ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:9 - ಕೊಡವ ಬೈಬಲ್

⁹ ಅಂವೊ, ನೇರಾನ ಸತ್ಯ ಉಪದೇಶತ್‍ನ ಚಾಯಿತೆ ಬೋದನೆ ಮಾಡಿತ್, ಜನಕ್ ಪುರ್‌ಡ್ ಕೊಡ್‌ತಿತ್, ದೇವಡ ವಾಕ್ಯಕ್ ವಿರೋದವಾಯಿತ್ ಬೋದನೆ ಮಾಡ್‌ವಯಿಂಗಕ್ ತಕ್ಕ ಉತ್ತರ ಕೊಡ್‍ಪಕ್ ಅಂವೊ ಪಡಿಚಿತುಳ್ಳ ಸತ್ಯವಂತ ಬೋದನೆಲ್ ಸ್ತಿರವುಳ್ಳಂವೊನಾಯಿತು ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:9 Iomraidhean Croise

ಜ್ಞಾನತ್‌ರ ಪಡಿಮ 23:23

ಸತ್ಯತ್‌ನ ಕ್ರಯಕ್‌ ಎಡ್‌ತ, ಅದ್‌ನ ಮಾರತೆ. ಅನ್ನನೆ ಜ್ಞಾನತ್‌ನ, ಬೋದನೆನ ಪಿಂಞ ಬುದ್ದಿನ ಕ್ರಯಕ್‌ ಎಡ್‌ತ.

ಅಪೊಸ್ತಲ 18:28

ಯೇಸುವೇ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್, ಅಲ್ಲಿಯತ್‍ರ ಯೆಹೂದ್ಯಂಗಕ್, ಎಲ್ಲಾಡ ಮಿಂಞತ್ ಅಯಿಂಗಕ್ ಏದು ಎಣ್ಣ್‌ವಕ್ ಕಯ್ಯತನೆಕೆ ಬಲ್ಯ ಆವೇಶತ್‍ಲ್ ದೇವಡ ವಾಕ್ಯತ್ಂಜ ಕಾಟಿಕೊಡ್‍ತತ್.

1 ಕೊರಿಂಥ 14:24

ಎಲ್ಲಾರು ಪ್ರವಾದನೆ ಎಣ್ಣಿಯಂಡ್ ಇಪ್ಪಕಾಪಕ, ದೇವಡ ಮೇಲೆ ನಂಬಿಕೆ ಬೆಕ್ಕತಯಿಂಗ ಪಿಂಞ ಪೊರಮೆ ಉಳ್ಳಯಿಂಗ ಬಂದಕ, ಅಲ್ಲಿ ದೇವಡ ವಾಕ್ಯತ್‍ನ ಕ್‍ೕಟಿತ್, ತಾನ್ ಒರ್ ಪಾಪೀಂದು, ಅಂವೊ ಕ್‍ೕಟ ಸತ್ಯತ್‍ರಗುಂಡ್ ಅಂವೊಂಗ್ ನ್ಯಾಯತೀರ್ಪ್ ಕ್‍ಟ್ಟ್‌ಚೀಂದ್ ಅರ್ಥ ಆಪ.

1 ಥೆಸಲೊನೀಕ 5:21

ಆಚೇಂಗಿ, ಎಲ್ಲಾನ ಪರೀಕ್ಷೆ ಮಾಡಿತ್ ದೇವಡಿಂಜ ಬಪ್ಪದ್ ಎಂ‍ತಾಂದ್ ನೋಟಿತ್ ನಲ್ಲದ್‍ನ ಎಡ್‌ತೊಳಿ.

2 ಥೆಸಲೊನೀಕ 2:15

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗ ಸ್ತಿರವಾಯಿತ್ ನಿಂದಂಡ್, ನಂಗ ನಿಂಗಡ ಕೂಡೆ ಇಪ್ಪಕ ಮಾಡ್‍ನ ಬೋದನೆನ ಮಾತ್ರ ಅಲ್ಲ ನಂಗ ನಿಂಗಕ್ ಒಳ್‍ದ್‍ನ ಕಾಗದತ್‍ರ ಮೂಲಕ ಕ್‍ಟ್ಟ್‌ನ ಬೋದನೆನ ಸಹ ಗಟ್ಟಿಯಾಯಿತ್ ಪುಡ್‍ಚೊಳಿ.

1 ತಿಮೊಥೆಯ 1:10

ವೇಶಿಯಂಗಕು, ಆಣಾಳ್‍ಗಾಮಿಕಂಗಕು, ಅಥವ ಮನುಷ್ಯಂಗಳ ಕಟ್ಟಂಡ್ ಪೋಪಯಿಂಗಕು, ಪೊಟ್ಟ್ ಪರಿಯುವಯಿಂಗಕು, ಪೊಟ್ಟ್ ಸಾಕ್ಷಿ ಕೊಡ್‍ಪಯಿಂಗಕು, ಪಿಂಞ

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

1 ತಿಮೊಥೆಯ 4:9

ಈ ತಕ್ಕ್ ಸತ್ಯ, ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವಾಯಿತುಂಡ್.

1 ತಿಮೊಥೆಯ 6:3

ದಾರಾಚೇಂಗಿ ಕಳ್ಳ ಬೋದನೆ ಮಾಡಿಯಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಆರೋಗ್ಯವಾನ ಬೋದನೆನ ಪಿಂಞ ದೇವ ಬಕ್ತಿರ ಬೋದನೆನ ಒತ್ತತೆ ಪೋಚೇಂಗಿ,

2 ತಿಮೊಥೆಯ 1:13

ನೀನ್ ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೆಯಿಂಜ, ಪ್ರೀತಿಯಿಂಜ, ನಾಡ ಪಕ್ಕ ಕ್‍ೕಟಿತ್ತುಳ್ಳ ಆರೋಗ್ಯವಾನ ಬೋದನೆನ ಒರ್ ಉದಾರಣೆಯಾಯಿತ್ ಬೆಚ್ಚಂಡ್, ಅನ್ನನೆ ಮಾಡ್.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

2 ತಿಮೊಥೆಯ 2:25

ನೀಡ ಬೋದನೆಕ್ ಎದ್‍ರ್ ನಿಪ್ಪಯಿಂಗಕ್ ಸಮಾದಾನತ್‍ಲ್ ಅಯಿಂಗಡ ತಪ್ಪ್‌ನ ಎಣ್ಣಿ ಕೊಡ್‍ಪಂವೊನಾಯಿತಿರಂಡು. ಎನ್ನಂಗೆಣ್ಣ್‌ಚೇಂಗಿ ಒರ್ ಸಮಯ ಅಯಿಂಗ ಪಶ್ಚಾತಾಪ ಪಟ್ಟಿತ್, ಸತ್ಯತ್‍ನ ಅರಿಂಜಂಡ್ ಪುನಃ ದೇವಡ ಪಕ್ಕ ಬಪ್ಪಕ್ ದೇವ ಒರ್ ಸನ್ನಿವೇಶ ಕೊಡ್‍ಪ.

2 ತಿಮೊಥೆಯ 3:14

ಆಚೇಂಗಿ, ಇದೆಲ್ಲ ನೀಕ್ ಪಡಿಪ್‍ಚಿಟ್ಟದ್ ದಾರ್‍ೕಂದ್ ಗೊತ್ತಾನಗುಂಡ್, ನೀನ್ ಪಡಿಚಿತ್, ದೃಡವಾಯಿತ್ ನಂಬ್‍ನ ಬೋದನೆಲ್ ನೆಲೆಗೊಂಡಿರ್.

2 ತಿಮೊಥೆಯ 4:3

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಆರೋಗ್ಯವಾನ ಬೋದನೆನ ಕ್‍ೕಪಕ್ ಮನಸ್ಸಿಲ್ಲತೆ, ಅಯಿಂಗಡ ಸ್ವಾರ್ಥ ಆಸೆಕ್ ತಕ್ಕಂತ, ಅಯಿಂಗಡ ಕೆಮಿಕ್ ಎಂತ ಕುಶಿಯುಂಡೋ ಅದ್‍ನ ತಕ್ಕ್ ಪರಿಯುವಂತ ಬೋದನೆಕಾರಂಗಳ ದುಂಬ ಕೂಟಿಯಂಡ್ ಬಪ್ಪ ಕಾಲ ಬಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:11

ಅಯಿಂಗ ಬೋದನೆ ಮಾಡತನೆಕೆ ಅಯಿಂಗಳ ನಿಪ್ಪ್‌ಚಿಡಂಡು. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದುಡ್ಡ್ ಮಾಡ್‌ವಕಾಯಿತ್, ಸತ್ಯ ಅಲ್ಲತ ಬೋದನೆನ ಸರಿಯಾನ ಬೋದನೇಂದ್ ಎಣ್ಣಿತ್, ದುಂಬ ಕುಟಂಬತ್‍ನ ಪಾಳ್‍ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:1

ನೀನ್ ಆರೋಗ್ಯವಾನ ಬೋದನೆನ ಕಂಡಿತವಾಯಿತ್ ಅನ್ನನೆ ಬೋದನೆ ಮಾಡ್.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.

ಪ್ರಕಟನೆ 2:25

ನಿಂಗ ಎಂತ ನಲ್ಲದ್‍ನ ಮಾಡಿಯಂಡ್ ಉಂಡೋ ಅದ್‍ನ ನಾನ್ ಬಪ್ಪಕತ್ತನೆ ಗಟ್ಟಿಯಾಯಿತ್ ಪುಡ್‍ಚೊಳಿ.

ಪ್ರಕಟನೆ 3:11

ಇದಾ, ನಾನ್ ಬೆರಿಯ ಬಂದಂಡುಂಡ್; ದಾರೂ ನೀಡ ಕಿರೀಟತ್‍ನ ಎಡ್‌ಕತನೆಕೆ ನೀಕ್ ಉಳ್ಳದ್‍ನ ಗಟ್ಟಿಯಾಯಿತ್ ಪುಡ್‌ಚ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.