ಪ್ರಕಟನೆ 7:1 - ಕೊಡವ ಬೈಬಲ್

¹ ಇದಾನ ಪಿಂಞ ಬೂಮಿರ ನಾಲ್ ಮೂಲೆಲ್ ನಾಲ್ ದೇವದೂತಂಗ ನಿಂದಂಡ್ ಬೂಮಿರ ಮೇಲೆ, ಸಮುದ್ರತ್‍ರ ಮೇಲೆ, ಏದ್ ಮರತ್‍ರ ಮೇಲೆಯು ಗಾಳಿ ಬೀಜುವಾನ ತಡ್‍ತಿತ್, ಬೂಮಿರ ನಾಲ್ ಗಾಳಿನ ತಡ್‍ತನೆಕೆ ಕಂಡತ್.

ಪ್ರಕಟನೆ 7:1 Iomraidhean Croise

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:4

ಅಕ್ಕಣೆಕ್ ಯೆಹೋವ ಬಲ್ಯ ಬಿರ್‌ಗಾಳಿನ ಸಮುದ್ರತ್‌ರ ಮೇಲೆ ಬಪ್ಪನೆಕೆ ಮಾಡ್‌ಚಿ. ಆ ಬಿರ್‌ಗಾಳಿ ಬಯಂಕರವಾಯಿತ್‌ ಬಪ್ಪಕ, ಬಲ್ಯ ಅಲೆ ಪೊಜ್ಜಿತ್, ಹಡಗ್‌ ಪೊಳಿಂಜಿ ಪೋಪನೆಕೆ ಆಚಿ.

ಮತ್ತಾಯ 24:31

ವಾಲಗತ್‍ರ ಬಲ್ಯ ಸದ್ದ್‌ರ ಕೂಡೆ ಅಂವೊ ತಾಂಡ ದೇವದೂತಂಗಳ ಅಯಿಪ. ಅಯಿಂಗ ಅಂವೊ ಗೊತ್ತ್ ಮಾಡಿತುಳ್ಳಯಿಂಗಳ ಬಾನತ್‍ರ ಒರ್ ಮೂಲೆಯಿಂಜ ಇಂಞೊರ್ ಮೂಲೆಕತ್ತನೆ ನಾಲ್ ದಿಕ್ಕ್‌ಯಿಂಜಲೂ ಕೂಟ್‌ವ.

ಮಾರ್ಕ 13:27

ಅಂವೊ ತಾಂಡ ದೇವದೂತಂಗಳ ಬೂಲೋಕತ್‌ರ ಒರ್ ಮೂಲೆಯಿಂಜ ಇಂಞೊರ್ ಮೂಲೆಕತ್ತನೆ ನಾಲ್ ದಿಕ್ಕ್‌ಕ್ ಅಯಿಪಂಜಿ ದೇವ ಗೊತ್ತ್ ಮಾಡಿತುಳ್ಳಯಿಂಗಳ, ಕಾಕಿತ್ ಕೂಟ್‌ವ.

ಪ್ರಕಟನೆ 20:8

ಅಕ್ಕ, ಅಂವೊ ಪೊರಮೆ ಬಂದಿತ್, ಬೂಮಿರ ನಾಲ್ ದಿಕ್ಕ್‌ಲ್ ಉಳ್ಳ ಗೋಗ್ ಮಾಗೋ‍ಗ್ ಎಣ್ಣುವ ಜನಳ ಮೋಸ ಮಾಡ್‌ವಕಾಯಿತ್ ಮರ್‍ಳ್ ಮಾಡಿತ್, ಅಯಿಂಗಳ ಯುದ್ದಕ್ ಪೋಪನೆಕೆ ಮಾಡ್‌ವಕ್ ಪೊರಟಿತ್ ಪೋಪ; ಅಯಿಂಗಡ ಲೆಕ್ಕ ಸಮುದ್ರತ್‍ರ ಮಣರಚ್ಚಕ್ ಇಪ್ಪ.

ಪ್ರಕಟನೆ 6:6

ಅಕ್ಕ, ನಾಲ್ ಜೀವಿ ಪ್ರಾಣಿಯಡ ಮದ್ಯತ್ಂಜ, ಒರ್ ದಿವಸತ್‍ರ ಕೂಲಿರ ಪಣಕ್ ಒರ್ ಕಿಲೊ ಗೋದಿ, ಒರ್ ದಿವಸತ್‍ರ ಕೂಲಿರ ಪಣಕ್ ಮೂಂದ್ ಕಿಲೊ ಬಾರ್ಲಿ, ಎಣ್ಣೆ ಪಿಂಞ ದ್ರಾಕ್ಷಿರಸತ್‍ನ ನೀನ್ ಪಾಳ್ ಮಾಡತೇಂದ್ ನಾಕ್ ಒರ್ ವಾಣಿ ಕ್‍ೕಟತ್.

ಪ್ರಕಟನೆ 7:3

ನಂಗ ನಂಗಡ ದೇವಡ ಸೇವಕಂಗಡ ನೆತ್ತಿರ ಮೇಲೆ ಮುದ್ರೆ ಇಡ್‍ವಕತ್ತನೆ, ಬೂಮಿನ, ಸಮುದ್ರತ್‍ನ, ಮರತ್‍ನ ಪಾಳ್ ಮಾಡತಿ ಎಣ್ಣಿಯಂಡ್ ಬಲ್ಯ ಸದ್ದ್‌ಲ್ ಎಣ್ಣ್‌ಚಿ.

ಪ್ರಕಟನೆ 8:7

ಆದ್ಯ ದೂತ ವಾಲಗ ಕೊಂಬ್ ಊದ್‍ವಕಾಪಕ: ಚೋರೆಲ್ ಕಲ್‌ಕ್‌ನ ಆಲಿಕಾಯಿ ಪಿಂಞ ತಿತ್ತ್ ಬಾತ್, ಅದ್‍ನ ಬೂಮಿರ ಮೇಲೆ ಚಾಡ್‍ಚಿ. ಆನಗುಂಡ್, ಮೂಂದ್‍ಲ್ ಒರ್ ಬಾಗ ಬೂಮಿ ಬೆಂಜಿ ಪೋಚಿ; ಮೂಂದ್‍ಲ್ ಒರ್ ಬಾಗ ಮರ ಬೆಂಜಿ ಪೋಚಿ. ಎಲ್ಲಾ ಪಚ್ಚೆ ಪಿಲ್ಲ್ ಚುಟ್ಟ್ ಪೋಚಿ.

ಪ್ರಕಟನೆ 9:14

ವಾಲಗತ್‌ನ ಪುಡ್‌ಚಂಡಿಂಜ ಆರನೆ ದೇವದೂತನ ನೋಟಿತ್: ಯೂಫ್ರೇಟೀಸ್ ಎಣ್ಣುವ ಬಲ್ಯ ಪೊಳೆರ ಪಕ್ಕ ಕೆಟ್ಟಿ ಬೆಚ್ಚಿತುಳ್ಳ ನಾಲ್ ದೂತಂಗಳ ಉತ್ತಿತ್ ಬುಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 9:4

ಬೂಮಿಲುಳ್ಳ ಪಿಲ್ಲ್‌ನ, ಏದ್ ಒರ್ ಪಚ್ಚೆ ಗಿಡತ್‍ನ ಅಥವ ಮರತ್‍ನ ಪಾಳ್ ಮಾಡತೆ, ನೆತ್ತಿಲ್ ದೇವಡ ಮುದ್ರೆ ಇಲ್ಲತಯಿಂಗಳ ಮಾತ್ರ ಹಿಂಸೆ ಮಾಡ್‌ವಕ್ ಅಯಿಂಗಕ್ ಹುಕುಮ್ ಕ್‍ಟ್ಟಿತ್ಂಜತ್.