ಪ್ರಕಟನೆ 5:2 - ಕೊಡವ ಬೈಬಲ್

² ಪಿಂಞ, ಪುಸ್ತಕತ್‍ನ ತೊರ್‌ಪಕು ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯವಾನಂವೊ ದಾರ್‍ೕಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತಂಡಿಂಜ ಒರ್ ಶಕ್ತಿವಂತಂವೊನಾನ ದೇವದೂತನ ಸಹ ನಾನ್ ಕಂಡಿಯೆ.

ಪ್ರಕಟನೆ 5:2 Iomraidhean Croise

ಪ್ರಕಟನೆ 10:1

ಪಿಂಞ, ಇಂಞೊರ್ ಶಕ್ತಿವಂತ ದೇವದೂತ ಬಾನತ್ಂಜ ಇಳ್ಂಜಿ ಬಪ್ಪಾನ ನಾನ್ ಕಂಡಿಯೆ; ಮೋಡ ಅಂವೊನ ಮುಚ್ಚಿತ್ಂಜತ್. ಅಂವೊಂಡ ಮಂಡೆರ ಮೇಲೆ ಮಳೆಬಿಲ್ಲ್ ಇಂಜತ್. ಅಂವೊಂಡ ಮೂಡ್ ಸೂರ್ಯಂಡನೆಕೆ ಇಂಜತ್, ಅಂವೊಂಡ ಕಾಲ್ ತಿತ್ತ್‌ರ ಕಂಬತ್‍ರನೆಕೆ ಇಂಜತ್.

ಪ್ರಕಟನೆ 18:21

ಅಕ್ಕ, ಶಕ್ತಿವಂತ ದೂತ ಒಬ್ಬ ಒರ್ ಬಲ್ಯ ಬೀಜುವ ಕಲ್ಲ್‌ರನೆಕೆ ಉಳ್ಳ ಒರ್ ಕಲ್ಲ್‌ನ ಎಡ್‍ತಿತ್ ಸಮುದ್ರತ್‍ಲ್ ಚಾಡ್‍ಚಿ: ಇನ್ನನೆ ಬಾಬೇಲ್ ಎಣ್ಣುವ ಮಹಾ ಪಟ್ಟಣ ಬೆರಿಯ ಅಡಿಕ್ ಪೋಯಿರುವ, ಇಂಞು ಮಿಂಞಕ್ ದಾರೂ ಕಾಂಗತನೆಕೆ ಆಪಾಂದ್ ಎಣ್ಣ್‌ಚಿ.

ಪ್ರಕಟನೆ 5:1

ಪಿಂಞ ಸಿಂಹಾಸನತ್‍ಲ್ ಅಳ್‍ತಂಡುಳ್ಳಂವೊಂಡ ಬಲ್‌ತೆ ಕೈಯಿಲ್ ಒರ್ ಪುಸ್ತಕತ್‍ನ ನಾನ್ ಕಂಡಿಯೆ. ಅದ್ಂಡ ಒಳ್‍ಕ್ ಪಿಂಞ ಪೊರಮೆ ಒಳ್‍ದಿತ್ಂಜತ್. ಅದ್‍ನ ಏಳ್ ಮುದ್ರೆನಗುಂಡ್ ಮುದ್ರೆ ಇಟ್ಟಿತ್ಂಜತ್.

ಪ್ರಕಟನೆ 5:5

ಅಕ್ಕ, ಪೆರಿಯಯಿಂಗಡಲ್ಲಿ ಒಬ್ಬ, ನನ್ನ ನೋಟಿತ್: ನೀನ್ ಮೊರಡತೆ, ಯೆಹೂದ್ಯ ಕುಲತ್‍ರ ಸಿಂಹವೂ, ದಾವೀದ ರಾಜಂಡ ಬೇರಾಯಿತ್ ಉಳ್ಳಂವೊ ಈ ಪುಸ್ತಕತ್‍ನ ತೊರ್‌ಪಕು ಅದ್ಂಡ ಏಳ್ ಮುದ್ರೆಯಳ ಪೊಳಿಪಕು ಗೆದ್ದಿತುಂಡ್‍ೕಂದ್ ಎಣ್ಣ್‌ಚಿ.