ಪ್ರಕಟನೆ 9:11 - ಕೊಡವ ಬೈಬಲ್

¹¹ ಅಯಿಂಗಕ್ ಒರ್ ರಾಜ ಇಂಜತ್, ಅಂವೊ ಪಾತಾಳತ್‍ರ ದೂತ; ಇಬ್ರಿಯ ಬಾಷೆಲ್ ಅಬದ್ದೋನಾಂದೂ, ಗ್ರೀಕ್ ಬಾಷೆಲ್ ಅಪೊಲ್ಲುವೋನಾಂದೂ ಅಂವೊಂಗ್ ಪೆದ ಉಂಡ್.

ಪ್ರಕಟನೆ 9:11 Iomraidhean Croise

ಜ್ಞಾನತ್‌ರ ಪಡಿಮ 15:11

ಪಾತಾಳವು, ನಾಶನವು ಯೆಹೋವಂಡ ಕಣ್ಣ್‌ ಮಿಂಞಲೇ ಇಪ್ಪಕ, ಮನುಷ್ಯಂಡ ಹೃದಯ ಅಂವೊಂಗ್‌ ಇಂಞು ಎಚ್ಚಕ್‌ ಚಾಯಿತೆ ಕಾಂಗು?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:31

ಅಯಿಂಗಳ ನರಕಕ್ ಅಯಿಪಕ್ ಆಜ್ಞೆ ಮಾಡತೇಂದ್ ಬೋಡಿಯಂಡತ್.

ಯೋಹಾನ 12:31

ದೇವ ಈ ಲೋಕಕ್ ನ್ಯಾಯತೀರ್ಪ್ ಮಾಡ್‌ವ ಸಮಯ ಇಕ್ಕಲೆ ಬಾತ್. ಈ ಲೋಕತ್‍ರ ಅದಿಪತಿನ ಇಕ್ಕಲೆ ದೇವ ಪೊರಮೆ ಚಾಡಿರ್‍ವ.

ಯೋಹಾನ 14:30

ಇಂಞು ಮಿಂಞಕ್ ನಾನ್ ನಿಂಗಡ ಕೂಡೆ ದುಂಬ ತಕ್ಕ್ ಪರಿಯುವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಪತಿ ಬಂದಂಡುಂಡ್. ನಾಡ ಮೇಲೆ ಅಂವೊಂಗ್ ಏದ್ ಶಕ್ತಿಯು ಇಲ್ಲೆ.

ಯೋಹಾನ 16:11

ಈ ಲೋಕಕ್ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದ್ ಕಾಟಿತಪ್ಪ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಕಾರಿನ ದೇವ ಇಕ್ಕಲೆ ನ್ಯಾಯತೀರ್ಪ್ ಮಾಡಿಯತ್.

ಯೋಹಾನ 5:2

ಪಟ್ಟಣತ್‍ರ ಒಳ್‍ಲ್, ಕೊರಿಯಡ ಪಡಿ ಎಣ್ಣುವ ಒರ್ ಪಡಿ ಉಂಡ್. ಅದ್ಂಡ ಪಕ್ಕತ್‍ಲ್ ಅರಾಮಿಯ ತಕ್ಕ್‌ಲ್ ಬೇತ್ಸಥಾಂದ್ ಕಾಕ್‌ವಕಿಂಜ ಒರ್ ಗುಂಡಿ ಇಂಜತ್. ಅದ್ಂಡ ಸುತ್ತ್‌ಲ್ ಅಂಜ್ ಅಟ್ಟ ಇಂಜತ್.

ಯೋಹಾನ 8:44

ನಿಂಗ ನಿಂಗಡ ಅಪ್ಪನಾನ ಸೈತಾನಂಡ ಮಕ್ಕಳಾಯಿತುಳ್ಳಿರ; ನಿಂಗಡ ಅಪ್ಪಂಡ ಇಚ್ಛೆರ ಪ್ರಕಾರ ನಿಂಗ ಮಾಡ್‌ವಿರ; ನಿಂಗಡ ಅಪ್ಪನಾನ ಸೈತಾನ ಪಂಡಿಂಜೇ ಕೊಲ್ಲ್‌ವಂವೊನಾಯಿತುಂಡ್; ಅಂವೊಂಡ ಪಕ್ಕ ಸತ್ಯ ಇಲ್ಲತಗುಂಡ್, ಅಂವೊ ಸತ್ಯತ್‍ಲ್ ನಿಂದಿತ್‌ಲ್ಲೆ. ಅಂವೊ ಪೊಟ್ಟ್ ಪರಿಯುವಂವೊನು, ಎಲ್ಲಾ ಪೊಟ್ಟ್‌ಕ್ ಅಪ್ಪನಾಯಿತು ಉಂಡ್. ಅಂವೊ ಪೊಟ್ಟ್ ಪರಿಯುವಕ, ತಾಂಡ ಸ್ವಂತ ಗುಣತ್ಂಜ ಪೊಟ್ಟ್ ಪರ್ಂದಂಡುಂಡ್.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಎಫೆಸ 2:2

ಅದ್‍ಲ್, ಪಂಡ್ ನಿಂಗ, ಈ ಲೋಕತ್‍ರ ಪದ್ದತಿರ ಪ್ರಕಾರ, ಪಿಂಞ ದೇವಡ ವಾಕ್ಯಕ್ ತಗ್ಗಿತ್ ನಡ್‍ಕತ ಜನತ್‍ರ ಮದ್ಯತ್‍ಲ್, ಇಕ್ಕ ಕ್ರಿಯೆ ಮಾಡಿಯಂಡುಳ್ಳ ದೆವ್ವ ಲೋಕತ್‍ರ ಅದಿಕಾರತ್‍ರ ಅದಿಕಾರಿಯಡ ಆತ್ಮತ್‍ರ ಪ್ರಕಾರ ಬದ್‍ಕಿಯಂಡಿಂಜಿರ.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

1 ಯೋಹಾನ 5:19

ಇಡಿ ಲೋಕ ಸೈತಾನಂಡ ಕೈಯಿಲ್ ಉಂಡೇಂಗಿಯು, ನಂಗೆಲ್ಲಾ ದೇವಕ್ ಕೂಡ್‍ನಯಿಂಗಾಂದ್ ನಂಗಕ್ ಗೊತ್ತುಂಡ್.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 16:16

ಆ ಕೂಳಿಯ, ರಾಜಂಗಳ ಎಲ್ಲಾ ಕೂಟಿಯಂಡ್, ಇಬ್ರಿಯ ತಕ್ಕ್‌ಲ್ ಹರ್ಮಗೆದೋನ್ ಎಣ್ಣುವ ಜಾಗಕ್ ಕಾಕಿಯಂಡ್ ಪೋಚಿ.