ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:2 - ಕೊಡವ ಬೈಬಲ್

² ವಯಸ್ಸಾನ ಆಣಾಳ್‍ವ ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಮರ್ಯಾದಸ್ತಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇಪ್ಪಕ್ ಎಣ್ಣಂಡು. ಇಂಞು, ದೇವಡ ಮೇಲೆ ಉಳ್ಳ ನಂಬಿಕೆ, ಪ್ರೀತಿ ಪಿಂಞ ತಾಳ್ಮೆಲ್ ಆರೋಗ್ಯ ಉಳ್ಳಯಿಂಗಳಾಯಿತ್ ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:2 Iomraidhean Croise

ಜ್ಞಾನತ್‌ರ ಪಡಿಮ 16:31

ನೀತಿರ ಬಟ್ಟೆಲ್‌ ಬಪ್ಪ ನೆರೆ ತೆಲ್‌ಮಿ ಕೀರ್ತಿರ ಕಿರೀಟ.

ಮಾರ್ಕ 5:15

ಜನ ಎಲ್ಲಾ ಯೇಸುರ ಪಕ್ಕ ಬಾತ್, ಕೂಳಿ ಪುಡ್‌ಚಂವೊ ಚಾಯಿತೆ ಬಟ್ಟೆ ಇಟ್ಟಿತ್ ನಲ್ಲ ಮನಸ್ಸ್‌ಲ್ ಅಳ್‌ತಿತ್ಂಜನ ನೋಟಿತ್ ಜನಕೆಲ್ಲಾ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:35

ಅಕ್ಕ ಜನ ಎಲ್ಲಾ ಎಂತ ಆಚೀಂದ್ ನೋಟ್‍ವಕ್ ಯೇಸುರ ಪಕ್ಕ ಬಾತ್, ಅಕ್ಕ ಆ ಕೂಳಿ ಪುಡ್‌ಚ ಮನುಷ್ಯಂಡ ಬುದ್ದಿ ಚಾಯಾಯಿತ್, ಮೇಲ್‌ಕ್ ಬಟ್ಟೆ ಇಟ್ಟಿತ್ ಯೇಸುರ ಕಾಲ್‍ರ ಅಡಿಕ್ ಅಳ್‌ತಿತ್ ಇಂಜಾನ ಕಂಡ್, ಪೋಡಿ ಆಚಿ.

ಅಪೊಸ್ತಲ 24:25

ಪೌಲ, ಅಯಿಂಗಕ್ ದೇವಡ ನೀತಿನ, ತನ್ನಡಕತ್‍ನ ಪಿಂಞ ಇಂಞು ಮಿಂಞಕ್ ದೇವ ಮಾಡ್‌ವಕುಳ್ಳ ನ್ಯಾಯತೀರ್ಪ್‌ನ ಎಣ್ಣ್‌ವಕ, ಫೇಲಿಕ್ಸಂಗ್ ದುಂಬ ಪೋಡಿಯಾಚಿ. ಅಕ್ಕ ಅಂವೊ ಪೌಲಂಗ್, ಇಕ್ಕ ಇಚ್ಚಕ್ ಮದಿ, ನೀನ್ ಪೋ, ನಾಕ್ ಸಮಯ ಕ್‍ಟ್ಟ್‌ವಕ ನಿನ್ನ ಕಾಕ್‌ಚಿಡುವೀಂದ್ ಎಣ್ಣ್‌ಚಿ.

ರೋಮ್ 12:3

ನಿಂಗಡಲ್ಲಿ ಒಬ್ಬೊಬ್ಬನು, ತಾಂಡ ಸ್ತಾನಕಿಂಜ ಬಲ್ಯದಾಯಿತ್ ಗೇನ ಮಾಡತಿ, ಅಂವೊಂಗ್ ಎಚ್ಚಕ್ ನಂಬಿಕೇನ ದೇವ ಪಾಲ್ ಮಾಡಿತ್ ತಂದಿತೋ, ಅದ್ಂಗ್ ತಕ್ಕಂತೆ ಗೇನ ಮಾಡಿಯಂಡ್ ಚಾಯಿ ಮನಸ್ಸ್‌ಲ್ ಇರೀಂದ್ ದೇವ ನಾಕ್ ತಂದಿತುಳ್ಳ ಕೃಪೇರಗುಂಡ್ ನಿಂಗ ಒಬ್ಬೊಬ್ಬಂಗು ಎಣ್ಣ್‌ವಿ.

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

1 ಕೊರಿಂಥ 9:25

ಪೈಪೋಟೀಲ್ ಕಳಿಪಯಿಂಗ, ಎಲ್ಲಾ ರೀತಿಲ್ ತಡೀನ ಚಾಯಿತೆ ಬೆಪ್ಪಕ್ ಅಬ್ಯಾಸ ಮಾಡ್‌ವ; ಅಯಿಂಗ ಪಾಳಾಯಿ ಪೋಪ ಕಿರೀಟ ಕ್‍ಟ್ಟ್‌ವಕಾಯಿತ್ ಅನ್ನನೆ ಮಾಡ್‌ವ, ಆಚೇಂಗಿ ನಂಗ ಕಾಲಕಾಲಕು ಪಾಳಾಕತ ಕಿರೀಟ ಕ್‍ಟ್ಟ್‌ವಕಾಯಿತ್ ಇನ್ನನೆ ಮಾಡಿಯಂಡುಂಡ್.

2 ಕೊರಿಂಥ 5:13

ನಂಗ ಪುಚ್ಚ್ ಪುಡ್‍ಚಯಿಂಗಡನೆಕೆ ಇಂಜತೇಂಗಿ ಅದ್ ದೇವಕಾಯಿತೇ; ಅಥವ, ಚಾಯಿ ಬುದ್ದಿಯುಳ್ಳಯಿಂಗಳಾಯಿತ್ ಇಂಜತೇಂಗಿ, ಅದ್ ನಿಂಗಕಾಯಿತ್‍ೕಂದ್ ಎಡ್‌ತೊಳಿ.

ಗಲಾತ್ಯ 5:23

ತಾಳ್ಮೆ ಪಿಂಞ ತನ್ನಡಕವೇ. ಇದ್ಂಗ್ ವಿರೋದವಾಯಿತ್ ಏದ್ ಪ್ರಮಾಣವು ಇಲ್ಲೆ.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

1 ಥೆಸಲೊನೀಕ 5:6

ಆನಗುಂಡ್, ವರಿಯಂಡಿಪ್ಪಯಿಂಗ ಎನ್ನನೆ ಉಂಡೋ ಅನ್ನನೆ ಯೇಸುನ ನಂಬತಯಿಂಗ ಉಳ್ಳಗುಂಡ್, ನಿಂಗ ಅನ್ನನೆ ಇಪ್ಪಕ್ಕಾಗ. ಅದ್ಂಡ ಬದ್‍ಲ್, ಎಂತ ಆಯಂಡುಂಡ್‍ೕಂದ್ ನೋಟಿಯಂಡ್ ಎಚ್ಚರತ್‍ಲ್ ಇರಂಡು.

1 ಥೆಸಲೊನೀಕ 5:8

ಆಚೇಂಗಿ, ನಂಗ ಪೋಲ್‍ಕ್ ಕೂಡ್‍ನಯಿಂಗ. ಆನಗುಂಡ್ ಎಚ್ಚರತ್‍ಲ್ ಬದ್‌ಕಿತ್, ಎದೆತಟ್ಟೆರನೆಕೆ ಉಳ್ಳ ನಂಬಿಕೆ ಪಿಂಞ ಪ್ರೀತಿನ ಎದೇಲ್ ಇಟ್ಟಂಡ್, ಇರ್‍ಂಬ್ ತೊಪ್ಪಿರನೆಕೆ ಉಳ್ಳ ರಕ್ಷಣೆರ ನಿರಿಕ್ಷೇನ ಮಂಡೆಕ್ ಇಟ್ಟಂಡ್ ಇರಂಡು.

1 ತಿಮೊಥೆಯ 1:10

ವೇಶಿಯಂಗಕು, ಆಣಾಳ್‍ಗಾಮಿಕಂಗಕು, ಅಥವ ಮನುಷ್ಯಂಗಳ ಕಟ್ಟಂಡ್ ಪೋಪಯಿಂಗಕು, ಪೊಟ್ಟ್ ಪರಿಯುವಯಿಂಗಕು, ಪೊಟ್ಟ್ ಸಾಕ್ಷಿ ಕೊಡ್‍ಪಯಿಂಗಕು, ಪಿಂಞ

1 ತಿಮೊಥೆಯ 1:14

ನಂಗಡ ಒಡೆಯಂಡ ಕೃಪೆ, ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ನಂಬಿಕೆ ಪಿಂಞ ಪ್ರೀತಿನ ನಾಡ ಮೇಲೆ ಪೂರ್ತಿಯಾಯಿತ್ ದುಂಬ್‍ಚಿಟ್ಟತ್.

1 ತಿಮೊಥೆಯ 1:2

ದೇವಡ ನಂಬಿಕೇಲ್ ನಾಡ ನೇರಾನ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡಯಿಂಜಲು, ನಂಗಡ ಒಡೆಯನಾನ ಯೇಸು ಕ್ರಿಸ್ತಡಿಂಜಲು ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

1 ತಿಮೊಥೆಯ 3:11

ಅನ್ನನೆ ಅಯಿಂಗಡ ಪೊಣ್ಣಾಳ್‍ವಳೂ ಮರ್ಯಾದಸ್ತಂಗಳಾಯಿತ್, ಕುತ್ತ ಪರಿಯತಯಿಂಗಳಾಯಿತ್, ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಅಯಿಂಗ ಮಾಡ್‌ವ ಎಲ್ಲಾ ಕಾರ್ಯತ್‍ಲ್ ನಂಬಿಕಸ್ತಯಿಂಗಳಾಯಿತ್ ಇರಂಡು.

1 ತಿಮೊಥೆಯ 3:2

ಸಬೆರ ಪೆರಿಯಯಿಂಗ, ಒರ್ ತಪ್ಪ್ ಇಲ್ಲತಯಿಂಗಳಾಯಿತಿರಂಡು. ಒರೇ ಒರ್ ಪೊಣ್ಣ್‌ಕ್ ವಡಿಯನಾಯಿತಿರಂಡು. ಅಂವೊಂಡ ಆಸೇನ ಅಡಕತ್‍ಲ್ ಬೆಪ್ಪಂವೊನಾಯಿತ್, ತನ್ನಡಕ್ಕ ಉಳ್ಳಂವೊನಾಯಿತ್, ಅಂವೊಂಗ್ ಮರ್ಯಾದೆ ಕ್‍ಟ್ಟ್‌ವನೆಕೆ ನಡ್‍ಪಂವೊನಾಯಿತ್, ಸತ್ಕಾರ ಮಾಡ್‌ವಂವೊನಾಯಿತ್, ನಲ್ಲ ಬೋದಕನಾಯಿತ್ ಇರಂಡು.

1 ತಿಮೊಥೆಯ 3:4

ಅಂವೊ ಅಂವೊಂಡ ಸಂಸಾರತ್‌ನ ಚಾಯಿತೆ ನೋಟಿಯಂಡ್, ಅಂವೊಂಡ ಮಕ್ಕ ಅಂವೊಂಗ್ ಮರ್ಯಾದೆ ಕೊಡ್‍ಪಯಿಂಗಳಾಯಿತ್, ಅಂವೊಂಡ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್ ಇಪ್ಪನೆಕೆ ಅಯಿಂಗಳ ನಡ್‍ತಂಡು.

1 ತಿಮೊಥೆಯ 3:8

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ.

1 ತಿಮೊಥೆಯ 5:1

ವಯಸಾನಯಿಂಗಳ ಎಕ್ಕಾಲು ಜೋರ್ ಮಾಡತೆ, ನೀಡ ಅಪ್ಪಂಗ್ ಎನ್ನನೆ ಮರ್ಯಾದೆಲ್ ಬುದ್ದಿ ಎಣ್ಣ್‌ವಿಯೊ ಅನ್ನನೆ ಅಯಿಂಗಕ್ ಬುದ್ದಿ ಎಣ್ಣ್. ಯೌವನಸ್ತನ ನೀಡ ಸ್ವಂತ ಅಣ್ಣತಮ್ಮಣಂಗಡನೆಕೆ ನೋಟ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:13

ಇನ್ನನೆ ಅಂವೊ ಎಣ್ಣ್‌ನದ್ ಸತ್ಯವಾಯಿತುಂಡ್. ಆನಗುಂಡ್ ಅಯಿಂಗಳ ಜೋರ್ ಮಾಡಿತ್, ಅಯಿಂಗಡ ನಂಬಿಕೇನ ಸ್ತಿರಪಡ್‍ತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:8

ಆಂಡ ಬದ್‍ಲ್ ಅಂವೊ ಜನಳ ಸತ್ಕಾರ ಮಾಡ್‍ವಂವೊನಾಯಿತು, ನಲ್ಲದ್‍ನ ಪ್ರೀತಿಚಿಡ್‌ವಂವೊನಾಯಿತು, ತನ್ನಡಕ್ಕ ಉಳ್ಳಂವೊನಾಯಿತು, ನೀತಿವಂತಂವೊನಾಯಿತು ಪವಿತ್ರ ಉಳ್ಳಂವೊನಾಯಿತು, ಶಿಸ್ತ್ ಉಳ್ಳಂವೊನಾಯಿತು ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:7

ನೀನ್ ನಲ್ಲದ್ ಮಾಡಿತ್, ಎಲ್ಲಾ ವಿಷಯತ್‍ಲ್ ಉದಾರಣೆಯಾಯಿತ್ ಅಯಿಂಗಕ್ ಇರಂಡು. ನೀನ್ ಬೋದನೆ ಮಾಡ್‌ವಕ ನೇರಾನ ಸತ್ಯವಾನ ಬೋದನೆನ ನೇರಾನಂವೊನಾಯಿತ್, ಗೌರವತ್‍ಲ್ ಮಾಡ್‌ವಂವೊನಾಯಿತ್ ಇರಂಡು.

1 ಪೇತ್ರ 1:13

ಅದ್ಂಗಾಯಿತ್, ನಿಂಗಡ ಮನಸ್ಸ್‌ನ ಗಟ್ಟಿಯಾಯಿತ್ ನಿಂಗಡ ಪುಡ್‍ತತ್‍ಲ್ ಬೆಚ್ಚೊಳಿ. ನಿಂಗ ಎಲ್ಲಾರು ತನ್ನಡಕತ್‍ಲ್ ನಿಂಗಡ ಮನಸ್ಸ್‌ನ ಎಚ್ಚರತ್‍ಲ್ ಬೆಚ್ಚಂಡ್, ಯೇಸು ಕ್ರಿಸ್ತ ಪುನಃ ಬಪ್ಪಕ, ನಿಂಗಕ್ ಕ್‍ಟ್ಟ್‌ವ ಕೃಪೇರ ಮೇಲೆ ಪೂರ್ತಿ ನಿರೀಕ್ಷೆ ಉಳ್ಳಯಿಂಗಳಾಯಿತಿರಿ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

2 ಪೇತ್ರ 1:6

ಜ್ಞಾನತ್‍ರ ಕೂಡೆ ತನ್ನಡಕತ್‍ನ, ತನ್ನಡಕತ್‍ರ ಕೂಡೆ ಪೊರುಮೆನ, ಪೊರುಮೆರ ಕೂಡೆ ದೇವ ಬಕ್ತಿನ,