ಪ್ರಕಟನೆ 4:2 - ಕೊಡವ ಬೈಬಲ್

² ಅಕ್ಕಣೆ ನಾನ್ ಪವಿತ್ರಾತ್ಮತ್‍ರ ಪುಡ್‍ತತ್‍ಲ್ ಆನ; ಅಕ್ಕ, ಇದಾ, ಪರಲೋಕತ್‍ಲ್ ಒರ್ ಸಿಂಹಾಸನ ಬೆಚ್ಚಿತ್ಂಜತ್, ಅದ್‍ಲ್ ಒಬ್ಬ ಅಳ್‍ತಂಡಿಂಜತ್.

ಪ್ರಕಟನೆ 4:2 Iomraidhean Croise

ಮತ್ತಾಯ 22:43

ಅದ್ಂಗ್ ಯೇಸು: ಅನ್ನನಾಚೇಂಗಿ ದಾವೀದ ಪವಿತ್ರಾತ್ಮತ್‍ರಗುಂಡ್ ಅಂವೊನ ಒಡೆಯನೇಂದ್ ಕಾಕ್‍ನದ್ ಎನ್ನನೆ?

ಇಬ್ರಿಯ 8:1

ಇಲ್ಲಿಕತ್ತನೆ ನಂಗ ಎಣ್ಣಿಯಂಡಿಂಜ ವಿಷಯತ್‍ರ ಪ್ರದಾನ್ಯತೆ ಎಂತ ಎಣ್ಣ್‌ಚೇಂಗಿ: ಪರಲೋಕತ್‍ರ ಸಿಂಹಾಸನತ್‍ಲ್ ಉಳ್ಳ ಮಹಿಮೆ ದುಂಬ್‍ನ ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಮಹಾ ಯಾಜಕ ಇಕ್ಕ ನಂಗಕ್ ಉಂಡ್.

ಪ್ರಕಟನೆ 1:10

ಒಡೆಯಂಡ ದಿವಸತ್‍ಲ್ ಪವಿತ್ರಾತ್ಮಂಡ ಶಕ್ತಿ ನನ್ನ ಅಂವೊಂಡ ಪುಡ್‍ತತ್‍ಲ್ ಬೆಚ್ಚತ್. ಅಕ್ಕ ನಾಡ ಬಯ್ಯ ವಾಲಗತ್‍ರ ಸದ್ದ್‌ರನೆಕೆ ಒರ್ ಜೋರಾನ ಬಲ್ಯ ವಾಣಿ ನಾಕ್ ಕ್‍ೕಟತ್.

ಪ್ರಕಟನೆ 12:5

ಅವ ಎಲ್ಲಾ ಜನಳ, ಇರ್‍ಂಬ್ ಕೋಲ್‍ಲ್ ರಾಜ್ಯಬಾರ ಮಾಡ್‌ವಕ್ ಉಳ್ಳ ಒರ್ ಕ್‍ಣ್ಣ ಕುಂಞಿನ ಪೆತ್ತತ್; ಅವಡ ಕುಂಞಿನ ದೇವಡ ಪಕ್ಕ ಪಿಂಞ ದೇವಡ ಸಿಂಹಾಸನತ್‍ರ ಪಕ್ಕ ಬೆರಿಯ ಕೊಂಡ್ ಪೋಯಿರ್‌ತ್.

ಪ್ರಕಟನೆ 17:3

ಪವಿತ್ರಾತ್ಮತ್‍ಲ್ ಅಂವೊ ನನ್ನ ಮಣಬೂಮಿಕ್ ಕಾಕಿಯಂಡ್ ಪೋಚಿ. ಅಲ್ಲಿ ನಾನ್ ಚೋಂದ ರಂಗ್‍ರ ಒರ್ ಮೃಗತ್‍ನ ಕಂಡಿಯೆ. ಆ ಮೃಗಕ್ ಏಳ್ ಮಂಡೆಯು ಪತ್ತ್ ಕೊಂಬು ಇಂಜತ್. ಅದ್ಂಡ ತಡಿ ಪೂರ್ತಿ ದೇವ ದೂಷಣೆರ ಪೆದತ್‍ರಗುಂಡ್ ಮುಚ್ಚಿತ್ಂಜತ್. ಅದ್ಂಡಮೇಲೆ ಒರ್ ಪೊಣ್ಣಾಳ್ ಅಳ್‍ತಂಡಿಂಜತ್.

ಪ್ರಕಟನೆ 19:4

ಅಕ್ಕ ಇರುವತ ನಾಲ್ ಪೆರಿಯಯಿಂಗ ಪಿಂಞ ನಾಲ್ ಜೀವಿಯ ಅಡ್ಡ ಬುದ್ದಿತ್: ಆಮೆನ್, ಹಲ್ಲೆಲೂಯಾಂದ್ ಎಣ್ಣಿಯಂಡ್ ಸಿಂಹಾಸನತ್‍ಲ್ ಅಳ್‌ತಿತಳ್ಳ ದೇವಕ್ ಆರಾದನೆ ಮಾಡ್‍ಚಿ.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.

ಪ್ರಕಟನೆ 21:10

ಅಂವೊ ನನ್ನ, ಬಲ್ಯದಾಯಿತ್ಂಜ ಉದ್ದವಾಯಿತ್ಂಜ ಒರ್ ಕುಂದ್‌ಕ್ ಪವಿತ್ರಾತ್ಮತ್‍ಲ್ ಎಡ್‍ತಂಡ್ ಪೋಚಿ. ದೇವಡ ಕಡೇಯಿಂಜ ಇಳಿಂಜಿತ್ ಬಂದಂಡುಳ್ಳ ಮಹಿಮೆ ದುಂಬ್‍ನ ಪವಿತ್ರವಾನ ಯೆರೂಸಲೇಮ್ ಪಟ್ಟಣ ಪರಲೋಕತ್‌ನ ಬುಟ್ಟಿತ್ ಬಪ್ಪದ್‍ನ ನಾಕ್ ಕಾಟಿ ತಾತ್.

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 4:10

ಅಕ್ಕ ಇರುವತ ನಾಲ್ ಪೆರಿಯಯಿಂಗಳು, ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊಂಡ ಮಿಂಞತ್ ಅಡ್ಡ ಬುದ್ದಿತ್, ಎಕ್ಕಾಲು ಬದ್‍ಕಿಯಂಡುಳ್ಳಂವೊನ ಆರಾದನೆ ಮಾಡಿತ್, ಅಯಿಂಗಡ ಕಿರೀಟತ್‍ನ ಸಿಂಹಾಸನತ್‍ರ ಮಿಂಞ ಬೆಚ್ಚಿತ್,

ಪ್ರಕಟನೆ 4:5

ಆ ಸಿಂಹಾಸನತ್ಂಜ ದುಂಬ ಮಿನ್ನಲ್, ತೆಡ್ ಪಿಂಞ ಬಲ್ಯ ಸದ್ದ್ ಪೊರಟಿತ್ ಬಾತ್; ದೇವಡ ಏಳ್ ಆತ್ಮತ್‍ರ ಏಳ್ ತಿತ್ತ್‌ರ ಬೊಳ್‍ಚ ಸಿಂಹಾಸನತ್‍ರ ಮಿಂಞ ಕತ್ತಿಯಂಡಿಂಜತ್.

ಪ್ರಕಟನೆ 4:9

ಇಂಞು, ಸಿಂಹಾಸನತ್‍ಲ್ ಅಳ್‌ತಂಡ್, ಕಾಲಕಾಲಕು ಬದ್‍ಕ್‍ವಂವೊಂಗ್ ಆ ಜೀವ ಪ್ರಾಣಿಯ ಎಕ್ಕೆಲ್ಲಾ ಮಹಿಮೆನ, ಗನತ್‍ನ, ತುದಿನ ಅರ್ಪಿಚಿಟ್ಟತೋ,

ಪ್ರಕಟನೆ 5:1

ಪಿಂಞ ಸಿಂಹಾಸನತ್‍ಲ್ ಅಳ್‍ತಂಡುಳ್ಳಂವೊಂಡ ಬಲ್‌ತೆ ಕೈಯಿಲ್ ಒರ್ ಪುಸ್ತಕತ್‍ನ ನಾನ್ ಕಂಡಿಯೆ. ಅದ್ಂಡ ಒಳ್‍ಕ್ ಪಿಂಞ ಪೊರಮೆ ಒಳ್‍ದಿತ್ಂಜತ್. ಅದ್‍ನ ಏಳ್ ಮುದ್ರೆನಗುಂಡ್ ಮುದ್ರೆ ಇಟ್ಟಿತ್ಂಜತ್.

ಪ್ರಕಟನೆ 5:13

ಅದಲ್ಲತೆ, ಪರಲೋಕತ್‍ಲ್, ಬೂಮಿಲ್, ಬೂಮಿರ ಅಡಿಲ್ ಉಳ್ಳ ಸೃಷ್ಟಿಯ, ಸಮುದ್ರತ್‍ಲ್ ಪಿಂಞ ಅದ್‍ಲ್ ಉಳ್ಳ ಸೃಷ್ಟಯ ಎಲ್ಲಾ: ಸಿಂಹಾಸನತ್‍ಲ್ ಅಳ್‌ತಂಡುಳ್ಳವೊಂಗ್ ಪಿಂಞ ಕೊರಿಕುಟ್ಟಿಯಾನಂವೊಂಗ್, ತುದಿಯು ಗನವು ಮಹಿಮೆಯು ಶಕ್ತಿಯು, ಎಕ್ಕಾಲು ಕ್‍ಟ್ಟಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 6:16

ಅಯಿಂಗ ಕುಂದ್‍ನ, ಬಂಡೇನ ನೋಟಿತ್: ನಿಂಗ ನಂಗಡ ಮೇಲೆ ಬುದ್ದಿತ್, ಸಿಂಹಾಸನತ್‍ಲ್ ಅಳ್‍ತಂಡುಳ್ಳವೊಂಡ ಮೂಡ್‍ಕ್, ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿರ ಚೆಡಿಕ್ ನಂಗಳ ಒಳ್‍ಪ್‍ಚಿಡಿ.