ಪ್ರಕಟನೆ 22:5 - ಕೊಡವ ಬೈಬಲ್

⁵ ಅಲ್ಲಿ ಬಯಿಟ್ ಎಣ್ಣುವದ್ ಇಪ್ಪದೇ ಇಲ್ಲೆ; ಅಯಿಂಗಕ್ ಬೊಳ್‍ಚತ್‍ರ ಬೊಳಿ ಅಥವ ಸೂರ್ಯಂಡ ಬೊಳಿ ಬೋಂಡ. ಎನ್ನಂಗೆಣ್ಣ್‌ಚೇಂಗಿ, ಒಡೆಯನಾನ ದೇವ ಅಯಿಂಗಕ್ ಬೊಳಿಯಾಯಿತ್‌ಪ್ಪ. ಅಯಿಂಗ ಯುಗ ಯುಗಕ್ ರಾಜ್ಯಬಾರ ಮಾಡ್‌ವ.

ಪ್ರಕಟನೆ 22:5 Iomraidhean Croise

ಮತ್ತಾಯ 19:28

ಅದ್ಂಗ್ ಯೇಸು: ಮನುಷ್ಯಕುಮಾರ ಪುದಿಯ ಲೋಕತ್‍ನ ಮಾಡಿತ್ ತಾಂಡ ಮಹಿಮೇರ ಸಿಂಹಾಸನತ್‍ಲ್ ಅಳ್‌ಪಕಾಪಕ, ನಾಡ ಬೋದನೆನ ಕ್‍ೕಟಿತ್ ನಾಡ ಬಯ್ಯ ಬಂದ ನಿಂಗ ಇಸ್ರಾಯೇಲ್‍ರ ಪನ್ನೆರಂಡ್ ಕುಲತ್‍ನ ನ್ಯಾಯತೀರ್ಪ್ ಕೊಡ್‍ಪಕ್ ಪನ್ನೆರಂಡ್ ಸಿಂಹಾಸನತ್‍ರ ಮೇಲೆ ಅಳ್‌ಪಿರಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 25:34

ಅಕ್ಕ ರಾಜ ತಾಂಡ ಬಲ್‌ತೆ ಬರಿಲ್ ಉಳ್ಳ ಜನಳ ನೋಟಿತ್: ನಾಡ ಅಪ್ಪಂಡ ಆಶೀರ್ವಾದ ಪಡ್ಂದಯಿಂಗಳೇ ಬಾರಿ, ಈ ಲೋಕ ಸೃಷ್ಟಿ ಆಪಕ್ ಮಿಂಞ ತಯಾರ್ ಮಾಡ್‍ನ ನಿಂಗಡ ರಾಜ್ಯತ್‍ನ ಎಡ್‌ತೊಳಿ.

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ರೋಮ್ 5:17

ಒಬ್ಬಂಡ ಅಪರಾದತ್‍ರಗುಂಡ್ ಆ ಒಬ್ಬಂಡ ಮೂಲಕವೇ ಚಾವ್ ಎಲ್ಲಾರ್‌ನ ಆಳಿಯಂಡಿಂಜತೇಂಗಿ, ಕೃಪೇರ ಪಿಂಞ ನೀತಿರ ಪೂರ್ತಿ ಇನಾಮ್ ಕ್‍ಟ್ಟ್‌ವಯಿಂಗ ಯೇಸು ಕ್ರಿಸ್ತ ಎಣ್ಣುವ ಒಬ್ಬನಗುಂಡ್ ಜೀವ ಕ್‍ಟ್ಟಿತ್ ಆಳುವಾಂದ್ ಎಚ್ಚಕ್ ನಿಶ್ಚಯ.

2 ತಿಮೊಥೆಯ 2:12

ನಂಗ ಅಂವೊಂಡ ಕೂಡೆ ಕಷ್ಟಪಟ್ಟತೇಂಗಿ ನಂಗ ಸಹ ಅಂವೊಂಡ ಕೂಡೆ ಆಳು‍ವೆ ಮಾಡ್‌ವ, ನಂಗ ಯೇಸುನ ಗೊತ್ತ್‌ಲ್ಲೇಂದ್ ಎಣ್ಣ್‌ಚೇಂಗಿ ಅಂವೊ ಸಹ ನಂಗಳ ಗೊತ್ತ್‌ಲ್ಲೇಂದ್ ಎಣ್ಣುವ.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 18:23

ಬೊಳ್‍ಚತ್‍ರ ಬೊಳಿ ನೀಡ ಪಕ್ಕ ಕಾಂಬುಲೆ; ಮಂಗಲಕಾರಂಡ ಮಂಗಲಕರ್ತಿರ ಸ್ವರ ಇಂಞು ಮಿಂಞಕ್ ನೀಡಲ್ಲಿ ಕ್‍ೕಪುಲೆ; ನೀಡ ವ್ಯಾಪಾರಿಯ ಬೂಮಿಲ್ ಬಲ್ಯ ಮನುಷ್ಯಂಗಳಾಯಿತ್ಂಜತಲ್ಲಾ? ನೀನ್ ಮಾಡ್‍ನ ಮಾಟತ್ಂಜ ಎಲ್ಲಾ ಜಾತಿಯಳು ಮೋಸ ಆಯಿಪೋಚಿ.

ಪ್ರಕಟನೆ 20:4

ಪಿಂಞ, ನಾನ್ ದುಂಬ ಸಿಂಹಾಸನತ್‍ನ ಕಂಡಿಯೆ. ಅದ್ಂಡಮೇಲೆ ಅಳ್‍ಪಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪ ಅದಿಕಾರತ್‍ನ ಕೊಡ್‌ತಿತ್ಂಜತ್; ಯೇಸುರ ವಿಷಯತ್ ಉಳ್ಳ ಸಾಕ್ಷಿಕಾಯಿತ್, ದೇವಡ ವಾಕ್ಯಕಾಯಿತ್ ಮಂಡೆನ ಕೆತ್ತ್‌ಚಿಡ್‌ವಕ್‌ ಕೊಡ್‌ತಯಿಂಗಡ ಆತ್ಮತ್‌ನ, ಮೃಗತ್‍ನ ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡತೆ, ತಂಗಡ ನೆತ್ತಿಲ್ ಪಿಂಞ ಕೈಯಿಲ್ ಅದ್ಂಡ ಮುದ್ರೆನ ಇಡತಯಿಂಗಳ ನಾನ್ ಕಂಡಿಯೆ. ಅಯಿಂಗ ಜೀವವಾಯಿತ್ ಬಂದಿತ್, ಕ್ರಿಸ್ತಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‍ಚಿ.

ಪ್ರಕಟನೆ 20:6

ಆದ್ಯವಾಯಿತ್ ಜೀವತ್‍ಲ್ ಬಪ್ಪಕ್ ಯೋಗ್ಯವಾನಯಿಂಗ ಆಶೀರ್ವಾದ ಪಡ್ಂದಯಿಂಗಳು ಪವಿತ್ರವಾನಯಿಂಗಳು ಆಯಿತುಂಡ್; ಈಂಗಡ ಮೇಲೆ ದಂಡನೆ ಚಾವ್‍ಕ್ ಅದಿಕಾರ ಇಲ್ಲೆ; ಈಂಗ ಕ್ರಿಸ್ತಂಡ ಮಿಂಞ ದೇವಡ ಯಾಜಕಂಗಳಾಯಿತ್ ಇಂಜಂಡ್ ಅಂವೊಂಡ ಕೂಡೆ ಆಯಿರ ಕಾಲ ರಾಜ್ಯಬಾರ ಮಾಡ್‌ವ.

ಪ್ರಕಟನೆ 21:11

ಅದ್‍ಲ್ ದೇವಡ ಮಹಿಮೆ ಇಂಜತ್. ಆ ಪಟ್ಟಣತ್‍ರ ಬೊಳಿ, ಬಲ್ಯ ಬೆಲೆಯುಳ್ಳ ರತ್ನತ್‍ರ ಬೊಳಿ‍ರನೆಕೆಯು, ಪಳಪಳಾಂದ್ ಉಳ್ಳ ವಜ್ರತ್‍ರನೆಕೆಯು ಇಂಜತ್.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.