ಪ್ರಕಟನೆ 21:9 - ಕೊಡವ ಬೈಬಲ್

⁹ ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 21:9 Iomraidhean Croise

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 17:1

ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೂತಂಗಡಲ್ಲಿ ಒಬ್ಬ, ನಾಡ ಪಕ್ಕ ಬಂದಿತ್ ನಾಡ ಕೂಡೆ ತಕ್ಕ್ ಪರ್ಂದತ್. ನೀನ್ ಬಾ! ದುಂಬ ನೀರ್‌ರ ಮೇಲೆ ಅಳ್‌ತಂಡ್, ಮಹಾ ವೇಶಿಯಾಯಿತಿಂಜವಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ನ ನಾನ್ ನೀಕ್ ಕಾಟಿತಪ್ಪಿ.

ಪ್ರಕಟನೆ 19:7

ನಂಗ ಕುಶಿಪಟ್ಟಿತ್, ಕೊಂಡಾಡಿತ್ ಅಂವೊಂಗ್ ಮಹಿಮೆ ಅರ್ಪಿಚಿಡನ. ಕೊರಿಕುಟ್ಟಿಯಾನವೊಂಡ ಮಂಗಲ ಬಾತ್, ಅಂವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿ ಅವಳ ತಯಾರ್ ಮಾಡ್‍ಚೀಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 21:17

ಅಂವೊ ಅದ್ಂಡ ಗೋಡೆನ ಅಳ್‌ತೆ ಮಾಡ್‌ವಕ, ಮನುಷ್ಯಂಗಡ ಅಳ್‌ತೆರನೆಕೆ ದೇವದೂತ ಅದ್‍ನ ಅಳ್‌ತೆ ಮಾಡ್‌ವಕ ದಂಡ್ ನೂರ ಪದನಾರ್ ಅಡಿ ಇಂಜತ್.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.

ಪ್ರಕಟನೆ 22:17

ಪವಿತ್ರಾತ್ಮನು ಮಂಗಲಕರ್ತಿಯು ಬಾರೀಂದ್ ಎಣ್ಣುವ; ಕ್‍ೕಪಯಿಂಗಳು ಬಾರೀಂದ್ ಎಣ್ಣಡ್; ಬಾಯಾರಿಕೆ ಉಳ್ಳಯಿಂಗ ಬರಡ್; ಕುಶಿಯುಳ್ಳಯಿಂಗ ಜೀವತ್‍ರ ನೀರ್‌ನ ಇನಾಮಾಯಿತ್ ಎಡ್‍ತಂಡ್ ಪೋಡ್.

ಪ್ರಕಟನೆ 22:6

ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.