ರೋಮ್ 1:1 - ಕೊಡವ ಬೈಬಲ್

¹ ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

ರೋಮ್ 1:1 Iomraidhean Croise

ಮಾರ್ಕ 1:14

ಯೋಹಾನನ ಜೈಲ್‌ಕ್ ಇಟ್ಟ ಪಿಂಞ ಯೇಸು ಗಲಿಲಾಯಕ್ ಪೋಯಿತ್, ಅಲ್ಲಿ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಯೋಹಾನ 15:15

ಇಂಞು ಮಿಂಞಕ್ ನಾನ್ ನಿಂಗಳ ನಾಡ ಪಣಿಕಾರಂಗಾಂದ್ ಕಾಕುಲೆ. ಎಜಮಾನ ಮಾಡ್‍ವದ್ ಪಣಿಕಾರಂಗಕ್ ಗೊತ್ತಿಪ್ಪುಲೆ. ನಿಂಗಳ ನಾಡ ಸ್ನೇಹಿತಂಗಾಂದ್ ನಾನ್ ಎಣ್ಣಿಯೆ. ಎನ್ನಂಗೆಣ್ಣ್‌ಚೇಂಗಿ, ನಾಡ ಅಪ್ಪಂಡಿಂಜ ನಾನ್ ಕ್‍ೕಟಾನೆಲ್ಲಾ ನಿಂಗಕ್ ನಾನ್ ಎಣ್ಣಿಯೆ.

ಯೋಹಾನ 15:20

ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್‌ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್‌ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್‌ರ ಪ್ರಕಾರ ಸಹ ನಡ್‍ಪ.

ಅಪೊಸ್ತಲ 13:9

ಅಕ್ಕ ಪೌಲ ಎಣ್ಣುವ ಸೌಲ ಪವಿತ್ರಾತ್ಮಂಡ ಶಕ್ತಿಲ್ ದುಂಬಿತ್ ಅಂವೊಂಡ ಮೂಡ್‍ಕ್ ನೋಟಿತ್,

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 21:40

ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 22:21

ಅದ್ಂಗ್ ಅಂವೊ: ನೀನ್ ಪೋ, ನಾನ್ ನಿನ್ನ ದೂರ, ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 22:7

ನಾನ್ ನೆಲಕ್ ಬುದ್ದ್ ಪೋನ, ಅಕ್ಕ ಸೌಲ ಸೌಲ, ನೀನ್ ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯಾಂದ್ ಒರ್ ವಾಣಿ ಕ್‍ೕಟತ್.

ಅಪೊಸ್ತಲ 26:1

ಅಕ್ಕ ಅಗ್ರಿಪ್ಪ ಪೌಲಂಗ್: ನೀನ್ ನೀಕಾಯಿತ್ ತಕ್ಕ್ ಪರೀಂದ್ ಎಣ್ಣ್‌ಚಿ. ಅಕ್ಕ ಪೌಲ: ಕೈ ನ್‍ೕಟಿತ್ ಅಂವೊಂಗಾಯಿತ್ ವಾದ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 26:14

ನಂಗೆಲ್ಲಾರು ನೆಲಕ್ ಬೂವಕ: ಸೌಲ, ಸೌಲ, ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯ? ಮುಳ್ಳ್ ಕೋಲ್‍ಕ್ ಎದ್‍ರಾಯಿತ್ ಚೌಟ್‌ವದ್ ನೀಕೇ ಕಷ್ಟಾಂದ್ ಅರಾಮಿಯ ಬಾಷೆಲ್ ನಾಡ ಕೂಡೆ ತಕ್ಕ್ ಪರಿವ ಒರ್‌ ವಾಣಿ ನಾಕ್ ಕ್‍ೕಟತ್.

ಅಪೊಸ್ತಲ 27:23

ನಾಡ ಬದ್‍ಕ್‍ರ ಒಡೆಯನು, ನಾನ್ ಸೇವೆ ಮಾಡ್‍ವಂವೊನಾಯಿತುಳ್ಳ ದೇವದೂತ ನಿನ್ನಾಂದ್ ಬಯಿಟ್ ನಾಡ ಪಕ್ಕ ಬಂದಿತ್:

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

ರೋಮ್ 1:9

ನಾನ್ ಎಕ್ಕಾಲು ನಿಂಗಕಾಯಿತ್, ಎಚ್ಚಕ್ ಪ್ರಾರ್ಥನೆ ಮಾಡಿಯಂಡುಳ್ಳ್‌ೕಂದ್ ದೇವ ನಾಕ್ ಸಾಕ್ಷಿಯಾಯಿತ್ ಉಂಡ್. ನಾನ್ ಎಣ್ಣುವದ್ ಸತ್ಯಾಂದ್, ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ಮೂಲಕ, ನಾನ್ ತ್‍ೕರ ಮನಸ್ಸ್‌ಲ್ ಸೇವೆ ಮಾಡ್‌ವ ದೇವಡ ಪೆದತ್‍ಲ್ ಎಣ್ಣ್‌ವಿ.

ರೋಮ್ 11:13

ಯೆಹೂದ್ಯಂಗಲ್ಲತ ನಿಂಗಡ ಕೂಡೆ ಇಕ್ಕ ನಾನ್ ತಕ್ಕ್ ಪರಿವಿ; ಯೆಹೂದ್ಯಂಗಲ್ಲತ ನಿಂಗಕಾಯಿತ್ ನಾನ್ ಅಪೊಸ್ತಲನಾಯಿತ್ ಉಳ್ಳಾಂಗ್, ನಾಡ ಸೇವೇನೆ ಬಲ್ಯದಾಯಿತ್ ಎಣ್ಣ್‌ವಿ.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

1 ಕೊರಿಂಥ 1:1

ಕ್ರಿಸ್ತ ಯೇಸುರ ಅಪೊಸ್ತಲನಾಯಿತ್, ದೇವ ಅಂವೊಂಡ ಚಿತ್ತತ್‍ರನೆಕೆ ಕಾಕ್‍ನ ಪೌಲನಾನ ನಾನ್ ಪಿಂಞ ತಮ್ಮಣನಾನ ಸೊಸ್ಥೆನನೂ ಕೂಡಿತ್,

1 ಕೊರಿಂಥ 9:1

ನಾನ್ ದಾರ್‌ಕ್ ಅಡಿಯಾಳಾಯಿತ್ಂಜ? ನಾನ್ ಅಪೊಸ್ತಲನಲ್ಲಾ? ನಾನ್ ನಂಗಡ ಒಡೆಯನಾನ ಯೇಸುನ ಕಂಡಿತಿಲ್ಲೆಯಾ? ನಾನ್ ಮಾಡ್‍ನ ಒಡೆಯಂಡ ಸೇವೇರ ಫಲವಾಯಿತ್ ನಿಂಗ ಉಳ್ಳಿರಲ್ಲ?

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

2 ಕೊರಿಂಥ 11:5

ನಾನ್ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಏದ್ ವಿಷಯತ್‍ಲು ಕಮ್ಮಿ ಇಲ್ಲೇಂದ್ ಗೇನ ಮಾಡ್‌ವಿ.

2 ಕೊರಿಂಥ 11:7

ನಿಂಗ ಬಲ್ಯದಾಂಡೂಂದ್ ನನ್ನ ತಗ್ಗ್‌ಚಿಟ್ಟಂಡ್ ದೇವಡ ನಲ್ಲ ಸುದ್ದಿನ ಇನಾಮಾಯಿತ್ ನಿಂಗಕ್ ಬೋದನೆ ಮಾಡ್‍ನದ್ ಕುತ್ತವಾ?

2 ಕೊರಿಂಥ 12:11

ಒರ್ ಬುದ್ದಿ ಇಲ್ಲತಂವೊನನೆಕೆ ಹೊಗಳ್‌ಚಿಡುವಕ್ ಬಲ ಇಲ್ಲತಂವೊನಾಯಿತ್ ನಾನ್ ಆಯೆ, ನಾನ್ ಅನ್ನನೆ ಆಪಕ್ ನಿಂಗಳೇ ಮಾಡಿರ. ನಿಂಗಡಗುಂಡೇ ನಾಕ್ ಹೊಗಳ್‍ಚಿಡುವನೆಕೆ ಆಪಕಿಂಜತ್. ನಾನ್ ಒಂದು ಇಲ್ಲೇಂದ್ ಗೇನಮಾಡ್‍ಚೇಂಗಿಯು, ದುಂಬ ಮುಕ್ಯಪಟ್ಟ ಅಪೊಸ್ತಲಂಗಕಿಂಜ ಒರ್ ವಿಷಯತ್‍ಲ್ ಕೂಡೆ ಅಯಿಂಗಕಿಂಜ ನಾನ್ ಕಮ್ಮಿ ಆನಂವೊ ಇಲ್ಲೆ.

2 ಕೊರಿಂಥ 2:12

ಪಿಂಞ, ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕಾಯಿತ್ ನಾನ್ ತ್ರೋವ ಪಟ್ಟಣಕ್ ಬಪ್ಪಕ, ಒಡೆಯನಗುಂಡ್ ನಾಕ್ ಪಡಿ ತೊರ್ಂದ್‍ತ್ಂಜತ್.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಗಲಾತ್ಯ 1:1

ಮುನುಷ್ಯನಗುಂಡ್ ಅಲ್ಲ, ಮನುಷ್ಯಂಡ ಮೂಲಕವು ಅಲ್ಲ, ಯೇಸು ಕ್ರಿಸ್ತನಗುಂಡ್, ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಅಪ್ಪನಾನ ದೇವಡಗುಂಡ್ ಅಪೊಸ್ತಲನಾನ ಪೌಲ,

ಎಫೆಸ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ, ಎಫೆಸ ಪಟ್ಟಣತ್‍ಲ್, ಯೇಸು ಕ್ರಿಸ್ತಂಡಲ್ಲಿ ನಂಬಿಕೆ ಇಟ್ಟಿತುಳ್ಳ ದೇವಡ ಮಕ್ಕಕ್ ಒಳ್‍ದ್‍ವ ಕಾಗದ ಇದ್.

ಎಫೆಸ 1:13

ನಿಂಗಕ್ ರಕ್ಷಣೆ ತಪ್ಪ ಕ್ರಿಸ್ತಂಡ ನೇರಾನ ನಲ್ಲ ಸುದ್ದಿ ನಿಂಗಡ ಪಕ್ಕ ಬಪ್ಪಕ, ಅದ್‍ನ ಕ್‍ೕಟಿತ್ ನಿಂಗಳು ಸಹ ನಂಬಿತುಳ್ಳಿರ. ಅದ್‍ನ ನಿಂಗ ನಂಬ್‌ವಕ, ಅಂವೊ ವಾಗ್ದಾನ ಮಾಡ್‍ನ ಪವಿತ್ರಾತ್ಮತ್‍ರಗುಂಡ್, ಅಂವೊಂಡಲ್ಲಿ ನಿಂಗ ಅಂವೊಂಗ್ ಸ್ವಂತವಾನಯಿಂಗಾಂದ್ ಉಳ್ಳ ಮುದ್ರೆನ ಪಡ್ಂದಿತುಳ್ಳಿರ.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.

ಫಿಲಿಪ್ಪಿ 1:1

ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 2:11

ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

ಕೊಲೊಸ್ಸೆ 1:1

ದೇವಡ ಚಿತ್ತತ್‍ರನೆಕೆ ಕ್ರಿಸ್ತ ಯೇಸುರಲ್ಲಿ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್,

ಕೊಲೊಸ್ಸೆ 1:25

ನಿಂಗಕ್ ನಲ್ಲದಾಂಡೂಂದ್, ದೇವ ನಾಕ್ ಅಪ್ಪಣೆ ತಂದಿತುಳ್ಳ ಆ ಸೇವೆಯಾನ ದೇವಡ ವಾಕ್ಯತ್‍ನ ಪೂರ್ತಿಯಾಯಿತ್ ಗೊತ್ತ್ ಮಾಡಿ ಕೊಡ್‍ಪಕ್ ನಾನ್ ಸೇವಕನಾಯಿತ್ ಆನ.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

1 ಥೆಸಲೊನೀಕ 2:8

ನಂಗ ನಿಂಗಳ ಅಚ್ಚಕ್ ಪ್ರೀತಿ ಮಾಡಿತ್, ನಿಂಗಕ್ ದೇವಡ ನಲ್ಲ ಸುದ್ದಿರ ಬೋದನೆ ಮಾತ್ರ ಅಲ್ಲತೆ, ನಂಗಡ ಜೀವತ್‍ನ ಸಹ ಕೊಡ್‍ಪಕ್ ನಂಗ ಕುಶೀಲ್ ಇಂಜತ್.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

1 ತಿಮೊಥೆಯ 1:1

ನಂಗಡ ರಕ್ಷಕನಾನ ದೇವ ಪಿಂಞ ನಂಗಡ ನಿರೀಕ್ಷೆಯಾಯಿತುಳ್ಳ ಒಡೆಯನಾನ ಯೇಸು ಕ್ರಿಸ್ತಂಡ ಆಜ್ಞೆರ ಪ್ರಕಾರ, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತುಳ್ಳ ಪೌಲನಾನ ನಾನ್,

1 ತಿಮೊಥೆಯ 2:7

ಈ ನಲ್ಲ ಸುದ್ದಿಕಾಯಿತೇ ದೇವ ನನ್ನ ಒರ್ ಬೋದಕನಾಯಿತ್ ಪಿಂಞ ಒರ್ ಅಪೊಸ್ತಲನಾಯಿತ್ ನೇಮಿಚಿಟ್ಟತ್. ನಂಬಿಕೇರ ವಿಷಯತ್‍ನ, ಸತ್ಯತ್‍ರ ವಿಷಯತ್‍ನ ಅನ್ಯ ಜನಕ್ ಬೋದನೆ ಮಾಡ್‌ವಕಾಯಿತ್ ನನ್ನ ಅಯಿಚತ್. ನಾನ್ ಪೊಟ್ಟ್ ಪರಿಯತೆ ಯೇಸು ಕ್ರಿಸ್ತಂಡ ಪೆದತ್‍ಲ್ ಸತ್ಯತ್‍ನ ಎಣ್ಣಿಯಂಡುಂಡ್.

2 ತಿಮೊಥೆಯ 1:11

ಈ ನಲ್ಲ ಸುದ್ದಿಕಾಯಿತ್ ದೇವ ನನ್ನ ಒರ್ ಪ್ರಸಂಗಿಯಾಯಿತ್, ಒರ್ ಅಪೊಸ್ತಲನಾಯಿತ್ ಪಿಂಞ ಬೋದಕನಾಯಿತ್ ನೇಮಿಚಿಟ್ಟಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:1

ದೇವಡ ಸೇವಕನಾಯಿತು, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತು ಉಳ್ಳ ಪೌಲನಾನ ನಾನ್, ನಂಗಕುಳ್ಳ ಒರೇ ತರ ನಂಬಿಕೇರೆ ಮೂಲಕ ಕ್ರಿಸ್ತನಗುಂಡ್ ನಾಕ್ ನೇರಾನ ಮೋಂವೊನಾಯಿತ್ ಉಳ್ಳ ತೀತಂಗ್ ಒಳ್‍ದ್‍ವ ಕಾಗದ ಇದ್.

ಇಬ್ರಿಯ 5:4

ಇದ್‍ಲ್ಲತೆ, ಆರೋನ ಎಣ್ಣ್‌ವಂವೊನ ದೇವ ಕಾಕ್‍ನನೆಕೆ, ಕಾಕಿತಿಲ್ಲೇಂಗಿ, ಏದ್ ಒರ್ ಮನುಷ್ಯನು ತಾನಾಯಿತೇ ಈ ಬಲ್ಯ ಸೇವೇನೆ ಎಡ್‌ತವಕ್ ಕಯ್ಯುಲೆ.

ಇಬ್ರಿಯ 7:26

ಇನ್ನನೆ ಉಳ್ಳ ಮಹಾ ಯಾಜಕನೇ ನಂಗಕ್ ಬೋಂಡಿಯತ್. ಇಂವೊ, ಪವಿತ್ರವಾನಂವೊನು, ಕುತ್ತ ಇಲ್ಲತಂವೊನು, ಒರ್ ತಪ್ಪ್ ಇಲ್ಲತಂವೊನಾಯಿತು ಉಂಡ್. ಅಂವೊ ಪಾಪಿಯಂಗಡ ಕೂಡೆ ಕೂಡತೆ, ಪರಲೋಕತ್‍ಲ್ ಎಲ್ಲಾಕಿಂಜ ಬಲ್ಯ ಸ್ತಾನತ್‍ನ ಪಡ್ಂದಂವೊನಾಯಿತುಂಡ್.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 4:17

ದೇವಡ ನ್ಯಾಯತೀರ್ಪ್ ಅಂವೊಂಡ ಮಕ್ಕಡಲ್ಲಿಯೇ ಸುರು ಆಪಕುಳ್ಳ ಸಮಯವಾಯಿತುಂಡ್; ಅದ್ ನಂಗಡಲ್ಲಿಯೇ ಸುರು ಆಚೇಂಗಿ, ದೇವಡ ನಲ್ಲ ಸುದ್ದಿಕ್ ಕೆಮಿ ಕೊಡ್‌ಕತಯಿಂಗಡ ಸ್ತಿತಿ ಎನ್ನನೆ ಆಯಿತ್‌ಪ್ಪ?

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 22:6

ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.