ಪ್ರಕಟನೆ 21:12 - ಕೊಡವ ಬೈಬಲ್

¹² ಆ ಪಟ್ಟಣಕ್ ಬಲ್ಯ ಉದ್ದವಾನ ಗೋಡೆ ಇಂಜತ್. ಅದ್ಂಗ್ ಪನ್ನೆರಂಡ್ ಬಾಯಿಕಂಡಿ ಇಂಜತ್. ಕ್‍ೕಕ್ ದಿಕ್ಕ್‌ಲ್ ಮೂಂದ್, ಬಡಕ್‌ ದಿಕ್ಕ್‌ಲ್ ಮೂಂದ್, ತೆಕ್ಕ್‌ ದಿಕ್ಕ್‌ಲ್ ಮೂಂದ್ ಪಿಂಞ ಪಡ್‍ಞಾರ್ ದಿಕ್ಕ್‌ಲ್ ಮೂಂದ್ ಇಂಜತ್.

ಪ್ರಕಟನೆ 21:12 Iomraidhean Croise

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:10

ಅನ್ನನೆ ಒರೇ ಒರ್ ಪಾಪ ಮಾಡ್‍ನ ಮನುಷ್ಯ ದೇವಡ ಕಡೇಕ್ ತಿರ್‌ಗ್‍ಚೇಂಗಿ ಪರಲೋಕತ್‍ಲ್ ಉಳ್ಳ ದೇವದೂತಂಗಡ ಮಿಂಞತ್‍ಲ್ ಸಂತೋಷ ಉಂಟಾಪಾಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:22

ಇನ್ನನೆ ಇಪ್ಪಕ ಬಿಕ್ಷೆಕಾರ ಚತ್ತ್ ಪೋಚಿ. ಅಂವೊನ ದೇವದೂತಂಗ ಎಡ್‍ತಂಡ್ ಪೋಯಿತ್ ಅಬ್ರಹಾಮಂಡ ಪಕ್ಕ ಅಳ್‍ಪ್‍ಚಿಟ್ಟತ್. ಪಿಂಞ ಆ ಐಶ್ವರ್ಯವಂತಂವೊನು ಚತ್ತ್ ಪೋಚಿ, ಅಂವೊನ ಪೂತತ್.

ಅಪೊಸ್ತಲ 26:7

ಇಂಞು ಎಣ್ಣಂಡು ಎಣ್ಣ್‌ಚೇಂಗಿ, ಆ ವಾಗ್ದಾನ ನೆರವೇರ್‌ವಾಂದ್ ನಿರಿಕ್ಷೇಲ್ ನಂಬಿಯಂಡುಳ್ಳ ಕಾರಣಕಾಯಿತ್ ನಂಗಡ ಪನ್ನೆರಂಡ್ ಕುಲತ್‍ರ ಜನವು, ಬಯಿಟ್ ಪೋಲ್ ನೇರಾಯಿತು ಆರಾದನೆ ಮಾಡಿಯಂಡುಂಡ್. ಅಗ್ರಿಪ್ಪ ರಾಜಾನೇ, ಈ ನಿರಿಕ್ಷೇರ ನಂಬಿಕೆಕಾಯಿತೇ ಯೆಹೂದ್ಯಂಗ ನಾಡ ಮೇಲೆ ಕುತ್ತ ಎಣ್ಣಿತುಂಡ್.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

ಪ್ರಕಟನೆ 21:13

ಆ ಬಾಯಿಕಂಡಿರ ಪಕ್ಕ ಪನ್ನೆರಂಡ್ ದೇವದೂತಂಗ ಇಂಜತ್; ಆ ಬಾಯಿಕಂಡಿರ ಮೇಲೆ ಇಸ್ರಾಯೇಲಂಡ ಪನ್ನೆರಂಡ್ ಕುಲತ್‍ರ ಪೆದ ಒಳ್‍ದಿತ್ ಇಂಜತ್.

ಪ್ರಕಟನೆ 21:15

ನಾಡ ಕೂಡೆ ತಕ್ಕ್ ಪರ್‌ದಂಡ್ ಇಂಜಂವೊ, ಆ ಪಟ್ಟಣತ್‍ನ, ಅದ್ಂಡ ಬಾಯಿಕಂಡಿ‍ನ ಅಳ್‌ತೆ ಮಾಡ್‌ವಕಾಯಿತ್ ಪೊನ್ನ್‌ರ ಅಳ್‌ತೆ ಕೋಲ್‍ನ ಕೈಯಿಲ್ ಪುಡ್‍ಚಂಡ್ ಇಂಜತ್.

ಪ್ರಕಟನೆ 21:25

ಅಲ್ಲಿಕ್ ಬಯಿಟ್ ಎಣ್ಣ್‌ವದೇ ಇಲ್ಲತಗುಂಡ್, ಅದ್ಂಡ ಬಾಯಿಕಂಡಿ‍ನ ಮುಚ್ಚಿತ್ ಬೆಪ್ಪದೇ ಇಲ್ಲೆ, ಎಕ್ಕಾಲು ತೊರ್‌ಂದಿತೇ ಇಪ್ಪ.

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.