ಪ್ರಕಟನೆ 21:1 - ಕೊಡವ ಬೈಬಲ್

¹ ಅಲ್ಲಿಂಜ ಪುದಿಯ ಬಾನ ಪಿಂಞ ಪುದಿಯ ಬೂಮಿನ ಕಂಡಿಯೆ; ಮಿಂಞತ್‍ರ ಬಾನ ಮಿಂಞತ್‍ರ ಬೂಮಿ ಇಲ್ಲತೆ ಆಯಿಪೋಚಿ; ಸಮುದ್ರ ಸಹ ಇಲ್ಲತೆ ಆಯಿಪೋಚಿ

ಪ್ರಕಟನೆ 21:1 Iomraidhean Croise

ರೋಮ್ 8:21

ಆನಗುಂಡ್ ಆ ಸೃಷ್ಟಿಯೆಲ್ಲ, ನಾಶವಾಯಿತ್ ಪಾಳಾಯಿ ಪೋಪದಿಂಜ ಬುಡುಗಡೆ ಆಯಿತ್, ದೇವಡ ಮಕ್ಕ ಮಹಿಮೆಲ್ ಪ್ರತ್ಯಕ್ಷ ಆಪಕ ಕ್‍ಟ್ಟುವ ಮಹಿಮೆನ ಪಡೆಯುವಾಂದ್ ನಿರಿಕ್ಷೇಲ್ ದೇವಡಗುಂಡ್ ಅಡಕತ್‍ಲ್ ಉಂಡ್.

2 ಪೇತ್ರ 3:10

ಒಡೆಯಂಡ ದಿವಸ ಒರ್ ಕಳ್ಳ ಬಪ್ಪನೆಕೆ ಬಪ್ಪ; ಬಲ್ಯ ಸದ್ದ್ ಕ್‍ೕಪ, ಅಕ್ಕ, ಪಂಚಬೂತಂಗ ಎಲ್ಲಾ ತಿತ್ತ್‌ರಗುಂಡ್ ಕತ್ತಿ ಪೋಪ, ಬಾನ ಕಾಂಗತೆ ಆಯಿಪೋಪ, ಬೂಮಿಯು ಅದ್‍ಲ್ ಉಳ್ಳ ಎಲ್ಲವೂ ಇಲ್ಲತ ಆಯಿಪೋಪ.

2 ಪೇತ್ರ 3:13

ಅಂವೊಂಡ ವಾಗ್ದಾನತ್‍ರನೆಕೆ, ನೀತಿ ವಾಸ ಮಾಡಿಯಂಡುಳ್ಳ ಪುದಿಯ ಬಾನ ಪಿಂಞ ಪುದಿಯ ಬೂಮಿ ಬಪ್ಪಾಂದ್ ನಂಗ ಪಾರಕಾತಂಡ್ ಉಂಡ್.

ಪ್ರಕಟನೆ 13:1

ಪಿಂಞ ಸಮುದ್ರತ್‍ಂಜ ಒರ್ ಮೃಗ ಪೊರಮೆ ಪತ್ತಿತ್ ಬಪ್ಪದ್‍ನ ನೋಟಿಯೆ; ಆ ಮೃಗಕ್ ಏಳ್ ಮಂಡೆ, ಪತ್ತ್ ಕೊಂಬ್ ಇಂಜತ್. ಆ ಪತ್ತ್ ಕೊಂಬ್‍ರ ಮೇಲೆ ಪತ್ತ್ ಕಿರೀಟ ಇಂಜತ್. ಓರೋರ್ ಮಂಡೆರ ಮೇಲೆಯು ದೂಷಣೆ ಎಣ್ಣುವ ಪೆದ ಇಂಜತ್.

ಪ್ರಕಟನೆ 20:11

ಅಲ್ಲಿಂಜ, ನಾನ್ ಬೊಳ್‍ತ ಸಿಂಹಾಸನತ್‍ನ, ಅದ್ಂಡಮೇಲೆ ಅಳ್‌ತಿತ್ ಉಳ್ಳಂವೊನ ಕಂಡಿಯೆ; ಅಂವೊಂಡ ಸನ್ನಿದಾನತ್ಂಜ ಬೂಮಿಯು ಬಾನವು ಕಾಂಗತೆ ಆಯಿಪೋಚಿ. ಅದ್ ಇಂಜ ಜಾಗ ಸಹ ಇಲ್ಲತೆ ಆಚಿ.

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 6:14

ಬಾನ ಒರ್ ಪುಸ್ತಕತ್‍ರನೆಕೆ ಉರ್ಂಡ್ ಕಾಂಗತೆ ಆಯಿಪೋಚಿ; ಎಲ್ಲಾ ಕುಂದು, ದ್ವೀಪವು ಅದ್ಂಡ ಜಾಗತ್‍ನ ಬುಟ್ಟಿತ್ ಕಾಂಗತೆ ಆಯಿಪೋಚಿ.