ಪ್ರಕಟನೆ 4:11 - ಕೊಡವ ಬೈಬಲ್

¹¹ ನಂಗಡ ಒಡೆಯನಾನ ದೇವನೇ, ಮಹಿಮೆನ, ಗನತ್‍ನ, ಶಕ್ತಿನ ಪಡೆಯುವಕ್ ಯೋಗ್ಯನಾಯಿತುಳ್ಳಿಯ. ನೀನೇ ಎಲ್ಲಾನ ಸೃಷ್ಟಿ ಮಾಡಿಯ, ನೀಡ ಚಿತ್ತತ್‍ರನೆಕೆ ಎಲ್ಲಾ ಸೃಷ್ಟಿ ಆಯಿತ್ ನಿಂದಂಡುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 4:11 Iomraidhean Croise

ಆದ್ಯತ್‌ರ ಪುಸ್ತಕ 1:1

ಎಲ್ಲಾಕಿಂಜ ಮಿಂಞ ದೇವ ಬಾನತ್‍ನ ಪಿಂಞ ಬೂಮಿನ ಸೃಷ್ಟಿ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 16:4

ಯೆಹೋವ ಎಲ್ಲಾನ ತಾಂಗಾಯಿತ್‌ ಸೃಷ್ಟಿ ಮಾಡ್‌ಚಿ. ದುಷ್ಟನ ಸಹ ಕ್‍ೕಡ್‌ರ ದಿವಸಕಾಯಿತ್‌ ಉಂಟ್‌ಮಾಡ್‌ಚಿ.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 17:24

ಈ ಲೋಕತ್‍ನ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಬೂಲೋಕಕು ಪರಲೋಕಕು ಒಡೆಯನಾನಗುಂಡ್, ಮನುಷ್ಯಂಗಡ ಕೈಯಿಂಜ ಕೆಟ್ಟ್‌ನ ದೇವಸ್ತಾನತ್‍ಲ್ ವಾಸ ಮಾಡುಲೆ.

ರೋಮ್ 11:36

ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.

ಎಫೆಸ 3:9

ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಆದಿಯಿಂಜಲೆ ಮುಚ್ಚಿ ಬೆಚ್ಚಿತ್ಂಜ ಈ ಗುಟ್ಟ್‌ನ, ಎಲ್ಲಾರ್‌ಕು ಅರಿಚಿಡ್‌ವಕ್ ನನ್ನ ಗೊತ್ತ್ ಮಾಡ್‍ಚಿ.

ಇಬ್ರಿಯ 1:10

ಒಡೆಯನೇ, ನೀನ್ ಆದ್ಯವಾಯಿತ್ ಈ ಲೋಕಕ್ ಅಡಿಪಾಯ ಇಟ್ಟಿಯ, ಬಾನತ್‍ನ ನೀಡ ಕೈಯಿಂಜ ಮಾಡಿಯಾಂದ್ ಸಹ ದೇವಡ ವಾಕ್ಯತ್‍ಲ್ ಎಣ್ಣಿತುಂಡ್;

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಪ್ರಕಟನೆ 1:6

ಅಂವೊಂಡ ದೇವನಾಯಿತುಳ್ಳ ಅಪ್ಪಂಡ ಸನ್ನಿದಾನತ್‍ಲ್ ನಂಗಳ ರಾಜಂಗಳಾಯಿತು, ಯಾಜಕಂಗಳಾಯಿತು ಮಾಡ್‍ಚಿ. ಅಂವೊಂಗ್ ಕಾಲಕಾಲಕು ಮಹಿಮೆಯು, ಶಕ್ತಿಯು ಇರಡ್. ಆಮೆನ್.

ಪ್ರಕಟನೆ 10:6

ಬಾನತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ, ಬೂಮಿನ ಪಿಂಞ ಅದ್‍ಲ್ ಉಳ್ಳದ್‍ನ, ಸಮುದ್ರತ್‍ನ ಪಿಂಞ ಅದ್‍ಲ್ ಉಳ್ಳದ್‍ನ ಸೃಷ್ಟಿ ಮಾಡಿತ್, ಎಕ್ಕಾಲು ಬದ್‍ಕಿಯಂಡ್ ಇಪ್ಪಂವೊಂಡ ಮೇಲೆ ಆಣೆ ಇಟ್ಟಿತ್ ಇನ್ನನೆ ಎಣ್ಣ್‌ಚಿ.

ಪ್ರಕಟನೆ 14:7

ಅಂವೊ: ನಿಂಗೆಲ್ಲಾರು ದೇವಕ್ ಬೊತ್ತಿತ್, ಅಂವೊಂಗ್ ಮಹಿಮೆ ಕೊಡ್‍ಪಿರ; ಎನ್ನಂಗೆಣ್ಣ್‌ಚೇಂಗಿ ದೇವ ನ್ಯಾಯತೀರ್ಪ್ ಮಾಡ್‌ವ ಸಮಯ ಬಾತ್. ಬಾನತ್‍ನ, ಬೂಲೋಕತ್‍ನ, ಸಮುದ್ರತ್‍ನ ಪಿಂಞ ನೀರ್‌ರ ಬುಗ್ಗೆಯಳ ಸೃಷ್ಟಿ ಮಾಡ್‌ನಂವೊನ ಆರಾದನೆ ಮಾಡ್‌ವಿರಾಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 19:1

ಇನ್ನನೆ ಆನ ಪಿಂಞ, ಪರಲೋಕತ್‍ಲ್ ಬಲ್ಯ ಜನತ್‍ರ ಗುಂಪ್ ಮಾಡ್‌ವ ಜೋರಾನ ಸದ್ದ್ ನಾಕ್ ಕ್‍ೕಟತ್. ಅಯಿಂಗ: ಹಲ್ಲೆಲೂಯ, ರಕ್ಷಣೆಯು, ಮಹಿಮೆಯು, ಶಕ್ತಿಯು, ನಂಗಡ ದೇವನಾಯಿತುಳ್ಳ ಒಡೆಯಂಗ್ ಮಾತ್ರ ಕೂಡ್‍ನದ್;

ಪ್ರಕಟನೆ 5:12

ಅಯಿಂಗಳು ಸಹ, ಬಲ್ಯ ಸ್ವರತ್‍ಲ್: ಮಿಂಞಲೇ ಬಲಿಯಾಯಿತ್ಂಜ ಕೊರಿಕುಟ್ಟಿಯಾನಂವೊ, ಶಕ್ತಿಯು, ಐಶ್ವರ್ಯವು, ಜ್ಞಾನವು, ಬಲವು, ಗನವು, ಮಹಿಮೆಯು, ತುದಿಯು ಪಡೆಯುವಕ್, ಯೋಗ್ಯನಾಯಿತುಂಡ್‍ೕಂದ್ ಪಾಟ್ ಪಾಡ್‌ಚಿ.

ಪ್ರಕಟನೆ 5:2

ಪಿಂಞ, ಪುಸ್ತಕತ್‍ನ ತೊರ್‌ಪಕು ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯವಾನಂವೊ ದಾರ್‍ೕಂದ್ ಬಲ್ಯ ಸದ್ದ್‌ಲ್ ಕೂತ್ ಕೊಡ್‍ತಂಡಿಂಜ ಒರ್ ಶಕ್ತಿವಂತಂವೊನಾನ ದೇವದೂತನ ಸಹ ನಾನ್ ಕಂಡಿಯೆ.

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,