ಪ್ರಕಟನೆ 3:21 - ಕೊಡವ ಬೈಬಲ್

²¹ ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 3:21 Iomraidhean Croise

ಮತ್ತಾಯ 19:28

ಅದ್ಂಗ್ ಯೇಸು: ಮನುಷ್ಯಕುಮಾರ ಪುದಿಯ ಲೋಕತ್‍ನ ಮಾಡಿತ್ ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ಪಕಾಪಕ, ನಾಡ ಬೋದನೆನ ಕ್‍ೕಟಿತ್ ನಾಡ ಬಯ್ಯ ಬಂದ ನಿಂಗ ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಅಳ್‌ಪಿರಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 25:21

ಅಂವೊಂಡ ಎಜಮಾನ ಅಂವೊನ ನೋಟಿತ್: ನಲ್ಲದ್ ಆಚಿ, ನೀನ್ ನಲ್ಲ ಪಿಂಞ ನಂಬಿಕಸ್ತನಾನ ಆಳ್. ಚೆರಿಯ ವಿಷಯತ್‍ಲು ನೀನ್ ನಂಬಿಕೆ ಕಾಟಿತುಳ್ಳಿಯ, ನಿನ್ನ ನಾನ್ ಬಲ್ಯ ಕೆಲಸಕ್ ಅದಿಕಾರಿಯಾಯಿತ್ ಮಾಡ್‌ವಿ, ಇಕ್ಕ ಬಾ, ನೀಡ ಎಜಮಾನಂಡ ಕುಶೀಲ್ ಪ್ರವೇಶ ಮಾಡ್‍ೕಂದ್ ಎಣ್ಣ್‌ಚಿ.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:30

ನಾಡ ರಾಜ್ಯತ್‍ಲ್ ನಾಡ ಕೂಡೆ ನಿಂಗ ಉಂಬಿರ, ಕುಡಿಪಿರ. ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಒಬ್ಬೊಬ್ಬನು ಅಳ್‌ಪಿರಾಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 13:32

ಅಂವೊಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟ್‌ಚೇಂಗಿ, ದೇವ ಅಂವೊಂಡ ಮೂಲಕ ತಾಂಡ ಒಳ್‌ಲ್‌ ಅಂವೊಂಗ್ ಮಹಿಮೆ ಕ್‍ಟ್ಟುವನೆಕೆ ಮಾಡುವ, ಇಕ್ಕಲೆ ಒಮ್ಮಕೆ ಮಹಿಮೆನ ಕ್‍ಟ್ಟುವನೆಕೆ ಮಾಡುವ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

2 ತಿಮೊಥೆಯ 2:12

ನಂಗ ಅಂವೊಂಡ ಕೂಡೆ ಕಷ್ಟಪಟ್ಟತೇಂಗಿ ನಂಗ ಸಹ ಅಂವೊಂಡ ಕೂಡೆ ಆಳು‍ವೆ ಮಾಡ್‌ವ, ನಂಗ ಯೇಸುನ ಗೊತ್ತ್‌ಲ್ಲೇಂದ್ ಎಣ್ಣ್‌ಚೇಂಗಿ ಅಂವೊ ಸಹ ನಂಗಳ ಗೊತ್ತ್‌ಲ್ಲೇಂದ್ ಎಣ್ಣುವ.

ಪ್ರಕಟನೆ 1:6

ಅಂವೊಂಡ ದೇವನಾಯಿತುಳ್ಳ ಅಪ್ಪಂಡ ಸನ್ನಿದಾನತ್‍ಲ್ ನಂಗಳ ರಾಜಂಗಳಾಯಿತು, ಯಾಜಕಂಗಳಾಯಿತು ಮಾಡ್‍ಚಿ. ಅಂವೊಂಗ್ ಕಾಲಕಾಲಕು ಮಹಿಮೆಯು, ಶಕ್ತಿಯು ಇರಡ್. ಆಮೆನ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 20:4

ಪಿಂಞ, ನಾನ್ ದುಂಬ ಸಿಂಹಾಸನತ್‍ನ ಕಂಡಿಯೆ. ಅದ್ಂಡಮೇಲೆ ಅಳ್‍ಪಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪ ಅದಿಕಾರತ್‍ನ ಕೊಡ್‌ತಿತ್ಂಜತ್; ಯೇಸುರ ವಿಷಯತ್ ಉಳ್ಳ ಸಾಕ್ಷಿಕಾಯಿತ್, ದೇವಡ ವಾಕ್ಯಕಾಯಿತ್ ಮಂಡೆನ ಕೆತ್ತ್‌ಚಿಡ್‌ವಕ್‌ ಕೊಡ್‌ತಯಿಂಗಡ ಆತ್ಮತ್‌ನ, ಮೃಗತ್‍ನ ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡತೆ, ತಂಗಡ ನೆತ್ತಿಲ್ ಪಿಂಞ ಕೈಯಿಲ್ ಅದ್ಂಡ ಮುದ್ರೆನ ಇಡತಯಿಂಗಳ ನಾನ್ ಕಂಡಿಯೆ. ಅಯಿಂಗ ಜೀವವಾಯಿತ್ ಬಂದಿತ್, ಕ್ರಿಸ್ತಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‍ಚಿ.

ಪ್ರಕಟನೆ 20:6

ಆದ್ಯವಾಯಿತ್ ಜೀವತ್‍ಲ್ ಬಪ್ಪಕ್ ಯೋಗ್ಯವಾನಯಿಂಗ ಆಶೀರ್ವಾದ ಪಡ್ಂದಯಿಂಗಳು ಪವಿತ್ರವಾನಯಿಂಗಳು ಆಯಿತುಂಡ್; ಈಂಗಡ ಮೇಲೆ ದಂಡನೆ ಚಾವ್‍ಕ್ ಅದಿಕಾರ ಇಲ್ಲೆ; ಈಂಗ ಕ್ರಿಸ್ತಂಡ ಮಿಂಞ ದೇವಡ ಯಾಜಕಂಗಳಾಯಿತ್ ಇಂಜಂಡ್ ಅಂವೊಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‌ವ.

ಪ್ರಕಟನೆ 5:10

ನಂಗಡ ದೇವಡ ಮಿಂಞತ್, ಅಯಿಂಗಳ ರಾಜಂಗಳಾಯಿತು, ಯಾಜಕಂಗಳಾಯಿತು ಮಾಡಿತ್: ಅಯಿಂಗ ಬೂಮಿಲ್ ರಾಜ್ಯಬಾರ ಮಾಡ್‌ವಾಂದ್, ಒರ್ ಪುದಿಯ ಪಾಟ್ ಪಾಡ್‌ಚಿ.

ಪ್ರಕಟನೆ 6:2

ನಾನ್ ನೋಟ್‍ವಕ, ಇದಾ, ಒರ್ ಬೊಳ್‍ತ ಕುದ್‍ರೆನ ಕಂಡಿಯೆ, ಅದ್ಂಡಮೇಲೆ ಇಂಜಂವೊ ಒರ್ ಬಿಲ್ಲ್‌ನ ಪುಡ್‌ಚಂಡಿಂಜತ್, ಅಂವೊಂಗ್ ಒರ್ ಕಿರೀಟ ಕೊಡ್‌ತಿತ್ಂಜತ್, ಅಂವೊ ಗೆಲ್ಲ್‌ವಂವೊನಾಯಿತ್, ಗೆಲ್ಲ್‌ವಕಾಯಿತ್ ಪೊರಟಿತ್ ಪೋಚಿ.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.