರ, ಇಕ್ಕ ನಿಂಗ, ನಿಂಗಕ್ ಒಪ್ಪ್‌ಚಿಟ್ಟ ಬೋದನೆನ ಪೂರ್ತಿ ಮನಸ್ಸ್‌ಲ್ ಸ್ವೀಕಾರ ಮಾಡ್‍ನಗುಂಡ್ ದೇವಕ್ ವಂದನೆ ಎಣ್ಣಿಯಂಡುಂಡ್.

ರೋಮ್ 6:22

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ದೇವಡ ಅಡಿಯಾಳಾಯಿತ್ ಉಳ್ಳಾಂಗ್, ಪವಿತ್ರವಾಯಿತ್‌ಪ್ಪದ್ ನಿಂಗಕ್ ಕ್‍ಟ್ಟ್‌ವ ಇನಾಮ್, ಅದ್ಂಡ ಪ್ರತಿಫಲ ನಿತ್ಯ ಜೀವ.

ರೋಮ್ 6:6

ನಂಗ ಇಂಞು ಮಿಂಞಕ್ ಪಾಪಕ್ ಆಳಾಯಿತ್ ಬದ್‍ಕತೆ, ಪಾಪತ್‍ರ ತಡಿ ಪಾಳಾಯಿ ಪೋಪಕ್, ನಂಗಡ ಪಳೆಯ ಮನುಷ್ಯನ ಅಂವೊಂಡ ಕೂಡೆ ಶಿಲುಬೇಲ್ ಇಟ್ಟಿತಾಚೀಂದ್ ನಂಗಕ್ ಗೊತ್ತುಂಡ್.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 6:3

ಒಬ್ಬ, ಅಂವೊ ಒಂದು ಇಲ್ಲತ ಇಂಜತೇಂಗಿಯು, ಅಂವೊನ ಬಲ್ಯ ಮನುಷ್ಯಾಂದ್ ಗೇನ ಮಾಡ್‍ಚೇಂಗಿ, ಅಂವೊನ ಅಂವೊನೇ ಮೋಸ ಮಾಡ್‌ವ. ನೀನ್ ಒಂದು ಅಚ್ಚಕ್ ಬಲ್ಯ ಮನುಷ್ಯನಲ್ಲ.

ಕೊಲೊಸ್ಸೆ 1:21

ಒರ್ ಕಾಲತ್‍ಲ್ ನಿಂಗ ದೇವಡಯಿಂಜ ಬೋರೆಯಾಯಿತ್ ಪೋಯಿತ್ ಇಂಜಿರ, ನಿಂಗಡ ಗೇನತ್‍ಲ್ ಕೆಟ್ಟದ್‍ನ ಮಾಡಿಯಂಡಿಂಜಗುಂಡ್ ಅಂವೊಂಗ್ ವಿರೋದಿಯಳಾಯಿತ್ ಇಂಜಿರ,

ಕೊಲೊಸ್ಸೆ 3:7

ಪಂಡ್ ನಿಂಗ ಇನ್ನನೆ ಬದ್‍ಕಿಯಂಡ್ ಇಪ್ಪಕ, ನಿಂಗಳು ಸಹ ಈ ಬಟ್ಟೇಲ್ ನಡ್‌ಂದಂಡಿಂಜಿರ.

2 ತಿಮೊಥೆಯ 3:13

ಆಚೇಂಗಿ, ದುಷ್ಟಂಗ ಪಿಂಞ ವಂಚಕಂಗ, ಮೋಸ ಮಾಡಿಯಂಡ್, ಅಯಿಂಗಳು ಮೋಸ ಪೋಯಂಡ್, ಇಕ್ಕ ಉಳ್ಳ ಸ್ತತಿಯಿಂಜ ಇಂಞು ಪಾಳಾಯಿ ಪೋಪ.

2 ತಿಮೊಥೆಯ 3:6

ಈ ಜನ, ಪಾಪತ್‍ಲ್ ದುಂಬಿತ್ ಬೋರೆ ಬೋರೆ ಇಚ್ಛೆಲ್ ಚಿಕ್ಕಿತ್, ಎಕ್ಕಾಲು ಓದಿಯಂಡ್ ಉಂಡೇಂಗಿಯು ಸತ್ಯತ್‍ನ ಅರ್ಥ ಮಾಡ್‍ವಕಯ್ಯತ ಗಟ್ಟಿಯಿಲ್ಲತ ಮನಸ್ಸ್ ಉಳ್ಳ ಪೊಣ್ಣಾಳ್‍ರ ಮನೆಕ್ ನುಗ್ಗಿತ್, ಅಯಿಂಗಳ ಅಯಿಂಗಡ ಪುಡ್‍ತತ್‍ಲ್ ಬೆಚ್ಚಿತ್‌ಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:12

ಆನಗುಂಡ್ ಈ ಕೃಪೆ ದೇವಡ ಮೇಲೆ ಬಕ್ತಿಲ್ ಬದ್‍ಕ್‍ವಕ್ ಪಿಂಞ ಈ ಲೋಕತ್‍ರ ಮೇಲೆ ಉಳ್ಳ ಆಸೇನ ಬುಟ್ಟಿತ್ ಬದ್‍ಕ್‍ವಕ್ ನಂಗಕ್ ಎಣ್ಣಿ ಕೊಡ್‍ಪ. ಪಾಪ ದುಂಬ್‍ನ ಈ ಲೋಕತ್‍ಲ್, ನಂಗ ಜ್ಞಾನ ಉಳ್ಳಯಿಂಗಳಾಯಿತ್, ನೀತಿ ಉಳ್ಳಯಿಂಗಳಾಯಿತ್ ದೇವಡ ಮೇಲೆ ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕ್‍ವಕ್ ಸಹಾಯ ಮಾಡ್‌ವ.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.

1 ಪೇತ್ರ 1:14

ನಿಂಗ ಯೇಸುನ ನಂಬ್‍ನಯಿಂಗಳಾಯಿತ್ ಉಳ್ಳಾಂಗ್, ಅಂವೊ ಎಣ್ಣುವಾನ ಮಾಡಿಯಂಡ್ ಇರಿ. ನಿಂಗಡ ಪಳೆಯ ಬದ್‍ಕ್‍ಲ್ ಗೊತ್ತ್‌ಲ್ಲತೆ ಮಾಡಿಯಂಡಿಂಜ ಇಚ್ಛೆರನೆಕೆ ಮಡ್‌ವಕ್ಕಾಗ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 13:14

ಮಿಂಞತ್‍ರ ಮೃಗತ್‍ರ ಎದ್‍ಕೆ ಗುರ್‌ತ್ ಕಾರ್ಯ ಕಾಂಬ್‍ಚಿಡುವಕ್ ತಾಂಗ್ ಕ್‍ಟ್ಟ್‌ನ ಅದಿಕಾರತ್‍ರಗುಂಡ್, ಬೂಲೋಕತ್‍ಲ್ ಉಳ್ಳ ಜನಳ ಮೋಸ ಮಾಡಿತ್, ಚತ್ತ್ ಪೋಪನೆಕೆ ಗಾಯ ಆಯಿತ್ ವಾಸಿಯಾನ ಮೃಗಕ್ ಒರ್ ವಿಗ್ರಹತ್‍ನ ಮಾಡಂಡೂಂದ್ ಬೂಮಿಲ್ ವಾಸಮಾಡಿಯಂಡುಳ್ಳಯಿಂಗಕ್ ಎಣ್ಣ್‌ಚಿ.

ಪ್ರಕಟನೆ 18:2

ಅಂವೊ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಂಡ್: ಮಹಾ ಬಾಬೇಲ್ ಬುದ್ದತ್! ಬುದ್ದತ್! ಅದ್ ಪಿಶಾಚಿ ವಾಸ ಮಾಡ್‌ವ ಜಾಗವು, ಎಲ್ಲಾ ತರತ್‍ರ ಕೂಳಿಯಡ ಮನೆಯ, ಅಶುದ್ದವು ಅಸಹ್ಯವು ಉಳ್ಳ ಎಲ್ಲಾ ತರ ಪಕ್ಷಿರ ಗೂಡು ಆಯಿತುಂಡ್.