ಪ್ರಕಟನೆ 7:10 - ಕೊಡವ ಬೈಬಲ್

¹⁰ ಅಯಿಂಗ: ರಕ್ಷಣೆ, ಸಿಂಹಾಸನತ್‍ರ ಮೇಲೆ ಅಳ್‌ತಂಡ್ ಉಳ್ಳ, ನಂಗಡ ದೇವಕು ಕೊರಿಕುಟ್ಟಿಯಾನಂವೊಂಗು ಕೂಡ್‍ನದ್‍ೕಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 7:10 Iomraidhean Croise

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 2:9

ಆಚೇಂಗಿ ನಾನ್, ನಿನ್ನ ತುದಿಚಿತ್‌ ನೀಕ್‌ ಬಲಿ ಕೊಡ್‌ಪಿ; ನಾನ್‌ ಮಾಡ್‌ನ ಪರಕೆನ ಒಪ್ಪಿಚಿಡ್‌ವಿ; ಎನ್ನಂಗೆಣ್ಣ್‌ಚೇಂಗಿ ರಕ್ಷಣೆ ಯೆಹೋವನಗುಂಡ್‌ ಮಾತ್‌ರ ಬಪ್ಪ.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 1:36

ಅಕ್ಕ, ಅಲ್ಲಿ ಯೇಸು ನಡ್ಂದ್ ಪೋಯಂಡಿಪ್ಪದ್‍ನ ಕಂಡಿತ್: ನೋಟಿ, ದೇವಡ ಕೊರಿಕುಟ್ಟೀಂದ್ ಎಣ್ಣ್‌ಚಿ.

ಯೋಹಾನ 4:22

ಸಮಾರ್ಯ ಜನಳಾನ ನಿಂಗ ಗೊತ್ತಿಲ್ಲತದ್‍ನ ಆರಾದನೆ ಮಾಡ್‌ವಿರ; ಯೆಹೂದ್ಯಂಗಳಾನ ನಂಗ ಗೊತ್ತುಳ್ಳದ್‍ನ ಆರಾದನೆ ಮಾಡಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ದೇವಡ ರಕ್ಷಣೆ ಯೆಹೂದ್ಯಂಗಡ ಮೂಲಕ ಬಪ್ಪ.

ಎಫೆಸ 2:8

ಕೃಪೇರಗುಂಡ್ ನಂಬಿಕೇರ ಮೂಲಕ ನಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಇದ್ ನಿಂಗಡಗುಂಡ್ ಕ್‍ಟ್ಟ್‌ನದ್ ಅಲ್ಲ, ಇದ್ ದೇವಡ ಇನಾಮ್.

ಪ್ರಕಟನೆ 12:10

ಅಕ್ಕ, ಪರಲೋಕತ್‍ಲ್ ಒರ್ ಬಲ್ಯ ವಾಣಿ ಕ್‍ೕಟತ್: ಇಕ್ಕ, ರಕ್ಷಣೆಯು, ಶಕ್ತಿಯು, ನಂಗಡ ದೇವಡ ರಾಜ್ಯವು, ಅಂವೊಂಡ ಕ್ರಿಸ್ತಂಡ ಅದಿಕಾರವು ಬಂದಿತುಂಡ್; ಬಯಿಟ್ ಪೋಲ್ ನಂಗಡ ದೇವಡ ಮಿಂಞತ್, ನಂಗಡ ಅಣ್ಣತಮ್ಮಣಂಗಡ ಮೇಲೆ ಕುತ್ತ ಪರ್ಂದಂಡ್ ಇಂಜ ಅಂವೊ, ಅಡಿಕ್ ಬೂವನೆಕೆ ಮಾಡಿರ್‌ತ್.

ಪ್ರಕಟನೆ 19:1

ಇನ್ನನೆ ಆನ ಪಿಂಞ, ಪರಲೋಕತ್‍ಲ್ ಬಲ್ಯ ಜನತ್‍ರ ಗುಂಪ್ ಮಾಡ್‌ವ ಜೋರಾನ ಸದ್ದ್ ನಾಕ್ ಕ್‍ೕಟತ್. ಅಯಿಂಗ: ಹಲ್ಲೆಲೂಯ, ರಕ್ಷಣೆಯು, ಮಹಿಮೆಯು, ಶಕ್ತಿಯು, ನಂಗಡ ದೇವನಾಯಿತುಳ್ಳ ಒಡೆಯಂಗ್ ಮಾತ್ರ ಕೂಡ್‍ನದ್;

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:3

ಇಂಞು ಮಿಂಞಕ್ ಒರ್ ಶಾಪವು ಇಪ್ಪುಲೆ. ದೇವಡ ಸಿಂಹಾಸನ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನ ಅಲ್ಲಿ ಇಪ್ಪ. ಅಂವೊಂಡ ಸೇವಕಂಗ ಅಂವೊಂಗ್ ಸೇವೆ ಮಾಡಿತ್,

ಪ್ರಕಟನೆ 4:6

ಆ ಸಿಂಹಾಸನತ್‍ರ ಮಿಂಞ ಶುದ್ದವಾನ ಪಾಕಲ್ಲ್‌ರನೆಕೆ ಗಾಜಿರ ಕಡಲ್ ಇಂಜತ್. ಸಿಂಹಾಸನತ್‍ರ ಮದ್ಯತ್‍ಲ್ ಪಿಂಞ ಸಿಂಹಾಸನತ್‍ರ ಸುತ್ತ್‌ಲ್ ನಾಲ್ ಜೀವ ಪ್ರಾಣಿಯ ಇಂಜತ್; ಜೀವ ಪ್ರಾಣಿಯಕ್ ಮಿಂಞಕು ಬಯ್ಯಕು ಪೂರ್ತಿ ಕಣ್ಣ್ ದುಂಬಿತ್ಂಜತ್.

ಪ್ರಕಟನೆ 5:7

ಕೊರಿಕುಟ್ಟಿಯಾನಂವೊ ಬಂದಿತ್, ಸಿಂಹಾಸನತ್‍ಲ್ ಅಳ್‌ತಂಡಿಂಜವೊಂಡ ಬಲ್‌ತೆ ಕೈಯಿಲ್ ಇಂಜ ಪುಸ್ತಕತ್‍ನ ಎಡ್‍ತತ್.