ಪ್ರಕಟನೆ 9:3 - ಕೊಡವ ಬೈಬಲ್

³ ಆ ಪೊಗೆಯಿಂಜ ದುಂಬ ಪಚ್ಚೆ ಪುಕ್ಕ ಪೊರಟ್ ಬಾತ್. ಅದ್ಂಗ್ ಬೂಮಿಲುಳ್ಳ ಚೇಳ್‍ವಕ್ ಎಂತ ಶಕ್ತಿ ಉಂಡೋ ಆ ಶಕ್ತಿನ ಕೊಡ್‌ತಿತ್ಂಜತ್.

ಪ್ರಕಟನೆ 9:3 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:19

ಇದಾ, ನಿಂಗ ಪಾಂಬ್ ಪಿಂಞ ಚೇಳ್‌ರ ಮೇಲೆ ಚೌಟ್‍ವಕು, ವಿರೋದಿಯಾನ ಸೈತಾನಂಡ ಎಲ್ಲಾ ಶಕ್ತಿನ ಚೋಪ್‌ಚಿಡ್‌ವಕು ನಾನ್ ನಿಂಗಕ್ ಅದಿಕಾರ ತಪ್ಪಿ; ಏದು ನಿಂಗಳ ಒಂದು ಮಾಡುಲೆ.

ಪ್ರಕಟನೆ 9:5

ಅದಲ್ಲತೆ, ಅಯಿಂಗಳ ಕೊಲ್ಲುವಕ್ ಅಯಿಂಗಕ್ ಅದಿಕಾರ ಕ್‍ಟ್ಟಿತ್‌ಲ್ಲೆ, ಆಚೇಂಗಿ ಅಂಜ್ ತಿಂಗಕ್ ಹಿಂಸೆ ಮಾಡ್‌ವಕ್ ಮಾತ್ರ ಅಯಿಂಗಕ್ ಹುಕುಮ್ ಕೊಡ್‌ತಿತ್ಂಜತ್; ಆ ಹಿಂಸೆರ ನೊಂಬಲ, ಚೇಳ್ ಕಡಿಪಕ ಆಪ ನೊಂಬಲತ್‍ರನೆಕೆ ಇಪ್ಪ.

ಪ್ರಕಟನೆ 9:7

ಆ ಪಚ್ಚೆಪುಕ್ಕತ್‍ರ ರೂಪ ಯುದ್ದಕ್ ತಯಾರಾನ ಕುದರೆನೆಕೆ ಇಂಜತ್; ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟತ್‍ರನೆಕೆ ಎಂತೋ ಇಂಜತ್. ಅದ್ಂಡ ಮೂಡ್ ಮನುಷ್ಯಂಡ ಮೂಡ್‍ರನೆಕೆ ಇಂಜತ್.