ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:11 - ಕೊಡವ ಬೈಬಲ್

¹¹ ಅನ್ನನೆ ಮಾಡ್‌ವ ಜನ ಸತ್ಯತ್ಂಜ ಬಯ್ಯಕ್ ಪೋಯಿತ್, ಪಾಪತ್‍ಲ್ ಮುಳುಗಿತುಂಡ್. ಅಯಿಂಗಡ ಪಾಪವೇ ಅಯಿಂಗಳ ತೀರ್ಪ್ ಮಾಡ್‌ವಾಂದ್ ನೀಕ್ ಗೊತ್ತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:11 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:22

ಅದ್ಂಗ್ ರಾಜ: ನೀನ್ ಒಂದಂಗೂ ಪ್ರಯೋಜನ ಇಲ್ಲತ ಆಳ್, ನಾಡದಲ್ಲತ್‍ದ್‍ನ ನಾನ್ ಎಡ್‍ಪೀಂದು, ನಾನ್ ಬಿತ್ತತ್‍ದ್‍ನ ಕೊಯ್ಯುವೀಂದು ನೀಕ್ ಗೊತ್ತ್ಂಜತಲ್ಲ? ಪಿಂಞ ಎನ್ನಂಗ್ ನೀನ್ ನಾಡ ಪಣತ್‍ನ ಬಡ್ಡಿಕ್ ಕೊಡ್‍ತಿತ್‌ಲ್ಲೆ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:30

ಆಚೇಂಗಿ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ, ದೇವಕ್ ಬಗ್ಗಿತ್ ನಡ್‍ಪಕ್ ಒತ್ತತೆ, ಯೋಹಾನನಗುಂಡ್ ದೀಕ್ಷಾಸ್ನಾನ ಎಡ್‌ಪ ಆಲೋಚನೆನ ಅಲ್ಲಗೆಳೆದ್‌ಚಿ.

ಯೋಹಾನ 3:18

ದೇವಡ ಮೋಂವೊನ ನಂಬುವಯಿಂಗಕ್ ದೇವಡ ಶಿಕ್ಷೇರ ತೀರ್ಪ್ ಇಲ್ಲೆ; ಆಚೇಂಗಿ ಅಂವೊನ ನಂಬತಯಿಂಗಕ್ ದೇವಡ ತೀರ್ಪ್ ಅಕ್ಕಲೆ ಕ್‌ಟ್ಟಿಪೋಚಿ. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದೇವಡ ಒರೇ ಮೋಂವೊಂಡ ಪೆದತ್‍ನ ನಂಬಿತ್‌ಲ್ಲೆ.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 15:24

ನಂಗ ಅಪ್ಪಣೆ ಕೊಡ್‌ತಿತ್ ಅಯಿಕತ ಚೆನ್ನ ಜನ ನಂಗಡ ಕಡೇಯಿಂಜ ನಿಂಗಡ ಪಕ್ಕ ಬಂದಿತ್, ನಿಂಗಡ ಮನಸ್ಸ್‌ನ ಗಲಿಬಿಲಿ ಮಾಡ್‌ಚೀಂದ್ ನಂಗಕ್ ಗೊತ್ತಾಚಿ.

ಅಪೊಸ್ತಲ 23:25

ಇದ್‍ಲ್ಲತೆ ಒರ್ ಕಾಗದತ್‍ನ ಸಹ ಒಳ್‍ದ್‍ಚಿ.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

2 ತಿಮೊಥೆಯ 2:14

ಈ ವಿಷಯತ್‍ನ ಎಕ್ಕಾಲು ಅಯಿಂಗಕ್ ನೀನ್ ಞಾಪಕ ಮಾಡಿಯಂಡಿರ್. ಒಂದಾಂಗು ಪ್ರಯೋಜನವಿಲ್ಲತ ಪಿಂಞ ಕ್‍ೕಪಯಿಂಗಳ ಪಾಳ್ ಮಾಡ್‌ವಂತ ಅರ್ಥ ಇಲ್ಲತ ತಕ್ಕ್‌ಲ್ ಮಾಡ್‌ವ ತರ್ಕತ್‍ನ ಮಾಡತನೆಕೆ, ದೇವಡ ಮಿಂಞತ್ ಅಯಿಂಗಕ್ ಎಚ್ಚರ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:14

ಅಯಿಂಗ ಯೆಹೂದ್ಯಂಗಡ ಕಟ್ಟ್‌ಕಥೆಕು, ಸತ್ಯತ್‍ರ ಬೋದನೆನ ತಿರಸ್ಕಾರ ಮಾಡ್‌ವ ಜನತ್‍ರ ಬೋದನೆಕ್ ಕೆಮಿ ಕೊಡ್‍ಕಂಡಾಂದು ಎಚ್ಚರ ಮಾಡ್.

ಇಬ್ರಿಯ 10:26

ಸತ್ಯ ಎಂತ್‍ೕಂದ್ ಗೊತ್ತಾನ ಪಿಂಞ, ನಂಗ ಮನಪೂರ್ವವಾಯಿತ್ ಪಾಪ ಮಾಡ್‍ಚೇಂಗಿ, ಪಾಪತ್‍ರ ವಿಮೋಚನಕಾಯಿತ್ ಕೊಡ್‍ಪಕ್, ಬೋರೆ ಏದ್ ಬಲಿಯು ಇಲ್ಲೆ.