ಪ್ರಕಟನೆ 6:11 - ಕೊಡವ ಬೈಬಲ್

¹¹ ಅಕ್ಕ, ಅಯಿಂಗ ಒಬ್ಬೊಬ್ಬಂಗಕು ಬೊಳ್‍ತ ಉದ್ದವಾನ ಬಟ್ಟೇನ ಕೊಡ್‍ತತ್. ಅದಲ್ಲತೆ, ಅಯಿಂಗಡನೆಕೆ, ಕೊಲೆ ಆಪಕುಳ್ಳ ತಂಗಡ ಕೂಟ್ ಸೇವಕಂಗಳಾನ ಅಯಿಂಗಡ ಅಣ್ಣತಮ್ಮಣಂಗಡ ಲೆಕ್ಕ ಪೂರ್ತಿ ಆಪಕತ್ತನೆ, ಇಂಞು ಚೆನ್ನ ಕಾಲ ಆರಾಮ್‍ಲ್ ಇಕ್ಕಂಡೂಂದ್ ಅಯಿಂಗಕ್ ಎಣ್ಣಿಯತ್.

ಪ್ರಕಟನೆ 6:11 Iomraidhean Croise

ಮತ್ತಾಯ 10:21

ಅಣ್ಣತಮ್ಮಣಂಗ ತಾಂಡ ಸ್ವಂತ ಅಣ್ಣತಮ್ಮಣಂಗಳ ಒಪ್ಪ್‌ಚಿಡ್‌ವಂಜಿ ಕೊಲ್ಲ್‌ಚಿಡ್‌ವ, ಅಪ್ಪಂಗ ಸಹ ತಾಂಡ ಸ್ವಂತ ಮಕ್ಕಳ ಅದೇ ಪ್ರಕಾರ ಒಪ್ಪ್‌ಚಿಡ್‌ವಂಜಿ ಕೊಲ್ಲ್‌ಚಿಡ್‌ವ. ಮಕ್ಕ ಅಪ್ಪವ್ವಂಗಕ್ ವಿರೋದವಾಯಿತ್ ಮಕ್ಕಳೇ ಅಯಿಂಗಳ ಕೊಲ್ಲ್‌ಚಿಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:22

ಆಚೇಂಗಿ ಅಪ್ಪ ಅಂವೊಂಡ ಆಳ್‍ವಳ ಕಾಕುವಂಜಿ: ಬೆರಿಯ ಅಂವೊಂಗ್ ನಲ್ಲ ಬಟ್ಟೆ ಎಡ್‌ತ ಬಾರಿ, ಕೈ ಬೆರಕೆಲ್ಲ ಮೊಯಿರ ಇಡಿ, ಅಂವೊಂಡ ಕಾಲ್‌ಕ್ ಎಕ್ಕಡ ಇಡಿ,

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

2 ಥೆಸಲೊನೀಕ 1:7

ಅಂವೊಂಗಾಯಿತ್ ಕಷ್ಟಪಟ್ಟಂಡ್ ಉಳ್ಳ ನಿಂಗಕ್, ನಂಗಡ ಕೂಡೆ ಆರಾಮ್ ತಪ್ಪ. ದೇವ ದಾರ್‍ೕಂದ್ ಗೊತ್ತಿಲ್ಲತಯಿಂಗಕ್ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗ್‌ಚಿಡತಯಿಂಗಕ್ ನ್ಯಾಯವಾನ ತೀರ್ಪ್ ತಪ್ಪ. ಆ ತೀರ್ಪ್‌ನ, ಒಡೆಯನಾನ ಯೇಸು ತಾಂಡ ಮಾಹಾ ಶಕ್ತಿರ ದೂತಂಗಡ ಕೂಡೆ, ಕತ್ತಿಯಂಡ್ ಇಪ್ಪ ತಿತ್ತ್‌ಲ್, ಪರಲೋಕತ್ಂಜ ಅಂವೊನ ಕಾಂಬ್‌ಚಿಡ್‌ವಕ ಮಾಡ್‌ವ.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.

ಇಬ್ರಿಯ 11:40

ಅಯಿಂಗ ನಂಗಳ ಬುಟ್ಟಿತ್ ಪೂರ್ತಿಯಾನಯಿಂಗಳಾಯಿತ್ ಆಕತನೆಕೆ, ವಿಷೇವಾಯಿತುಳ್ಳ ಒರ್ ಬಲ್ಯ ವಿಷಯತ್‍ನ ದೇವ ನಂಗಕಾಯಿತ್ ಮಿಂಞಲೇ ನೇಮಿಚಿಟ್ಟಿತುಂಡ್.

ಇಬ್ರಿಯ 12:23

ಅಲ್ಲತೆ ಪರಲೋಕತ್‍ಲ್ ಪೆದ ಒಳ್‍ದಿತುಳ್ಳ ದೇವಡ ಆದ್ಯ ಮಕ್ಕಡ ಸಬೆರ ಪಕ್ಕವು, ಎಲ್ಲಾಡ ದೇವಾನಾಯಿತುಳ್ಳ ನ್ಯಾಯಾದಿಪತಿರ ಪಕ್ಕವು, ಪೂರ್ತಿಯಾಯಿತ್ ನೀತಿವಂತಯಿಂಗಳಾಯಿತುಳ್ಳ ಆತ್ಮತ್‍ರ ಪಕ್ಕವು,

ಇಬ್ರಿಯ 4:10

ಎನ್ನಂಗೆಣ್ಣ್‌ಚೇಂಗಿ, ದೇವ ತಾಂಡ ಕೆಲಸತ್‍ನ ಪೂರ್ತಿ ಮಾಡಿತ್ ಆರಾಮ್‍ಲ್ ಇಪ್ಪನೆಕೆ, ದೇವಡ ಆರಾಮ್‍ರ ಜಾಗಕ್ ಎತ್ತ್‌ನಂವೊ ಸಹ ತಾಂಡ ಕೆಲಸತ್‍ನ ಪೂರ್ತಿ ಮಾಡಿತ್ ಆರಾಮಾಯಿತ್ ಇಪ್ಪ.

ಪ್ರಕಟನೆ 10:6

ಬಾನತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ, ಬೂಮಿನ ಪಿಂಞ ಅದ್‍ಲ್ ಉಳ್ಳದ್‍ನ, ಸಮುದ್ರತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ ಸೃಷ್ಟಿ ಮಾಡಿತ್, ಎಕ್ಕಾಲು ಬದ್‍ಕಿಯಂಡ್ ಇಪ್ಪಂವೊಂಡ ಮೇಲೆ ಆಣೆ ಇಟ್ಟಿತ್ ಇನ್ನನೆ ಎಣ್ಣ್‌ಚಿ.

ಪ್ರಕಟನೆ 13:15

ಆ ಮೃಗತ್‍ರ ವಿಗ್ರಹ ತಕ್ಕ್ ಪರಿಯುವನೆಕೆಯು, ಮೃಗತ್‍ರ ವಿಗ್ರಹತ್‍ನ ಆರಾದನೆ ಮಾಡ್‌ವಕ್ ಒತ್ತತಯಿಂಗಳೆಲ್ಲ ಕೊಲ್ಲ್‌ವಕು, ಮೃಗತ್‍ರ ವಿಗ್ರಹಕ್ ಜೀವ ಕೊಡ್‌ಪಕು ಈ ದಂಡನೆ ಮೃಗಕ್ ಶಕ್ತಿ ಕೊಡ್‌ತಿತ್ಂಜತ್.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.

ಪ್ರಕಟನೆ 7:9

ಇದಾನ ಪಿಂಞ ನಾನ್ ನೋಟ್‍ವಕ, ದಾರೂ ಲೆಕ್ಕ ಎಡ್‍ಪಕ್ ಕಯ್ಯತನೆಕೆ ಇಂಜ ಸಂಖ್ಯೆತ್‍ರ ಜನ ಸಿಂಹಾಸನತ್‍ರ ಎದ್‍ಕೆ ಪಿಂಞ ಕೊರಿಕುಟ್ಟಿರ ಮಿಂಞತ್ ನಿಂದಂಡಿಂಜತ್. ಈಂಗೆಲ್ಲಾರು, ಎಲ್ಲಾ ಜಾತಿಯಿಂಜ, ಎಲ್ಲಾ ಕುಲತ್ಂಜ, ಎಲ್ಲಾ ಜನತ್‍ಂಜ, ಎಲ್ಲಾ ತಕ್ಕ್‌ಯಿಂಜ ಬಂದಯಿಂಗಳಾಯಿತ್ಂಜತ್. ಅಯಿಂಗ ಎಲ್ಲಾರು ಬೊಳ್‍ತ ಬಟ್ಟೇನ ಇಟ್ಟಂಡ್, ಕೈಯಿಲ್ ಖರ್ಜೂರ ಮರತ್‍ರ ಕೊಂಬ್‍ನ ಪುಡ್‍ಚಂಡ್ ನಿಂದತ್.