ಪ್ರಕಟನೆ 5:6 - ಕೊಡವ ಬೈಬಲ್

⁶ ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಡ ಪಿಂಞ ಪೆರಿಯಯಿಂಗಡ ಮದ್ಯತ್‍ಲ್, ಮಿಂಞಲೇ ಬಲಿಯಾಯಿತ್ಂಜ ಕೊರಿ ಕುಟ್ಟಿರನೆಕೆ ಉಳ್ಳ ಒಬ್ಬನ ನಾನ್ ಕಂಡಿಯೆ; ಅದ್ಂಗ್ ಏಳ್ ಕೊಂಬ್ ಪಿಂಞ ಏಳ್ ಕಣ್ಣ್ ಇಂಜತ್. ಈ ಲೋಕತ್‍ರ ಎಲ್ಲಾ ಜಾಗಕು ಅಯಿಪಕಾಯಿತ್ ಉಳ್ಳ ದೇವಡ ಏಳ್ ಆತ್ಮವೇ ಈ ಏಳ್ ಕಣ್ಣ್.

ಪ್ರಕಟನೆ 5:6 Iomraidhean Croise

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:69

ತಾಂಡ ಸೇವಕನಾನ ದಾವೀದ ರಾಜಂಡ ವಂಶತ್‌ಲ್ ನಂಗಕ್ ಒರ್ ಬಲವುಳ್ಳ ರಕ್ಷಕನ ತಾತ್.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಯೋಹಾನ 1:36

ಅಕ್ಕ, ಅಲ್ಲಿ ಯೇಸು ನಡ್ಂದ್ ಪೋಯಂಡಿಪ್ಪದ್‍ನ ಕಂಡಿತ್: ನೋಟಿ, ದೇವಡ ಕೊರಿಕುಟ್ಟೀಂದ್ ಎಣ್ಣ್‌ಚಿ.

ಅಪೊಸ್ತಲ 8:32

ಅಂವೊ ಓದಿಯಂಡ್ ಇಂಜ ದೇವಡ ವಾಕ್ಯ ಇನ್ನನೆ ಇಂಜತ್: ಕೊಲ್ಲ್‌ವಕ್ ಕೊಂಡ್ ಪೋಪ ಒರ್ ಕೊರಿರನೆಕೆ ಅಂವೊನ ಕೊಂಡ್ ಪೋಚಿ; ಒರ್ ಕೊರಿ ಕುಟ್ಟಿರನೆಕೆ ತಾಂಡ ರೋಮತ್‍ನ ಮುರಿಪಂವೊಂಡ ಮಿಂಞತ್ ಮೌನತ್‍ಲ್ ಇಪ್ಪ, ಅನ್ನನೆ ಅಂವೊ ತಾಂಡ ಬಾಯಿನ ತೊರಕತಂವೊನಾಯಿತ್ಂಜತ್.

ಪ್ರಕಟನೆ 1:4

ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಏಳ್ ಸಬೇಕ್ ಯೋಹಾನ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ: ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಆಯಿತುಳ್ಳ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್. ಯೇಸು ತಾಂಡ ಸಿಂಹಾಸನತ್‍ರ ಮಿಂಞತ್‌ ವಾಸ ಮಾಡಿಯಂಡುಳ್ಳ ಏಳ್ ಆತ್ಮತ್‍ರಗುಂಡ್,

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 14:1

ಪಿಂಞ ನಾನ್ ನೋಟ್‍ವಕ, ಇದಾ, ಚೀಯೋನ್‌ ಕುಂದ್‌ರ ಕೊಡಿಲ್ ಕೊರಿಕುಟ್ಟಿಯಾನಂವೊನ ಪಿಂಞ ಅಂವೊಂಡ ಕೂಡೆ ಅಂವೊಂಡ ಅಪ್ಪನಾನ ದೇವಡ ಪೆದತ್‍ನ ನೆತ್ತಿರ ಮೇಲೆ ಒಳ್‍ದಿತ್ಂಜ 1,44,000 ಜನಳ ಕಂಡಿಯೆ.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 21:22

ಆ ಪಟ್ಟಣತ್‍ಲ್ ನಾನ್ ದೇವಾಲಯತ್‍ನ ಕಂಡಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವ ಪಿಂಞ ಕೊರಿಕುಟ್ಟಿಯಾಯಿತುಳ್ಳಂವೊನೇ ಅದ್ಂಗ್ ದೇವಾಲಯವಾಯಿತ್ಂಜತ್.

ಪ್ರಕಟನೆ 21:23

ಆ ಪಟ್ಟಣಕ್ ಬೊಳಿ ಕೊಡ್‍ಪಕ್ ಸೂರ್ಯನಾಡ್ ಚಂದ್ರನಾಡ್ ಬೋಂಡ್‍ವಕಿಂಜ್‍ಲೆ; ದೇವಡ ಮಹಿಮೆಯೇ ಅದ್ಂಗ್ ಬೊಳಿಯಾಯಿತ್ಂಜತ್. ಕೊರಿಕುಟ್ಟಿಯಾನಂವೊನೇ ಅದ್ಂಗ್ ಬೊಳಕಾಯಿತ್ಂಜತ್

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.

ಪ್ರಕಟನೆ 22:3

ಇಂಞು ಮಿಂಞಕ್ ಒರ್ ಶಾಪವು ಇಪ್ಪುಲೆ. ದೇವಡ ಸಿಂಹಾಸನ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನ ಅಲ್ಲಿ ಇಪ್ಪ. ಅಂವೊಂಡ ಸೇವಕಂಗ ಅಂವೊಂಗ್ ಸೇವೆ ಮಾಡಿತ್,

ಪ್ರಕಟನೆ 4:8

ಆ ನಾಲ್ ಜೀವ ಪ್ರಾಣಿಯ ಒಂದೊಂದಂಗು ಆರ್ ಆರ್ ರೆಕ್ಕೆ ಇಂಜತ್. ರೆಕ್ಕೆರ ಸುತ್ತ್‌ಲ್ ಪಿಂಞ ಒಳ್‍ಕ್ ಕಣ್ಣ್ ದುಂಬಿತ್ಂಜತ್. ಆ ಜೀವ ಪ್ರಾಣಿಯ: ಇಂಜಂವೊನು, ಇಪ್ಪಂವೊನು ಬಪ್ಪಂವೊನು ಆಯಿತುಳ್ಳ ಸರ್ವ ಶಕ್ತಿ ಉಳ್ಳ ದೇವನಾನ ಒಡೆಯ, ಪವಿತ್ರವಾನಂವೊ, ಪವಿತ್ರವಾನಂವೊ, ಪವಿತ್ರವಾನಂವೋಂದ್ ಎಡೆಬುಡತೆ ಬಯಿಟ್ ಪೋಲು ಎಣ್ಣಿಯಂಡೇ ಇಂಜತ್.

ಪ್ರಕಟನೆ 5:11

ಇಂಞು ಮಿಂಞಕ್ ನಾನ್ ನೋಟ್‍ವಕ: ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಳ ಪಿಂಞ ಪೆರಿಯಯಿಂಗಳ ಸುತ್ತ್‌ಲ್ ದುಂಬಿತ್ಂಜ ಬಲ್ಯ ಗುಂಪ್‍ರ ದೂತಂಗಡ ಸದ್ದ್ ನಾಕ್ ಕ್‍ೕಟತ್. ಅಯಿಂಗಡ ಲೆಕ್ಕ ಕೋಟಿಕೋಟಿಯಾಯಿತ್‌ಂಜತ್.

ಪ್ರಕಟನೆ 5:12

ಅಯಿಂಗಳು ಸಹ, ಬಲ್ಯ ಸ್ವರತ್‍ಲ್: ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿಯಾನಂವೊ, ಶಕ್ತಿಯು, ಐಶ್ವರ್ಯವು, ಜ್ಞಾನವು, ಬಲವು, ಗನವು, ಮಹಿಮೆಯು, ತುದಿಯು ಪಡೆಯುವಕ್, ಯೋಗ್ಯನಾಯಿತುಂಡ್‍ೕಂದ್ ಪಾಟ್ ಪಾಡ್‌ಚಿ.

ಪ್ರಕಟನೆ 5:13

ಅದಲ್ಲತೆ, ಪರಲೋಕತ್‍ಲ್, ಬೂಮಿಲ್, ಬೂಮಿರ ಅಡಿಲ್ ಉಳ್ಳ ಸೃಷ್ಟಿಯ, ಸಮುದ್ರತ್‍ಲ್ ಪಿಂಞ ಅದ್‍ಲ್ ಉಳ್ಳ ಸೃಷ್ಟಯ ಎಲ್ಲಾ: ಸಿಂಹಾಸನತ್‍ಲ್ ಅಳ್‌ತಂಡುಳ್ಳವೊಂಗ್ ಪಿಂಞ ಕೊರಿಕುಟ್ಟಿಯಾನಂವೊಂಗ್, ತುದಿಯು ಗನವು ಮಹಿಮೆಯು ಶಕ್ತಿಯು, ಎಕ್ಕಾಲು ಕ್‍ಟ್ಟಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 5:14

ಅಕ್ಕ ನಾಲ್ ಜೀವ ಪ್ರಾಣಿಯಳು ಆಮೆನ್‍ಂದ್ ಎಣ್ಣ್‌ಚಿ. ಇರುವತ ನಾಲ್ ಪೆರಿಯಯಿಂಗಳು ಪುನಃ ಅಡ್ಡ ಬುದ್ದಿತ್ ಎಕ್ಕಾಲು ಜೀವವಾಯಿತ್ ಇಪ್ಪಂವೊನ ಆರಾದನೆ ಮಾಡ್‍ಚಿ.

ಪ್ರಕಟನೆ 6:16

ಅಯಿಂಗ ಕುಂದ್‍ನ, ಬಂಡೇನ ನೋಟಿತ್: ನಿಂಗ ನಂಗಡ ಮೇಲೆ ಬುದ್ದಿತ್, ಸಿಂಹಾಸನತ್‍ಲ್ ಅಳ್‍ತಂಡುಳ್ಳವೊಂಡ ಮೂಡ್‍ಕ್, ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿರ ಚೆಡಿಕ್ ನಂಗಳ ಒಳ್‍ಪ್‍ಚಿಡಿ.