ಪ್ರಕಟನೆ 6:12 - ಕೊಡವ ಬೈಬಲ್

¹² ಅಂವೊ ಆರನೆ ಮುದ್ರೆನ ಪೊಳಿಪದ್‍ನ ನೋಟಿಯೆ; ಇದಾ, ಬೂಮಿ ಬಲ್ಯದಾಯಿತ್ ಗ್‍ಡ್‍ಗ್‍ಚಿ, ಸೂರ್ಯ ಒರ್ ಕರ್ತ ಗೋಣಿಚೇಲೆರನೆಕೆ ಕರ್ತಿತ್ ಪೋಚಿ, ಚಂದ್ರ ಚೋರೆರನೆಕೆ ಆಯಿಪೋಚಿ.

ಪ್ರಕಟನೆ 6:12 Iomraidhean Croise

ಮತ್ತಾಯ 11:21

ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್.

ಮತ್ತಾಯ 24:29

ಅಂದತ ಕಾಲತ್‍ಲ್, ಅಂತ ಸಂಕಟ ಕಾಲ ಆನ ಪಿಂಞ, ಸೂರ್ಯ ಇರ್‌ಟ್ ಆಪ, ಚಂದ್ರ ಬೊಳಿ ಕೊಡ್‍ಪ್‍ಲೆ. ಬಾನತ್‍ರ ಮೀನ್ ಅಡಿಕ್ ಬೂವ. ಬಾನತ್‍ರ ಪ್ರತಿಯೊರ್ ಶಕ್ತಿಯು ನಡ್‌ಗುವ.

ಮತ್ತಾಯ 24:7

ಜನಕ್ ವಿರೋದವಾಯಿತ್ ಜನಳು, ರಾಜ್ಯಕ್ ವಿರೋದವಾಯಿತ್ ರಾಜ್ಯವು ಯುದ್ದ ಮಾಡ್‌ವ; ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಪ, ಬರಗಾಲ ಬಪ್ಪ.

ಮತ್ತಾಯ 27:45

ಮಜ್ಜಣ ಪನ್ನೆರಂಡ್ ಗಂಟೆಯಿಂಜ ಮೂಂದ್ ಗಂಟೆಕತ್ತನೆ ದೇಶ ಪೂರ್ತಿ ಇರ್‌ಟಾಚಿ.

ಮತ್ತಾಯ 27:54

ನೂರ್ ಸಿಪಾಯಿಯಂಗಡ ಅದಿಕಾರಿ ಪಿಂಞ ಅಂವೊಂಡ ಕೂಡೆ ನಿಂದಂಡ್ ಯೇಸುನ ನೋಟಿಯಂಡಿಂಜ ಜನ ಬೂಕಂಪ ಪಿಂಞ ಅಲ್ಲಿ ಆಪಾನೆಲ್ಲಾ ಕಂಡಿತ್, ಬೊತ್ತಿತ್: ಈ ಮನುಷ್ಯ ನೇರಾಯಿತ್ ದೇವಡ ಮೋಂವೊನಾಯಿತ್ಂಜತ್ ಎಣ್ಣಿಯಂಡ್ ಎಣ್ಣ್‌ಚಿ.

ಮತ್ತಾಯ 28:2

ಅಕ್ಕ ಅಲ್ಲಿ ಬಲ್ಯ ಬೂಕಂಪ ಆಯಿತ್, ಒಡೆಯಂಡ ದೂತ ಪರಲೋಕತ್ಂಜ ಬಂತ್ ಆ ಬಲ್ಯ ಬಂಡೆ ಕಲ್ಲ್‌ನ ಆಬರಿಕ್ ಉರ್‍ಟಿತ್ ಆಂಡ ಮೇಲೆ ಅಳ್‌ತತ್.

ಮಾರ್ಕ 15:33

ಮಜ್ಜಣ ಪನ್ನೆರಂಡ್ ಗಂಟೆಯಿಂಜ ಮೂಂದ್ ಗಂಟೆಕತ್ತನೆ ದೇಶ ಪೂರ್ತಿ ಇರ್‌ಟಾಚಿ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 16:18

ಅದಲ್ಲತೆ ಬಲ್ಯ ವಾಣಿ, ಬಲ್ಯ ಗುಡ್‍ಗ್, ಬಲ್ಯ ಮಿಂಚ್, ಮಹಾ ಬೂಕಂಪ ಉಂಟಾಚಿ. ಮನುಷ್ಯಂಗ ಬೂಮಿಲ್ ವಾಸ ಮಾಡ್‌ವಕ್ ಸುರು ಮಾಡ್‍ನ ಕಾಲತ್ಂಜ ಇನ್ನನೆ ಒರ್ ಬೂಕಂಪವು ಆಯಿತ್‌ಲ್ಲೆ, ಅಚ್ಚಕ್ ಬಲ್ಯ ಬೂಕಂಪವಾಯಿತ್ಂಜತ್.

ಪ್ರಕಟನೆ 16:8

ನಾಲೆನ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಸೂರ್ಯಂಡ ಮೇಲೆ ಬೂಕ್‍ಚಿ. ಅಕ್ಕ, ತಿತ್ತ್‌ರಗುಂಡ್ ಮನುಷ್ಯಂಗಳ ಬೇವಿಚಿಡ್‌ವಕ್ ಅದ್ಂಗ್ ಅದಿಕಾರ ಕ್‍ಟ್ಟ್‌ಚಿ.

ಪ್ರಕಟನೆ 8:12

ನಾಲನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಮೂಂದ್‍ಲ್ ಒರ್ ಬಾಗ ಸೂರ್ಯ, ಮೂಂದ್‍ಲ್ ಒರ್ ಬಾಗ ಚಂದ್ರ ಪಿಂಞ ಮೂಂದ್‍ಲ್ ಒರ್ ಬಾಗ ನಕ್ಷತ್ರ ಪಾಳಾಯಿ ಪೋಚಿ. ಒರೋಂದ್‍ಲ್ ಮೂಂದ್‍ಲ್ ಒರ್ ಬಾಗ ಕರ್ತಿತ್ ಇರ್‌ಟಾಯಿ ಪೋಚಿ. ಅಕ್ಕ ಪೋಲ್‍ಲ್, ಮೂಂದ್‍ಲ್ ಒರ್ ಬಾಗ ಬೊಳಿ ಇಂಜಿತ್ತ್‌ಲ್ಲೆ, ಬಯಿಟ್ ಸಹ ಬೊಳಿ ಇಂಜಿತ್ತ್‌ಲ್ಲೆ.

ಪ್ರಕಟನೆ 8:5

ಮಿಂಞ ದೇವದೂತ ದೂಪತ್‍ರ ಪಾತ್ರತ್‍ನ ಎಡ್‍ತಂಡ್ ಬಲಿಪೀಠತ್‍ರ ತಿತ್ತ್ ಕಂಡತ್‍ನ ದುಂಬ್‌ಚಿಟ್ಟಿತ್, ಬೂಮಿಕ್ ಚಾಡ್‍ಚಿ. ಅಕ್ಕ ದುಂಬ ತೆಡ್, ವಾಣಿ, ಮಿನ್ನಲ್ ಪಿಂಞ ಬೂಕಂಪ ಉಂಟಾಚಿ.