ಪ್ರಕಟನೆ 9:1 - ಕೊಡವ ಬೈಬಲ್

¹ ಅಂಜನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಬಾನತ್ಂಜ ಒರ್ ನಕ್ಷತ್ರ ಬೂಮಿಕ್ ಬುದ್ದಾನ ನಾನ್ ಕಂಡಿಯೆ. ಅಂವೊಂಗ್ ಪಾತಾಳತ್‍ರ ಬೀತ್‌ಕೈನ ಕೊಡ್‌ತಿತ್ಂಜತ್.

ಪ್ರಕಟನೆ 9:1 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:18

ಅಂವೊ ಅಯಿಂಗಕ್: ಸೈತಾನ ಬಾನತ್ಂಜ ಮಿಂಚ್‍ರನೆಕೆ ಅಡಿಕ್ ಬೂವದ್‌ನ ನಾನ್ ಕಂಡಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:31

ಅಯಿಂಗಳ ನರಕಕ್ ಅಯಿಪಕ್ ಆಜ್ಞೆ ಮಾಡತೇಂದ್ ಬೋಡಿಯಂಡತ್.

ರೋಮ್ 10:7

ಅಥವ, ಕ್ರಿಸ್ತನ ಚತ್ತಯಿಂಗಡ ಮದ್ಯತ್ಂಜ ಎದ್ದಿತ್ ಬಪ್ಪನೆಕೆ ಮಾಡ್‌ವಕ್ ಪಾತಾಳಕ್ ಇಳಿಂಜಿ ಪೋಪಂವೊ ದಾರ್‍ೕಂದ್ ನೀಡ ಹೃದಯತ್‍ಲ್ ಗೇನ ಮಾಡ್‌ವಕ್ಕಾಗ.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 11:7

ಅಯಿಂಗ ಅಯಿಂಗಡ ಸಾಕ್ಷಿನ ಎಣ್ಣಿತಾನ ಪಿಂಞ, ಪಾತಾಳತ್ಂಜ ಬಪ್ಪ ಮೃಗ ಈಂಗಡ ಕೂಡೆ ಯುದ್ದ ಮಾಡಿತ್ ಈಂಗಳ ಗೆದ್ದಿತ್ ಕೊಲ್ಲುವ.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.

ಪ್ರಕಟನೆ 20:1

ದೇವದೂತ ಒಬ್ಬ ಪರಲೋಕತ್ಂಜ ಪಾತಾಳತ್‍ರ ಬೀತ್‌ಕೈನ ಪಿಂಞ ಬಲ್ಯ ಸರ್ಪಣಿನ ಕೈಯಿಲ್ ಪುಡ್‍ಚಂಡ್ ಬಾನತ್ಂಜ ಇಳ್ಂಜಿತ್ ಬಪ್ಪಾನ ಕಂಡಿಯೆ.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 6:13

ಅತ್ತಿ ಪಣ್ಣ್‌ರ ಮರ ಒರ್ ಬಿರ್‌ಗಾಳಿಕ್ ಅಲ್ಲಾಡ್‌ವಕ, ಅದ್ಂಡ ಕಾಯಿ ಎನ್ನನೆ ನೆಲಕ್ ಬೂವ, ಅನ್ನನೆ ಬಾನತ್‍ರ ಮೀನೆಲ್ಲಾ ಬೂಮಿಲ್ ಬುದ್ದತ್.

ಪ್ರಕಟನೆ 8:10

ಮೂಂದನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಒರ್ ಬಲ್ಯ ನಕ್ಷತ್ರ ಬಲ್ಯದಾಯಿತ್ ಕತ್ತಿಯಂಡ್ ಬಾನತ್ಂಜ ಬುದ್ದತ್. ಅದ್ ಕೆರೆರ ಮೂಂದ್‍ಲ್ ಒರ್ ಬಾಗತ್‍ನ ಪಿಂಞ ಜಲನೀರ್‌ಲ್ ಬುದ್ದತ್.

ಪ್ರಕಟನೆ 8:12

ನಾಲನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಮೂಂದ್‍ಲ್ ಒರ್ ಬಾಗ ಸೂರ್ಯ, ಮೂಂದ್‍ಲ್ ಒರ್ ಬಾಗ ಚಂದ್ರ ಪಿಂಞ ಮೂಂದ್‍ಲ್ ಒರ್ ಬಾಗ ನಕ್ಷತ್ರ ಪಾಳಾಯಿ ಪೋಚಿ. ಒರೋಂದ್‍ಲ್ ಮೂಂದ್‍ಲ್ ಒರ್ ಬಾಗ ಕರ್ತಿತ್ ಇರ್‌ಟಾಯಿ ಪೋಚಿ. ಅಕ್ಕ ಪೋಲ್‍ಲ್, ಮೂಂದ್‍ಲ್ ಒರ್ ಬಾಗ ಬೊಳಿ ಇಂಜಿತ್ತ್‌ಲ್ಲೆ, ಬಯಿಟ್ ಸಹ ಬೊಳಿ ಇಂಜಿತ್ತ್‌ಲ್ಲೆ.

ಪ್ರಕಟನೆ 8:2

ಅಕ್ಕ, ದೇವಡ ಎದ್‍ಕೆ ನಿಂದಿತುಳ್ಳ ಏಳ್ ದೂತಂಗಳ ನಾನ್ ಕಂಡಿಯೆ. ಅಯಿಂಗಕೆಲ್ಲ ಏಳ್ ವಾಲಗ ಕೊಂಬ್ ಕೊಡ್‌ತಿತ್ಂಜತ್.

ಪ್ರಕಟನೆ 9:2

ಅಂವೊ ಪಾತಾಳತ್‍ನ ತೊರ್ಂದತ್. ಅಕ್ಕಣೆ, ಆ ಆಳವಾನ ಕುಂಡ್‍ಂಜ ಬಲ್ಯ ಪೊಗೆ ಕೊಡಿಕ್ ಬಾತ್. ಆ ಆಳವಾನ ಕುಂಡ್‍ರ ಪೊಗೆಯಿಂಜ ಸೂರ್ಯವು ಬಾನವು ಕರ್ತದಾಚಿ.