ಪ್ರಕಟನೆ 2:7 - ಕೊಡವ ಬೈಬಲ್

⁷ ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 2:7 Iomraidhean Croise

ಆದ್ಯತ್‌ರ ಪುಸ್ತಕ 2:9

ಅಲ್ಲಿ ಯೆಹೋವನಾನ ದೇವ ಎಲ್ಲಾ ತರತ್‌ರ ಮರಗಿಡಗಳನ ಉಂಟ್ ಮಾಡ್‌ಚಿ. ನೋಟ್‌ವಕ್‌ ಚಾಯಿ ಉಳ್ಳದ್‌ನ ಪಿಂಞ ತಿಂಬಕ್‌ ರಸ ಉಳ್ಳ ಎಲ್ಲಾ ತರತ್‌ರ ಮರತ್‌ನ ಬೂಮಿಯಿಂಜ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ. ಆ ತೋಟತ್‌ರ ಮದ್ಯತ್‌ಲ್‌ ಜೀವ ತಪ್ಪ ಮರ ಪಿಂಞ ನಲ್ಲದ್‌ ಕೆಟ್ಟದ್‌ ಏದ್‌ಂದ್‌ ಅರಿವ್‌ ತಪ್ಪ ಮರತ್‌ನ ಮೊಳೆಕೆ ಬಪ್ಪನೆಕೆ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 11:30

ನೀತಿವಂತಂವೊಂಡ ಫಲ ಜೀವ ತಪ್ಪ ಮರ. ಜನಳ ಗೆಲ್ಲುವಂಚೊ ಜ್ಞಾನ ಉಲ್ಳಂವೊ.

ಜ್ಞಾನತ್‌ರ ಪಡಿಮ 13:12

ನಿರೀಕ್ಷೆ ಮಾಡ್‌ನದ್‌ ನೆರವೇರುವಕ್‌ ದುಂಬ ತಡೆ ಆಚೇಂಗಿ ಮನಸ್ಸ್‌ ಕುಂದಿ ಪೋಪ. ಆಚೇಂಗಿ ಆಸೆಪಟ್ಟದ್‌ ಕ್‌ಟ್ಟ್‌ವಕ ಜೀವ ತಪ್ಪ ಮರತ್‌ರನೆಕೆ ಇಪ್ಪ.

ಜ್ಞಾನತ್‌ರ ಪಡಿಮ 15:4

ಸೌಕ್ಯತ್‌ರ ತಕ್ಕ್‌ ಜೀವತಪ್ಪ ಮರತ್‌ರನೆಕೆ ಇಪ್ಪ. ಆಚೇಂಗಿ ಕಪಟತನತ್‌ರ ತಕ್ಕ್‌ ಮನುಷ್ಯಂಡ ಆತ್ಮತ್‌ನ ಜಜ್ಜಿರ್ವ.

ಜ್ಞಾನತ್‌ರ ಪಡಿಮ 3:18

ಜ್ಞಾನತ್‌ನ ನಂಬ್‌ನಯಿಂಗಕ್‌ ಜ್ಞಾನ ಜೀವತಪ್ಪ ಮರವಾಯಿತ್‌ಪ್ಪ. ಅದ್‌ನ ಗಟ್ಟಿಯಾಯಿತ್‌ ಪುಡ್‌ಚಯಿಂಗ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಮತ್ತಾಯ 11:15

ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.

ಮತ್ತಾಯ 13:43

ನೀತಿವಂತಯಿಂಗ ಅಯಿಂಗಡ ಅಪ್ಪಂಡ ರಾಜ್ಯತ್‍ಲ್ ಸೂರ್ಯಂಡನೆಕೆ ಮಿನ್ನುವ. ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳಿ.

ಮತ್ತಾಯ 13:9

ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.

ಮಾರ್ಕ 4:9

ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.

ಮಾರ್ಕ 7:15

ಪೊರಮೆಯಿಂಜ ಮನುಷ್ಯಂಡ ಬಾಯಿರೊಳ್‌ಕ್ ಪೋಪದ್ ಒಂದು ಅಂವೊನ ಅಶುದ್ದ ಮಾಡುಲೆ. ಆಚೇಂಗಿ ಮನುಷ್ಯಂಡ ಒಳ್‌ಳಿಂಜ ಪೊರಮೆ ಬಪ್ಪದೇ, ಅಂವೊನ ಅಶುದ್ದ ಮಾಡ್‌ವ.

ಮಾರ್ಕ 7:16

ದಾರ್‌ಕೇಂಗಿ ಕ್‍ೕಪಕ್ ಕುಶಿ ಉಂಡೇಂಗಿ ಕ್‍ೕಟಿತ್ ಅರ್ಥ ಮಾಡಿಯೊಳಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:43

ಅದ್ಂಗ್ ಯೇಸು: ಇಂದ್ ನೀನ್ ನಾಡ ಕೂಡೆ ಪರದೈಸಿಲ್ ಇಪ್ಪಿಯಾಂದ್ ನಾನ್ ನೀಕ್ ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:8

ಅಲ್ಲಿ ಅದ್ ಮೊಳಕೆ ಬಂತ್, ಒಂದಂಗ್ ನೂರಾಯಿತ್ ಫಲ ಕೊಡ್‍ತತ್. ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

1 ಕೊರಿಂಥ 2:10

ಆಚೇಂಗಿ ನಂಗಕ್ ದೇವ ಅದ್‍ನ ತಾಂಡ ಆತ್ಮತ್‍ರಗುಂಡ್ ಕಾಂಬ್‍ಚಿಟ್ಟತ್. ಆ ಆತ್ಮ ದೇವಡ ಆಳವಾನ ವಿಷಯತ್‍ನೆಲ್ಲಾ ತ್‍ೕಡ್‌ವ.

2 ಕೊರಿಂಥ 12:4

ಆ ಮನುಷ್ಯನ ಪರದೈಸ ಎಣ್ಣುವ ಜಾಗತ್‍ರ ಒಳ್‍ಕ್ ಎಡ್‍ತಂಡತ್. ಅಲ್ಲಿ ಮನುಷ್ಯಂಗ ಪರಿಯುವಕಯ್ಯತ ಪಿಂಞ ಪೊರಮೆ ಎಣ್ಣುವಕ್ ಕಯ್ಯತ ತಕ್ಕ್‌ನ ಅಂವೊ ಕ್‍ೕಟತ್.

1 ಯೋಹಾನ 2:13

ಅಪ್ಪಂಗಳೇ, ಆದಿಯಿಂಜಲೆ ಕ್ರಿಸ್ತ ಯೇಸುನ ನಿಂಗಕ್ ಗೊತ್ತಾನಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದ್‍ವಿ. ಬಾಲೆಕಾರಳೇ ನಿಂಗ ಕೆಟ್ಟಂವೊನಾನ ಸೈತಾನನ ಗೆದ್ದಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದ್‍ವಿ.

ಪ್ರಕಟನೆ 13:9

ಕೆಮಿ ಉಳ್ಳಯಿಂಗ ಎಲ್ಲಾ ಕ್‍ೕಳಿ.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.

ಪ್ರಕಟನೆ 15:2

ತಿತ್ತ್ ಕಲ್‌ಕ್‌ನ ಗಾಜಿರ ಕಡಲ್‍ರನೆಕೆ ಇಂಜ ಒರ್ ಕಡಲ್‍ನ ನಾನ್ ಕಂಡಿಯೆ. ಮೃಗತ್‍ನ ಅದ್ಂಡ ವಿಗ್ರಹತ್‍ನ, ಅದ್ಂಡ ಮುದ್ರೆನೆ ಪಿಂಞ ಅಂವೊಂಡ ಪೆದತ್‍ರ ಲೆಕ್ಕಕ್ ಬಗ್ಗತೆ ಗೆದ್ದಯಿಂಗ ದೇವಡ ವೀಣೇನ ಕೈಯಿಲ್ ಪುಡ್‍ಚಂಡ್ ಗಾಜಿರ ಸಮುದ್ರತ್‍ರ ಪಕ್ಕ ನಿಂದಂಡ್ ಇಪ್ಪಾನ ಕಂಡಿಯೆ.

ಪ್ರಕಟನೆ 2:11

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗ ದಂಡನೆ ಚಾವ್‍ರಗುಂಡ್ ಪಾಳಾಯಿ ಪೋಪುಲೆ. ಇನ್ನನೆ ಒಳ್‍ದ್.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 21:7

ದಾರೆಲ್ಲಾ ಗೆಲ್ಲುವ ಅಯಿಂಗ, ಎಲ್ಲಾಂಗು ಬಾದ್ಯಕಾರಂಗಳಾಯಿತ್ ಇಪ್ಪ. ನಾನ್ ಅಂವೊಂಡ ದೇವನಾಯಿತಿಪ್ಪಿ ಅಂವೊ ನಾಡ ಮೋಂವೊನಾಯಿತ್‌ಪ್ಪ.

ಪ್ರಕಟನೆ 22:14

ಜೀವತ್‍ರ ಮರಕ್ ಅದಿಕಾರ ಉಳ್ಳಯಿಂಗಳಾಯಿತು, ಪಟ್ಟಣತ್‍ರ ಒಳ್‍ಕ್ ಬಾಯಿಕಂಡಿರ ಮೂಲಕ ಪೋಪಕಾಯಿತ್ ತಾಂಡ ಬಟ್ಟೇನ ನೆಲೆಚಿತ್ ಶುದ್ದವಾಯಿತ್ ಬೆಪ್ಪಯಿಂಗ ಆಶೀರ್ವಾದ ಪಡ್ಂದಯಿಂಗ.

ಪ್ರಕಟನೆ 22:17

ಪವಿತ್ರಾತ್ಮನು ಮಂಗಲಕರ್ತಿಯು ಬಾರೀಂದ್ ಎಣ್ಣುವ; ಕ್‍ೕಪಯಿಂಗಳು ಬಾರೀಂದ್ ಎಣ್ಣಡ್; ಬಾಯಾರಿಕೆ ಉಳ್ಳಯಿಂಗ ಬರಡ್; ಕುಶಿಯುಳ್ಳಯಿಂಗ ಜೀವತ್‍ರ ನೀರ್‌ನ ಇನಾಮಾಯಿತ್ ಎಡ್‍ತಂಡ್ ಪೋಡ್.

ಪ್ರಕಟನೆ 22:2

ಅದ್ ಆ ಪಟ್ಟಣತ್‍ರ ಬೀದಿರ ಮದ್ಯತ್‍ಲ್ ಪೋಯಂಡಿಂಜತ್, ಆ ಪೊಳೆರ ದಂಡ್ ಬರೀಲು ಜೀವ ತಪ್ಪ ಮರ ಇಂಜತ್. ಆ ಮರತ್ಂಜ ಪನ್ನೆರಂಡ್ ತರತ್‍ರ ಪಣ್ಣ್ ಕ್‍ಟ್ಟ್‌ವ. ತಿಂಗ ತಿಂಗಕ್ ಅದ್ ಪಣ್ಣ್ ತಪ್ಪಕಿಂಜತ್; ಆ ಮರತ್‍ರ ಎಲ್‌ಕಂಡ ಜನ ವಾಸಿ ಆಪಕ್ ಪ್ರಯೋಜನವಾಯಿತ್ಂಜತ್.