ಪ್ರಕಟನೆ 21:4 - ಕೊಡವ ಬೈಬಲ್

⁴ ದೇವ ಅಯಿಂಗಡ ಕಣ್ಣೀರ್‌ನೆಲ್ಲಾ ತ್‍ೕ‍ಟ್‍ವ. ಇಂಞು ಮಿಂಞಕ್ ಚಾವ್ ಎಣ್ಣುವದ್ ಇಪ್ಪುಲೆ. ಇಂಞು ದುಃಖ, ಗೋಳಾಟ, ಕಷ್ಟ ಎಣ್ಣುವದ್ ಇಪ್ಪುಲೆ; ಮಿಂಞ ಇಂಜದೆಲ್ಲಾ ಇಲ್ಲತೆ ಆಯಿಪೋಚೀಂದ್ ಎಣ್ಣ್‌ಚಿ.

ಪ್ರಕಟನೆ 21:4 Iomraidhean Croise

ಮತ್ತಾಯ 24:35

ಬಾನ ಬೂಮಿ ಎಲ್ಲಾ ನಾಶ ಆಪ, ಆಚೇಂಗಿ ನಾಡ ತಕ್ಕ್ ನಾಶ ಆಪುಲೆ.

1 ಕೊರಿಂಥ 15:26

ಪಾಳಾಪಕುಳ್ಳ ಆಕೀರ್ ಶತ್ರು ಚಾವ್.

1 ಕೊರಿಂಥ 7:31

ಈ ಲೋಕತ್‍ರ ಸೊತ್ತ್‌ನ ಅನುಬವಿಚಿಡ್‍ವಯಿಂಗ ಅದ್‍ನ ಅನುಬವಿಚಿಡತಯಿಂಳಾಯಿತ್ ಇಕ್ಕಂಡು. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕ ಇಕ್ಕ ಉಳ್ಳನೆಕೆ ದುಂಬ ಕಾಲ ಇಪ್ಪುಲೆ.

2 ಕೊರಿಂಥ 5:17

ಇನ್ನನೆ ಇಪ್ಪಕ, ಒಬ್ಬ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಂಜತೇಂಗಿ ಅಂವೊ ಪುದಿಯ ಸೃಷ್ಟಿಯಾಯಿತುಂಡ್. ಪಳೆಯದೆಲ್ಲ ಕಾಂಗತೆ ಆಯಿಪೋಚಿ, ಎಲ್ಲಾ ಪುದಿಯದಾಚಿ.

2 ಕೊರಿಂಥ 6:17

ಆನಗುಂಡ್, ನಿಂಗ ಅಯಿಂಗಡ ಮದ್ಯತ್ಂಜ ಪೊರಟಿತ್, ಅಯಿಂಗಡಿಂಜ ಬೋರೆ ಆಯಿತ್, ಅಶುದ್ದವಾನದ್‍ನ ಮುಟ್ಟತೀಂದ್ ಒಡೆಯ ಎಣ್ಣಿಯಂಡುಂಡ್.

ಇಬ್ರಿಯ 12:27

ಇಂಞು ಒರ್ ಕುರೀಂದ್ ಎಣ್ಣುವಕ, ಸೃಷ್ಟಿ ಮಾಡ್‍ನದೆಲ್ಲಾ ಅನ್‌ಂಗಿತ್ ನೀಂಗಿ ಪೋಪದ್‌ನ ಪಿಂಞ ಅನಂಗತೆ ಇಪ್ಪದೆಲ್ಲ ಎಕ್ಕಾಲು ನಿಪ್ಪಕುಳ್ಳದ್‍ನ ಕಾಟಿತಪ್ಪ.

2 ಪೇತ್ರ 3:10

ಒಡೆಯಂಡ ದಿವಸ ಒರ್ ಕಳ್ಳ ಬಪ್ಪನೆಕೆ ಬಪ್ಪ; ಬಲ್ಯ ಸದ್ದ್ ಕ್‍ೕಪ, ಅಕ್ಕ, ಪಂಚಬೂತಂಗ ಎಲ್ಲಾ ತಿತ್ತ್‌ರಗುಂಡ್ ಕತ್ತಿ ಪೋಪ, ಬಾನ ಕಾಂಗತೆ ಆಯಿಪೋಪ, ಬೂಮಿಯು ಅದ್‍ಲ್ ಉಳ್ಳ ಎಲ್ಲವೂ ಇಲ್ಲತ ಆಯಿಪೋಪ.

1 ಯೋಹಾನ 2:17

ಲೋಕವು ಅದ್ಂಡ ಇಚ್ಛೆಯು ಕಾಂಗತಾಯಿ ಪೋಪ, ಆಚೇಂಗಿ ದೇವಡ ಚಿತ್ತತ್‍ರನೆಕೆ ನಡ್‌ಪಂವೊ ಎಕ್ಕಲೂ ಬದ್‍ಕ್‍ವ.

ಪ್ರಕಟನೆ 20:13

ಸಮುದ್ರ ತಾಂಡಲ್ಲಿ ಇಂಜ ಚತ್ತಯಿಂಗಳ ಒಪ್ಪ್‌ಚಿಟ್ಟತ್. ಚಾವೂ, ಪಾತಾಳವೂ ತಾಂಡಲ್ಲಿ ಇಂಜ ಚತ್ತಯಿಂಗಳ ಒಪ್ಪ್‌ಚಿಟ್ಟತ್. ಎಲ್ಲಾರ್‌ಕು ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.

ಪ್ರಕಟನೆ 20:14

ಅಕ್ಕ, ಚಾವ್ ಪಿಂಞ ಪಾತಾಳತ್‍ನ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್. ಇದ್ ದಂಡೆನೆ ಚಾವ್.

ಪ್ರಕಟನೆ 21:1

ಅಲ್ಲಿಂಜ ಪುದಿಯ ಬಾನ ಪಿಂಞ ಪುದಿಯ ಬೂಮಿನ ಕಂಡಿಯೆ; ಮಿಂಞತ್‍ರ ಬಾನ ಮಿಂಞತ್‍ರ ಬೂಮಿ ಇಲ್ಲತೆ ಆಯಿಪೋಚಿ; ಸಮುದ್ರ ಸಹ ಇಲ್ಲತೆ ಆಯಿಪೋಚಿ

ಪ್ರಕಟನೆ 22:3

ಇಂಞು ಮಿಂಞಕ್ ಒರ್ ಶಾಪವು ಇಪ್ಪುಲೆ. ದೇವಡ ಸಿಂಹಾಸನ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನ ಅಲ್ಲಿ ಇಪ್ಪ. ಅಂವೊಂಡ ಸೇವಕಂಗ ಅಂವೊಂಗ್ ಸೇವೆ ಮಾಡಿತ್,

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.